Click it and Unblock the Notifications
ವಿಶ್ವಕಪ್‌ನಲ್ಲಿ ಸಾಧಾರಣ ಬೆಂಬಲ
ಇನ್ನು ಟಿ20 ವಿಶ್ವಕಪ್‌ನಲ್ಲಿಯೂ ಆಸ್ಟ್ರೇಲಿಯಾ ತಂಡಕ್ಕೆ ನಿರೀಕ್ಷಿಸಿದ ಮಟ್ಟದ ಅಭಿಮಾನಿಗಳ ಬೆಂಬಲ ದೊರೆತಿರಲಿಲ್ಲ ಎಂಬುದನ್ನು ಗಮನಿಸಬೇಕಿದೆ. ಗ್ರೂಪ್ ಸ್ಟೇಜ್‌ನಲ್ಲಿ ಆಸ್ಟ್ರೇಲಿಯಾ ಐದು ಪಂದ್ಯಗಳನ್ನು ಆಡಿದ್ದು ಈ ಪಂದ್ಯಗಳಲ್ಲಿ ಸರಾಸರಿ 37,565 ಹಾಜರಾತಿಯನ್ನು ಹೊಂದಿತ್ತು. ಇದರಲ್ಲಿ ಇಂಗ್ಲೆಂಡ್ ವಿರುದ್ಧದ ಮಳೆಯಿಂದ ರದ್ದಾದ ಪಂದ್ಯ ಕೂಡ ಸೇರಿದೆ.
ಕ್ರಿಕೆಟ್ ಆಸ್ಟ್ರೇಲಿಯಾ ಮುಖ್ಯಸ್ಥರ ಪ್ರತಿಕ್ರಿಯೆ
ಇನ್ನು ಈ ವಿಚಾರವಾಗಿ ಕ್ರಿಕೆಟ್ ಆಸ್ಟ್ರೇಲಿಯಾದ ಮುಖ್ಯಸ್ಥ ನಿಕ್ ಹಾಕ್ಲೆ ಪ್ರತಿಕ್ರಿಯೆ ನೀಡಿದ್ದಾರೆ. ಟೆಸ್ಟ್ ಸರಣಿಯ ಆರಂಭಕ್ಕೂ ಮುನ್ನ ನಾವು ಇಲ್ಲಿ 14 ವೈಟ್-ಬಾಲ್ ಪಂದ್ಯಗಳನ್ನು ಆಡಿದ್ದೇವೆ ಎಮದರೆ ನೀವು ನಂಬುತ್ತೀರಾ? ಆದರೆ ಒಟ್ಟಾರೆಯಾಗಿ ವಿಶ್ವಕಪ್‌ನಲ್ಲಿ ಸೇರಿಕೊಂಡಿದ್ದ ಪ್ರೇಕ್ಷಕರ ಸಂಖ್ಯೆಯಿಂದಾಗಿ ನಾವು ನಿಜವಾಗಿಯೂ ರೋಮಾಂಚನಗೊಂಡಿದ್ದೇವೆ. ಟೆಸ್ಟ್ ಸರಣಿಯ ಆರಂಭಕ್ಕೂ ಮುನ್ನ ವಿಶ್ವಕಪ್ ಮತ್ತು ವೈಟ್-ಬಾಲ್ ಸರಣಿಗಳಲ್ಲಿ ಆಸ್ಟ್ರೇಲಿಯಾದಲ್ಲಿ ಒಂದು ಮಿಲಿಯನ್‌ಗಿಂತಲೂ ಹೆಚ್ಚು ಜನರು ಟಿಕೆಟ್‌ಗಳನ್ನು ಖರೀದಿಸಿದ್ದಾರೆ" ಎಂದಿದ್ದಾರೆ ನಿಕ್ ಹಾಕ್ಲೆ.
ಈತ ಭಾರತದಲ್ಲಿನ ನನ್ನ ನೆಚ್ಚಿನ ವೇಗದ ಬೌಲರ್; ಮಾಜಿ ಆಸೀಸ್ ಬೌಲರ್ ಬ್ರೆಟ್ ಲೀ
ಪ್ರೇಕ್ಷಕರ ಬೆಂಬಲಕ್ಕೆ ತೃಪ್ತಿಯಿದೆ ಎಂದ ನಿಕ್ ಹಾಕ್ಲೆ
"ಈವರೆಗಿನ ಪ್ರೇಕ್ಷಕರ ಸಂಖ್ಯೆಯಲ್ಲಿ ನಾವು ತೃಪ್ತರಾಗಿದ್ದೇವೆ. ಆದರೆ ಕೆಲ ವಿಭಿನ್ನ ಸಂದರ್ಭಗಳು ಕೂಡ ಇದ್ದು ಅದಕ್ಕೆ ಸಂಬಂಧಿಸಿದಂತೆ ನಾವು ಕೊರೊನಾ ವೈರಸ್‌ನ ಬಳಿಕ ಕ್ರಿಕೆಟ್ ವೇಳಾಪಟ್ಟಿಯಲ್ಲಿ ಕೆಲ ಬದಲಾವಣೆಗಳನ್ನು ಮಾಡಿಕೊಳ್ಳಬೇಕಾಗುತ್ತದೆ. ಇನ್ನು ಇಂಗ್ಲೆಂಡ್ ವಿರುದ್ಧದ ಸರಣಿ ವಿಶ್ವಕಪ್ ಮುಕ್ತಾಯವಾದಂತೆ ತಕ್ಷಣಕ್ಕೆ ಆರಂಭವಾಯಿತು ಎನಿಸುತ್ತದೆ. ಆದರೆ ಇದು ಮುಂದಿನ ವರ್ಷ ಭಾರತದಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್‌ನ ದೃಷ್ಟಿಯಿಂದ ಪ್ರಮುಖವಾದ ಭಾಗವಾಗಿದೆ" ಎಂದು ನಿಕ್ ಹಾಕ್ಲೆ ಹೇಳಿಕೆ ನೀಡಿದ್ದಾರೆ.
ಆಸ್ಟ್ರೇಲಿಯಾಗೆ ಆಘಾತ ನೀಡಿದ ವಿಶ್ವಕಪ್ ಟೂರ್ನಿ
ಇನ್ನು ಈ ಬಾರಿಯ ಟಿ20 ವಿಶ್ವಕಪ್‌ನಲ್ಲಿ ಹಾಲಿ ಚಾಂಪಿಯನ್ ಆಗಿ ಕಣಕ್ಕಿಳಿದಿದ್ದ ಆಸ್ಟ್ರೇಲಿಯಾ ಲೀಗ್ ಹಂತದಿಂದಲೇ ನಿರ್ಗಮಿಸಿ ನಿರಾಸೆ ಮೂಡಿಸಿದೆ. ಮೊದಲ ಪಂದ್ಯದಲ್ಲಿಯೇ ನ್ಯೂಜಿಲಂಡ್ ವಿರುದ್ಧ ಹೀನಾಯಕ ಪ್ರದರ್ಶನ ನಿಡಿ ಹಿನ್ನಡೆ ಅನುಭವಿಸಿತ್ತು ಆಸಿಸ್ ಪಡೆ. ಇನ್ನು ಟೂರ್ನಿಯುದ್ದಕ್ಕೂ ಆಸ್ಟ್ರೇಲಿಯಾ ತಂಡ ಪರಿಣಾಮಕಾರಿಯಾದ ಪ್ರದರ್ಶನ ನಿಡುವಲ್ಲಿ ಸಂಪೂರ್ಣವಾಗಿ ವಿಫಲವಾಗಿತ್ತು. ಆರಂಬಿಕ ಆಟಗಾರ ಡೇವಿಡ್ ವಾರ್ನರ್ ಉತ್ತಮ ಆರಂಭ ನೀಡುವಲ್ಲಿ ವಿಫಲವಾದರೆ ಆರೋನ್ ಫಿಂಚ್ ಕೂಡ ನಿರೀಕ್ಷಿತ ಪ್ರದರ್ಶನ ನಿಡಲು ವಿಫಲವಾದರು. ವಾಋ್ನರ್ ಹಾಗೂ ಫಿಂಚ್ ಅವರ ಟಿ20 ಭವಿಷ್ಯ ಅಸ್ಥಿರವಾಗಿರುವಾಗ 2014ರ ವಿಶ್ವಕಪ್ ದೃಷ್ಟಿಯಿಂದ ಆಸ್ಟ್ರೇಲಿಯಾ ತಂಡ ಕೂಡ ಪ್ರಮುಖ ಬದಲಾವಣೆಗೆ ಮುಂದಾಗುವ ಸಾಧ್ಯತೆಯಿದೆ.
