ಬೆಳಗಾವಿ ಪ್ಯಾಂಥರ್ಸ್ ಕೆಪಿಎಲ್ ನ ಹೊಸ ಚಾಂಪಿಯನ್

ಹುಬ್ಬಳ್ಳಿ, ಸೆ.24 : ಕರ್ನಾಟಕ ಪ್ರೀಮಿಯರ್ ಲೀಗ್ (ಕೆಪಿಎಲ್) ನ ಫೈನಲ್ ಪಂದ್ಯದಲ್ಲಿ ಬಿಜಾಪುರ ಬುಲ್ಸ್ ತಂಡವನ್ನು 6 ವಿಕೆಟ್​ಗಳ ಅಂತರದಿಂದ ಸೋಲಿಸಿ ಬೆಳಗಾವಿ ಪ್ಯಾಂಥರ್ಸ್ ತಂಡ ಚೊಚ್ಚಲ ಬಾರಿಗೆ ಚಾಂಪಿಯನ್ ಆಗಿ ಹೊರಹೊಮ್ಮಿದೆ.

ವೈವಿಧ್ಯತೆ ಬೆಳಗಾವಿ ತಂಡದ ಪ್ರಮುಖ ಅಸ್ತ್ರ: ಅರವಿಂದ್

ಇಲ್ಲಿನ ರಾಜನಗರ ಕೆಎಸ್​ಸಿಎ ಮೈದಾನದಲ್ಲಿ ಶನಿವಾರ ನಡೆದ ಫೈನಲ್ ಪಂದ್ಯದಲ್ಲಿ 142ರನ್​ಗಳ ಗುರಿ ಪಡೆದ ಎಸ್. ಅರವಿಂದ್ ನಾಯಕತ್ವದ ಬೆಳಗಾವಿ ಪ್ಯಾಂಥರ್ಸ್ ತಂಡವು 17.3 ಓವರ್​ಗಳಲ್ಲಿ 4 ವಿಕೆಟ್​ಗೆ 145ರನ್ ಗಳಿಸಿ ಗೆಲುವು ದಾಖಲಿಸಿತು. ಎರಡು ಬಾರಿ ರನ್ನರ್ ಅಪ್ ತಂಡವಾಗಿದ್ದ ಬೆಳಗಾವಿ ಈ ಬಾರಿ ಪ್ರಶಸ್ತಿಗೆ ಮುತ್ತಿಟ್ಟಿದೆ.

ಬೆಳಗಾವಿ ಪರ ಸ್ಟಾಲಿನ್ ಹೂವರ್ 81ರನ್ (52 ಎಸೆತ, 8 ಬೌಂಡರಿ, 4 ಸಿಕ್ಸರ್) ಭರ್ಜರಿ ಬ್ಯಾಟಿಂಗ್ ನೆರವಿನಿಂದ ಬೆಳಗಾವಿ ಪ್ಯಾಂಥರ್ಸ್ ತಂಡ ಸುಲಭವಾಗಿ ಚೇಸ್ ಮಾಡಲು ಸಾಧ್ಯವಾಯಿತು. ಉಳಿದಂತೆ ಆರಂಭಿಕ ಆಟಗಾರ ಕೆ.ಎನ್. ಭರತ್ 24ರನ್, (19ಎಸೆತ, 4ಬೌಂಡರಿ) ಉತ್ತಮ ಸಾಥ್ ನೀಡಿದರು.

ಕರ್ನಾಟಕ ರಣಜಿ ಸಂಭಾವ್ಯ ತಂಡದಲ್ಲಿ ಕೆಪಿಎಲ್ ಸ್ಟಾರ್ಸ್

ಇದಕ್ಕೂ ಮೊದಲು ಬ್ಯಾಟಿಂಗ್ ಮಾಡಿದ್ದ ಬಿಜಾಪುರ ಬುಲ್ಸ್ ಆರಂಭಿಕ ಮೊಹಮದ್ ತಾಹ 30ರನ್(22ಎಸೆತ, 3 ಬೌಂಡರಿ, 2 ಸಿಕ್ಸರ್) ಹಾಗೂ ಎಚ್​ಎಸ್ ಶರತ್ ಅಜೇಯ 30ರನ್(12 ಎಸೆತ, 1 ಬೌಂಡರಿ, 3 ಸಿಕ್ಸರ್) ಬ್ಯಾಟಿಂಗ್ ನಿಂದ 7 ವಿಕೆಟ್​ಗೆ 141 ರನ್ ಕಲೆಹಾಕಲು ಮಾತ್ರ ಸಾಧ್ಯವಾಯಿತು.

ಬಿಜಾಪುರ ಬುಲ್ಸ್ ತಂಡಕ್ಕೆ ಭರತ್ ಚಿಪ್ಳಿ ನಾಯಕ

ಸಂಕ್ಷಿಪ್ತ ಸ್ಕೋರ್
ಬಿಜಾಪುರ ಬುಲ್ಸ್: 7 ವಿಕೆಟ್​ಗೆ 141

ಬೆಳಗಾವಿ ಪ್ಯಾಂಥರ್ಸ್:
17.3 ಓವರ್​ಗಳಲ್ಲಿ 4 ವಿಕೆಟ್​ಗೆ 145

ಗರಿಷ್ಠ ವಿಕೆಟ್: ಅಭಿಷೇಕ್ ಸಕೂಜ, 14 ವಿಕೆಟ್ (ಹುಬ್ಬಳ್ಳಿ)
ಗರಿಷ್ಠ ರನ್: ಮಯಾಂಕ್ ಅಗರ್ವಾಲ್, 265 ರನ್ (ಹುಬ್ಬಳ್ಳಿ)
ಸರಣಿಶ್ರೇಷ್ಠ: ಸ್ಟುವರ್ಟ್ ಬಿನ್ನಿ (ಬೆಳಗಾವಿ)