ಹೊಟ್ಟೆನೋವಿನ ಸಿಟ್ಟನ್ನು ಸಿಕ್ಸ್ ಚಚ್ಚಿ ತೀರಿಸಿಕೊಂಡ ಹರ್ಮನ್‌ಪ್ರೀತ್ ಕೌರ್

By Sadashiva
Big hits was my way of battling stomach cramps: Harmanpreet Kaur

ಗಯಾನಾ, ನವೆಂಬರ್ 10: ಗಯಾನಾದ ಪ್ರಾವಿಡೆನ್ಸ್ ಸ್ಟೇಡಿಯಂನಲ್ಲಿ ಶುಕ್ರವಾರ (ನವೆಂಬರ್ 9) ನಡೆದ ಮಹಿಳಾ ಟಿ20 ವಿಶ್ವಕಪ್ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧ ಚೊಚ್ಚಲ ಶತಕ ಬಾರಿಸಿದ್ದ ಭಾರತದ ಹರ್ಮನ್ ಪ್ರೀತ್ ಕೌರ್ ತಾನು ಭರ್ಜರಿ ಹೊಟೆತಗಳನ್ನು ಕೊಟ್ಟಿದ್ದಕ್ಕೆ ಕಾರಣವನ್ನು ಬಿಚ್ಚಿಟ್ಟಿದ್ದಾರೆ.

ಮಹಿಳಾ ವಿಶ್ವಕಪ್ ಟಿ20: ಹರ್ಮನ್ ಪ್ರೀತ್ ಅಬ್ಬರಕ್ಕೆ ಬೆಚ್ಚಿದ ಕಿವೀಸ್

ಪಂದ್ಯವನ್ನಾಡುತ್ತಿದ್ದ ವೇಳೆ ತನಗೆ ಹೊಟ್ಟೆನೋವು ಶುರುವಾಯ್ತು. ಹೊಟ್ಟೆನೋವಿನ ವಿರುದ್ಧ ಹೋರಾಡುವ ಸಲುವಾಗಿ ತಾನು ಸಿಕ್ಸ್ ಚಚ್ಚಿದೆ ಎಂದು ಭಾರತದ ನಾಯಕಿ ಕೌರ್ ಶನಿವಾರ (ನವೆಂಬರ್ 10) ಹೇಳಿಕೊಂಡಿದ್ದಾರೆ. ಪ್ರಮುಖ ಪಂದ್ಯ/ಈವೆಂಟ್‌ಗಳ ವೇಳೆಯೇ ಆಟ(ಓಟ)ಗಾರ್ತಿಯರು ಋತುಚಕ್ರಕ್ಕೆ ಸಂಬಂಧಿಸಿ ನೋವನ್ನನುಭವಿಸೋದಿದೆ. ಆದರೆ ಅವುಡುಗಚ್ಚಿ ಆ ನೋವನ್ನು ಸಕಾರಾತ್ಮಕವಾಗಿ ಬಳಸಿಕೊಳ್ಳೋರು ಅಪರೂಪ. ಅಂಥವರಲ್ಲಿ ಕೌರ್ ಕೂಡ ಒಬ್ಬರಾಗಿದ್ದಾರೆ.

ನಿಷೇಧದ ಬಳಿಕ ಮೊದಲ ಬಾರಿಗೆ ಮುಖಾಮುಖಿಯಾದ ಸ್ಮಿತ್-ವಾರ್ನರ್!

ಮಹಿಳಾ ಟಿ20 ವಿಶ್ವಕಪ್ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧ ಮೊದಲ ಸವಾಲು ಸ್ವೀಕರಿಸಿದ್ದ ಭಾರತ, ಹರ್ಮನ್ ಪ್ರೀತ್ ಅವರ ಅಬ್ಬರದ ಬ್ಯಾಟಿಂಗ್‌ ನೆರವಿನಿಂದ 34 ರನ್ ಗೆಲುವನ್ನಾಚರಿಸಿತ್ತು. ಜೆಮಿಮಾ ರೋಡ್ರಿಗಸ್ ಕೂಡ 59 ರನ್ ಪೇರಿಸಿದ್ದು ತಂಡದ ಗೆಲುವಿಗೆ ಕಾರಣವಾಗಿತ್ತು.

ಮುಂಜಾನೆಯಿಂದಲೇ ಹುಷಾರಿರಲಿಲ್ಲ

ಮುಂಜಾನೆಯಿಂದಲೇ ಹುಷಾರಿರಲಿಲ್ಲ

'ನೆನ್ನೆ (ನವೆಂಬರ್ 9) ನನಗೆ ಹುಷಾರಿರಲಿಲ್ಲ. ಸ್ವಲ್ಪ ಬೆನ್ನುನೋವು, ಹೊಟ್ಟೆನೋವಿನ ಸಮಸ್ಯೆಯಿತ್ತು. ಬೆಳಗ್ಗೆಯಿಂದಲೇ ಆರೋಗ್ಯದ ಸಮಸ್ಯೆಯಿತ್ತು. ಮೈದಾನಕ್ಕೆ ಇಳಿಯುವಾಗಲೂ ಅನಾರೋಗ್ಯದಿಂದಿಂದ ನಾನು ಚೇತರಿಸಿಕೊಂಡಿರಲಿಲ್ಲ. ಹೊಟ್ಟೆ ಸೆಳೆತ (ನೋವು) ಪ್ರಾರಂಭಗೊಂಡಿತ್ತು' ಎಂದು ಪಂದ್ಯದ ಬಳಿಕ ಮಾತನಾಡಿದ ಕೌರ್ ಹೇಳಿದರು.

ಮೊದಲ ಶತಕದ ಮೈಲಿಗಲ್ಲು

ಮೊದಲ ಶತಕದ ಮೈಲಿಗಲ್ಲು

ಅಂತಾರಾಷ್ಟ್ರೀಯ ಟಿ20ಯಲ್ಲಿ ಶತಕ ಬಾರಿಸೋದು ಸುಲಭದ ಮಾತಲ್ಲ. ಆದರೆ ಹರ್ಮನ್‌ಪ್ರೀತ್ ನ್ಯೂಜಿಲ್ಯಾಂಡ್ ವಿರುದ್ಧದ ಆರಂಭಿಕ ಪಂದ್ಯದಲ್ಲಿ ಅಬ್ಬರದ ಬ್ಯಾಟಿಂಗ್ ನಡೆಸಿದ್ದರು. 51 ಎಸೆತಗಳಿಗೆ 103 ರನ್ ಬಾರಿಸಿದ್ದ ಕೌರ್, ಟಿ20 ಕ್ರಿಕೆಟ್ ನಲ್ಲಿ ಶತಕ ಬಾರಿಸಿದ ಮೊದಲ ಭಾರತೀಯೆ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ.

ಓಡೋದಕ್ಕೆ ಬದಲಿ ಐಡಿಯಾ

ಓಡೋದಕ್ಕೆ ಬದಲಿ ಐಡಿಯಾ

ರನ್ ಗಾಗಿ ಓಡುವಾಗ ಕೌರ್ ಗೆ ನೋವಿನ ಅನುಭವ ಹೆಚ್ಚಾಗುತ್ತಿತ್ತು. ಓಡೋದು ಕಷ್ಟ, ತಂಡಕ್ಕೆ ರನ್ ಅಗತ್ಯವಿದೆ; ಈಗೇನು ಮಾಡೋದು ಅಂತ ಯೋಚಿಸುವಾಗ ಕೌರ್‌ಗೆ ಹೊಳೆದಿದ್ದು ಸಿಕ್ಸ್, ಫೋರ್ ಐಡಿಯಾ. ಹೀಗಾಗಿ ನಿಂತಲ್ಲಿಂದಲೇ ಬ್ಯಾಟ್ ಬೀಸಲಾರಂಭಿಸಿದರು. ಪರಿಣಾಮ 8 ಸಿಕ್ಸ, 7 ಬೌಂಡರಿಗಳು ಕೌರ್ ಬ್ಯಾಟ್‌ನಿಂದ ಸಿಡಿದವು!

ದೊಡ್ಡ ಹೊಡೆತಗಳನ್ನು ಬಾರಿಸುತ್ತೇನೆ

ದೊಡ್ಡ ಹೊಡೆತಗಳನ್ನು ಬಾರಿಸುತ್ತೇನೆ

'ಓಡಿದರೆ ನೋವು ಹೆಚ್ಚಾಗುತ್ತಿತ್ತು. ಹೀಗಾಗಿ ದೊಡ್ಡ ಹೊಡೆತಗಳತ್ತ ನಾನು ಯೋಚಿಸಿದೆ. 'ನೀನು ನನಗೆ ಸ್ಟ್ರೈಕ್‌ಗೆ ಅವಕಾಶ ಮಾಡಿಕೊಟ್ಟರೆ ನಾನು ದೊಡ್ಡ ಹೊಡೆತಗಳನ್ನು ಬಾರಿಸುತ್ತೇನೆ' ಎಂದು ನಾನು ಜೆಮಿ(ಜೆಮಿಮಾ ರೋಡ್ರಿಗಸ್)ಗೆ ತಿಳಿಸಿದೆ' ಎಂದು ಹರ್ಮನ್‌ಪ್ರೀತ್ ಪಂದ್ಯದ ವೇಳೆಯ ವಾಸ್ತವ ಬಿಚ್ಚಿಟ್ಟರು.

For Quick Alerts
ALLOW NOTIFICATIONS
For Daily Alerts

    ಕ್ರಿಕೆಟನ್ನು ಪ್ರೀತಿಸುತ್ತೀರಾ? ಋಜುವಾತುಪಡಿಸಿ! ಮೈಖೇಲ್ ಫ್ಯಾಂಟಸಿ ಕ್ರಿಕೆಟ್ ಆಟವಾಡಿ

    Story first published: Saturday, November 10, 2018, 17:19 [IST]
    Other articles published on Nov 10, 2018
    POLLS

    myKhel ನಿಂದ ತಾಜಾ ಸುದ್ದಿಗಳನ್ನು ಪಡೆಯಿರಿ

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more