ಐಪಿಎಲ್ ಹರಾಜಿನ ಬಗ್ಗೆ ಪ್ರಸ್ತಾಪಿಸಿ ಆಸ್ಟ್ರೇಲಿಯಾ ಸ್ಟಾರ್ ಆಟಗಾರನಿಗೆ ಸ್ಲೆಡ್ಜ್ ಮಾಡಿದ ಜೋಸ್ ಬಟ್ಲರ್

ಐಪಿಎಲ್ ಹರಾಜು ಬರುತ್ತಿದೆ ಎಂದು ಕೆಣಕಿದ ಬಟ್ಲರ್

ಆಲ್‌ರೌಂಡರ್ ಕ್ಯಾಮರೂನ್ ಗ್ರೀನ್ 41 ಓವರ್‌ನಲ್ಲಿ ಲಿಯಾಮ್ ಡಾಸನ್ ಅವರ ಎಸೆತ ಎದುರಿಸುವಾಗಿ ಕೀಪಿಂಗ್ ಮಾಡುತ್ತಿದ್ದ ಬಟ್ಲರ್ ಕೆಣಕಿದರು. ಓವರ್‌ನ ಮೂರನೇ ಎಸೆತದಲ್ಲಿ ಡಾಸನ್ ಎಸೆತವನ್ನು ಮುಂದೆ ಬಂದು ದೊಡ್ಡ ಹೊಡೆತ ಹೊಡೆಯಲು ಯತ್ನಿಸಿದಾಗ ಬಾಲ್ ಬ್ಯಾಟ್‌ ಸಂಪರ್ಕಕ್ಕೆ ಸಿಗಲಿಲ್ಲ. ಆಗ ಹಿಂದೆ ಇದ್ದ ಬಟ್ಲರ್, "ದೊಡ್ಡ ಹೊಡೆತ ಆಡುತ್ತಿರುವುದನ್ನು ನೋಡಲು ಸಂತೋಷವಾಗುತ್ತಿದೆ, ಡಾಸ್" ಎಂದು ಕೂಗಿದ್ದಾರೆ.

ನಾಲ್ಕನೇ ಎಸೆತವನ್ನು ಗ್ರೀನ್ ರಕ್ಷಣಾತ್ಮಕವಾಗಿ ಆಡಿದರು, ಚೇಸಿಂಗ್ ದಿ ಇಂಕ್, ಡಾವ್ಸ್ (ಚೇಸ್‌ ಇಂಕ್ ಎನ್ನುವುದು ಇಂಗ್ಲೆಂಡ್‌ನ ಬಿಸಿನೆಸ್ ಕಾರ್ಡ್ ಆಗಿದ್ದು, ವ್ಯವಹಾರದ ಉದ್ದೇಶಕ್ಕೆ ಬಳಸಲಾಗುತ್ತದೆ) ದೊಡ್ಡ ಹರಾಜು ಬರುತ್ತಿದೆ ಎಂದು ಕೂಗುವ ಮೂಲಕ ಐಪಿಎಲ್‌ ಹರಾಜನ್ನು ಉಲ್ಲೇಖಿಸಿ ಗ್ರೀನ್‌ರನ್ನು ಕೆಣಕಿದ್ದಾರೆ. ಕ್ಯಾಮರೂನ್ ಗ್ರೀನ್ 28 ಎಸೆತಗಳಲ್ಲಿ ಅಜೇಯ 20 ರನ್ ಗಳಿಸಿ ತಂಡವನ್ನು ಗೆಲುವಿನ ದಡ ತಲುಪಿಸಿದರು.

ದೊಡ್ಡ ಮೊತ್ತ ಪಡೆಯುವ ಸಾಧ್ಯತೆ

ವಿಶ್ವಕಪ್‌ಗೆ ಮುನ್ನ ಆಸ್ಟ್ರೇಲಿಯಾ ಭಾರತಕ್ಕೆ ಟಿ20 ಸರಣಿಗಾಗಿ ಪ್ರವಾಸದ ಸಂದರ್ಭದಲ್ಲಿ ಸ್ಫೋಟಕ ಬ್ಯಾಟಿಂಗ್ ಮಾಡಿದ್ದರು. ಈ ಬಾರಿ ಮಿನಿ ಹರಾಜಿನಲ್ಲಿ ಗ್ರೀನ್ ಭಾರಿ ಮೊತ್ತಕ್ಕೆ ಹರಾಜಾಗುವ ಸಾಧ್ಯತೆ ಇದೆ. ಸ್ಫೋಟಕ ಆರಂಭಿಕ ಬ್ಯಾಟರ್ ಆಗಿರುವ ಗ್ರೀನ್‌ ಬೌಲಿಂಗ್‌ನಲ್ಲೂ ಉತ್ತಮ ಪ್ರದರ್ಶನ ನೀಡಿದ್ದಾರೆ.

ಭಾರತದಂತಹ ಪಿಚ್‌ಗಳಲ್ಲಿ, ಚಿಕ್ಕ ಮೈದಾನಗಳಲ್ಲಿ ಗ್ರೀನ್ ಬೌಂಡರಿಗಳನ್ನು ಸುಲಭವಾಗಿ ಗಳಿಸಬಲ್ಲರು. ಹಲವು ಫ್ರಾಂಚೈಸಿಗಳು ಗ್ರೀನ್‌ರನ್ನು ಖರೀದಿಸಲು ಆಸಕ್ತಿ ಹೊಂದಿವೆ.

ಆಸ್ಟ್ರೇಲಿಯಾ, ಇಂಗ್ಲೆಂಡ್ ಆಟಗಾರರಿಗೆ ಅದೃಷ್ಟ

ಈ ಬಾರಿಯ ಐಪಿಎಲ್ ಮಿನಿ ಹರಾಜಿನಲ್ಲಿ ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ಆಟಗಾರರು ಪ್ರಮುಖ ಆಕರ್ಷಣೆಯಾಗಿದ್ದಾರೆ. ಆಸ್ಟ್ರೇಲಿಯಾದ ಕ್ಯಾಮರೂನ್ ಗ್ರೀನ್, ಇಂಗ್ಲೆಂಡ್‌ನ ಬೆನ್‌ಸ್ಟೋಕ್ಸ್, ಸ್ಯಾಮ್ ಕರನ್, ಆದಿಲ್ ರಶೀದ್ ಭಾರಿ ಬೇಡಿಕೆ ಪಡೆದುಕೊಳ್ಳುವ ಸಾಧ್ಯತೆ ಇದೆ.

ಬೆನ್‌ ಸ್ಟೋಕ್ಸ್ ಮತ್ತು ಸ್ಯಾಮ್ ಕರನ್ ಹೆಚ್ಚಿನ ಮೊತ್ತಕ್ಕೆ ಹರಾಜಾಗಬಹುದು ಎಂದು ನಿರೀಕ್ಷಿಸಲಾಗಿದೆ. ಇನ್ನೂ ಹಲವು ಆಟಗಾರರು ಹರಾಜಿಗೆ ಹೆಸರು ನೀಡುವ ಸಾಧ್ಯತೆ ಇದ್ದು, ಯಾರಿಗೆ ಅದೃಷ್ಠ ಖುಲಾಯಿಸಲಿದೆ ಎನ್ನುವ ಕುತೂಹಲ ಇದೆ.