Flashback 2022: 1000 ದಿನಗಳ ನಂತರ ಶತಕದ ಬರ ಕೊನೆಗೊಳಿಸಿದ ವಿರಾಟ್ ಕೊಹ್ಲಿ

ಸತತ ಕ್ರಿಕೆಟ್ ವೇಳಾಪಟ್ಟಿಯು ಮಾನಸಿಕ ಆರೋಗ್ಯದ ಮೇಲೆ ಪ್ರಭಾವ

ವಿರಾಟ್ ಕೊಹ್ಲಿ ಮಾಧ್ಯಮಗಳೊಂದಿಗೆ ಮಾತನಾಡುತ್ತಾ, ಮಾನಸಿಕ ಆರೋಗ್ಯದೊಂದಿಗಿನ ಹೋರಾಟಗಳ ಬಗ್ಗೆ ಆಗಾಗ ಬಹಿರಂಗವಾಗಿ ಮಾತನಾಡಿದರು. ಅವರ ಸತತ ಕ್ರಿಕೆಟ್ ವೇಳಾಪಟ್ಟಿಯು ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಮೇಲೆ ಪ್ರಭಾವ ಬೀರುವುದನ್ನು ತಿಳಿಸಿದ್ದರು.

ಸ್ಟಾರ್ ಬ್ಯಾಟರ್‌ನ ಹೋರಾಟವು ಕ್ರೀಡೆಯಲ್ಲಿ ಮಾನಸಿಕ ಆರೋಗ್ಯದ ಮಹತ್ವವನ್ನು ಅರಿತುಕೊಳ್ಳುವಲ್ಲಿ ಕ್ರೀಡಾಪಟುಗಳಿಗೆ ಸಹಾಯ ಮಾಡಿತು.

ಏಷ್ಯಾ ಕಪ್‌ನಲ್ಲಿ ಬಹು ನಿರೀಕ್ಷಿತ 71ನೇ ಅಂತಾರಾಷ್ಟ್ರೀಯ ಶತಕ

ಏಷ್ಯಾ ಕಪ್ 2022ರ ಆಗಸ್ಟ್-ಸೆಪ್ಟೆಂಬರ್‌ ವೇಳೆ ವಿರಾಟ್ ಕೊಹ್ಲಿ ಒಂದು ತಿಂಗಳ ವಿಶ್ರಾಂತಿಯ ನಂತರ ಗಮನಾರ್ಹವಾದ ಪುನರಾಗಮನವನ್ನು ಮಾಡಿದರು. ಪಂದ್ಯಾವಳಿಯಲ್ಲಿ ಎರಡನೇ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನಾದರು ಮತ್ತು ಅಫ್ಘಾನಿಸ್ತಾನದ ವಿರುದ್ಧ ಅವರ ಬಹು ನಿರೀಕ್ಷಿತ 71ನೇ ಅಂತಾರಾಷ್ಟ್ರೀಯ ಶತಕವನ್ನು ಬಾರಿಸಿದರು.

ಆ ಕ್ಷಣ ಇಡೀ ಕ್ರಿಕೆಟ್ ಜಗತ್ತು ಭಾವನಾತ್ಮಕ ಸಂದೇಶಗಳನ್ನು ಹಂಚಿಕೊಂಡಿತು. ವಿರಾಟ್ ಕೊಹ್ಲಿ ತನ್ನ ಮಾನಸಿಕ ಹೋರಾಟಗಳ ಬಗ್ಗೆ ತೆರೆದಿಟ್ಟ ರೀತಿ, ಪತ್ನಿ ಅನುಷ್ಕಾ ಶರ್ಮಾ ಅವರೊಂದಿಗಿನ ಸಂಬಂಧವು ಅನೇಕರನ್ನು ಸ್ಫೂರ್ತಿ ನೀಡಿತು. ಶತಕದ ನಂತರ ಘರ್ಜಿಸುವ ಯುವ ವಿರಾಟ್ ಕೊಹ್ಲಿ ಮೈದಾನದ ಸುತ್ತ ಓಡುವ ದಿನಗಳು ಮುಗಿದು ಹೋಗಿವೆ.

ಟಿ20 ವಿಶ್ವಕಪ್‌ನಲ್ಲಿ ವಿರಾಟ್ ಕೊಹ್ಲಿ ತಮ್ಮ ಅತ್ಯುತ್ತಮ ಫಾರ್ಮ್

ಇನ್ನು ಟಿ20 ವಿಶ್ವಕಪ್‌ನಲ್ಲಿ ವಿರಾಟ್ ಕೊಹ್ಲಿ ತಮ್ಮ ಅತ್ಯುತ್ತಮ ಫಾರ್ಮ್ ಅನ್ನು ಮುಂದುವರೆಸಿದರು. ಪಂದ್ಯಾವಳಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಇದರಲ್ಲಿ ಪಾಕಿಸ್ತಾನದ ವಿರುದ್ಧ ಜೀವಮಾನದ ಇನ್ನಿಂಗ್ಸ್ ಅಜೇಯ 82 ರನ್‌ಗಳನ್ನು ಒಳಗೊಂಡಿತ್ತು. ಇದು 160 ರನ್‌ಗಳ ಚೇಸ್‌ನಲ್ಲಿ ಭಾರತವನ್ನು ಗೆಲ್ಲಿಸುವಲ್ಲಿ ಸಹಾಯವಾಯಿತು.

ಟಿ20 ವಿಶ್ವಕಪ್ ಗೆಲುವು ವಿರಾಟ್ ಕೊಹ್ಲಿಯ ಅಂತಿಮ ಗುರಿಯಾಗಿರಬಹುದು, ಆದರೆ 2023ರ ಏಕದಿನ ವಿಶ್ವಕಪ್ ಸಹ ಅವರ ಮುಂದಿನ ಗುರಿಯಲ್ಲೊಂದಾಗಿದೆ.

42 ಇನ್ನಿಂಗ್ಸ್‌ಗಳಲ್ಲಿ ಎರಡು ಶತಕಗಳೊಂದಿಗೆ 1,348 ರನ್

ಒಟ್ಟಾರೆ 2022ರಲ್ಲಿ ವಿರಾಟ್ ಕೊಹ್ಲಿ ಈ ವರ್ಷ 42 ಇನ್ನಿಂಗ್ಸ್‌ಗಳಲ್ಲಿ ಎರಡು ಶತಕ ಮತ್ತು 11 ಅರ್ಧ ಶತಕಗಳೊಂದಿಗೆ 38.51 ಸರಾಸರಿಯಲ್ಲಿ 1,348 ರನ್ ಗಳಿಸಿದರು. ಇದರಲ್ಲಿ ಅತ್ಯುತ್ತಮ ಸ್ಕೋರ್ ಅಜೇಯ 122 ರನ್ ಆಗಿದೆ.

ಅವರ ಟಿ20 ಅಂಕಿಅಂಶಗಳು ಹೆಚ್ಚು ಎದ್ದು ಕಾಣುತ್ತವೆ. ಈ ವರ್ಷದ ಚುಟುಕು ಕ್ರಿಕೆಟ್ ಸ್ವರೂಪದಲ್ಲಿ 20 ಪಂದ್ಯಗಳಲ್ಲಿ ಒಂದು ಶತಕ ಮತ್ತು ಎಂಟು ಅರ್ಧ ಶತಕಗಳೊಂದಿಗೆ 55.78 ಸರಾಸರಿಯಲ್ಲಿ 781 ರನ್ ಗಳಿಸಿದರು.