'ಭಾರತದ ಆಯ್ಕೆ ಸಮಿತಿಯವರು ವಿಶ್ವಕಪ್‌ ವೇಳೆ ಅನುಷ್ಕಾಗೆ ಟೀ ತರುತ್ತಿದ್ದರು'

ಮಿಕ್ಕೀ ಮೌಸ್ ಆಯ್ಕೆ ಸಮಿತಿ

ಟೈಮ್ಸ್ ಆಫ್ ಇಂಡಿಯಾ ಜೊತೆ ಮಾತನಾಡುತ್ತ ಫಾರೂಖ್, 'ನಾವು ಮಿಕ್ಕೀ ಮೌಸ್ ಆಯ್ಕೆ ಸಮಿತಿಯನ್ನು ಹೊಂದಿದ್ದೇವೆ,' ಎಂದಿದ್ದಾರೆ. ಪುಣಿಯಲ್ಲಿ ಮಾಜಿ ಆಟಗಾರ ದಿಲೀಪ್ ವೆಂಗ್ ಸರ್ಕಾರ್ ಕ್ರಿಕೆಟ್ ಅಕಾಡೆಮಿಗೆ ಭೇಟಿ ಕೊಟ್ಟಿದ್ದ ಇಂಜಿನಿಯರ್ ಸುದ್ದಿಗಾರರೊಂದಿಗೆ ಮಾತನಾಡಿದರು.

ಅರ್ಹರಾಗಲು ಹೇಗೆ ಸಾಧ್ಯ?

'ಬರೀ 10-12 ಟೆಸ್ಟ್ ಪಂದ್ಯಗಳನ್ನು ಆಡಿರುವವರು ಆಯ್ಕೆ ಸಮಿತಿಗೆ ಅರ್ಹರಾಗಲು ಹೇಗೆ ಸಾಧ್ಯ? ಎಂದು ಫಾರೂಖ್ ಪ್ರಶ್ನಿಸಿದ್ದಾರೆ. 1961ರಿಂದ 1976ರ ವರೆಗೆ ಭಾರತ ಪರ ಆಡಿದ್ದ ಇಂಜಿನಿಯರ್, 46 ಟೆಸ್ಟ್, 5 ಏಕದಿನ ಪಂದ್ಯಗಳನ್ನು ಆಡಿದ್ದರು.

ಅನುಷ್ಕಾ ಶರ್ಮಾಗೆ ಟೀ

ಟೀಮ್ ಇಂಡಿಯಾ ಆಯ್ಕೆ ಸಮಿತಿ ಅಧಿಕಾರಿಗಳು ಇಂಗ್ಲೆಂಡ್ ಮತ್ತು ವೇಲ್ಸ್‌ನಲ್ಲಿ ಈ ಬಾರಿ ನಡೆದಿದ್ದ ವಿಶ್ವಕಪ್ ವೇಳೆ ನಾಯಕ ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾಗೆ ಟೀ ಕೊಟ್ಟಿದ್ದನ್ನು ನೋಡಿದ್ದಾಗಿಯೂ ಫಾರೂಖ್ ಹೇಳಿಕೊಂಡಿದ್ದಾರೆ. 'ಅವರೆಲ್ಲರೂ ಅನುಷ್ಕಾಗೆ ಚಹಾದ ಕಪ್ ತೆಗೆದುಕೊಂಡು ಹೋಗುತ್ತಿದ್ದರು,' ಎಂದು ಇಂಜಿನಿಯರ್ ಅಣಕವಾಡಿದ್ದಾರೆ.

ಆಟದ ಅನುಭವದ ಕೊರತೆ

ಸದ್ಯ ಆಯ್ಕೆ ಸಮಿತಿಯಲ್ಲಿರುವ ಮುಖ್ಯಸ್ಥ ಎಂಎಸ್‌ಕೆ ಪ್ರಸಾದ್ 6 ಟೆಸ್ಟ್, 17 ಏಕದಿನ ಪಂದ್ಯಗಳು, ದೇವಾಂಗ್ ಗಾಂಧಿ 4 ಟೆಸ್ಟ್, 3 ಏಕದಿನ ಪಂದ್ಯಗಳು, ಸಂದೀಪ್ ಸಿಂಗ್ 3 ಟೆಸ್ಟ್, 5 ಏಕದಿನ ಪಂದ್ಯಗಳು, ಜತಿನ್ ಪರಂಜ್‌ಪೆ 4 ಏಕದಿನ ಪಂದ್ಯಗಳು, ಗಗನ್ ಖೋಡಾ 2 ಏಕದಿನ ಪಂದ್ಯಗಳನ್ನಾಡಿದ ಅನುಭವ ಹೊಂದಿದ್ದಾರೆ.