ICC Test ranking: ಸ್ಟೀವ್ ಸ್ಮಿತ್ ಹಿಂದಿಕ್ಕಿ ನಂ.1 ಸ್ಥಾನಕ್ಕೇರಿದ ಕಿಂಗ್ ಕೊಹ್ಲಿ!

ಟಾಪ್ 6ನಲ್ಲಿ ಮೂವರು ಭಾರತೀಯರು

ಹಿಂದಿನ ಟೆಸ್ಟ್‌ ಬ್ಯಾಟಿಂಗ್ ರ್ಯಾಂಕ್‌ ಪಟ್ಟಿಯಲ್ಲಿ 928 ರೇಟಿಂಗ್ ಪಾಯಿಂಟ್‌ ಹೊಂದಿದ್ದ ವಿರಾಟ್ ಕೊಹ್ಲಿ ಈ ಬಾರಿಯೂ ಅದೇ ಅಂಕ ಉಳಿಸಿಕೊಂಡಿದ್ದಾರೆ. ಆದರೆ ಹಿಂದಿನಸಾರಿ 931 ರೇಟಿಂಗ್ ಪಾಯಿಂಟ್ ಹೊಂದಿದ್ದ ಸ್ಟೀವ್ ಸ್ಮಿತ್ 923ನೇ ಪಾಯಿಂಟ್‌ಗೆ ಕುಸಿದಿದ್ದಾರೆ. ಇನ್ನು ನ್ಯೂಜಿಲೆಂಡ್‌ನ ಕೇನ್ ವಿಲಿಯಮ್ಸನ್ (877 ಪಾಯಿಂಟ್), ಭಾರತದ ಚೇತೇಶ್ವರ್ ಪೂಜಾರ (791) ಆಸ್ಟ್ರೇಯಾದ ಡೇವಿಡ್ ವಾರ್ನರ್ (764), ಭಾರತದ ಅಜಿಂಕ್ಯ ರಹಾನೆ (759) 3ರಿಂದ 6ನೇ ಸ್ಥಾನ ಪಡೆದುಕೊಂಡಿದ್ದಾರೆ.

ಬೂಮ್ರಾಗೆ 5ನೇ ಸ್ಥಾನ

ಟೆಸ್ಟ್ ಬೌಲಿಂಗ್‌ ರ್ಯಾಂಕಿಂಗ್‌ನಲ್ಲಿ ಆಸ್ಟ್ರೇಲಿಯಾದ ಪ್ಯಾಟ್ ಕಮಿನ್ಸ್ (900 ರೇಟಿಂಗ್ ಪಾಯಿಂಟ್), ದಕ್ಷಿಣ ಆಫ್ರಿಕಾದ ಕಾಗಿಸೋ ರಬಾಡ (839), ವೆಸ್ಟ್ ಇಂಡೀಸ್‌ನ ಜೇಸನ್ ಹೋಲ್ಡರ್ (830), ನ್ಯೂಜಿಲೆಂಡ್‌ನ ನೇಲ್ ವ್ಯಾಗ್ನರ್ (814), ಭಾರತದ ಜಸ್‌ಪ್ರೀತ್ ಬೂಮ್ರಾ (794) ಕ್ರಮವಾಗಿ ಮೊದಲ 5ರಲ್ಲಿದ್ದಾರೆ.

ಎರಡನೇ ಸ್ಥಾನದಲ್ಲಿ ಜಡ್ಡು

ಆಲ್ ರೌಂಡರ್‌ಗಳ ರ್ಯಾಂಕಿಂಗ್‌ನಲ್ಲಿ ವೆಸ್ಟ್ ಇಂಡೀಸ್‌ನ ಜೇಸನ್ ಹೋಲ್ಡರ್ (473) ನಂ.1 ಸ್ಥಾನದಲ್ಲಿದ್ದಾರೆ. ಭಾರತದ ರವೀಂದ್ರ ಜಡೇಜಾ (406), ಇಂಗ್ಲೆಂಡ್‌ನ ಬೆನ್ ಸ್ಟೋಕ್ಸ್ (381), ದಕ್ಷಿಣ ಆಫ್ರಿಕಾದ ವರ್ನಾನ್ ಫಿಲಾಂಡರ್ (315), ಭಾರತ ರವಿಚಂದ್ರನ್ ಅಶ್ವಿನ್ (308) ಅನಂತರ ಸ್ಥಾನ ಪಡೆದುಕೊಂಡಿದ್ದಾರೆ.

ಉತ್ತುಂಗದಲ್ಲಿ ಭಾರತ ತಂಡ

ಟೆಸ್ಟ್‌ ರ್ಯಾಂಕಿಂಗ್‌ನಲ್ಲಿ ಭಾರತ ತಂಡ ಉತ್ತುಂಗದಲ್ಲಿದೆ. ಭಾರತದ ಸಮೀಪದಲ್ಲೂ ಬೇರೆ ತಂಡಗಳಿಲ್ಲ. ಮೊದಲ ಸ್ಥಾನದಲ್ಲಿರುವ ಭಾರತ 129 ರೇಟಿಂಗ್ ಪಾಯಿಂಟ್ ಕಲೆ ಹಾಕಿದೆ. ಇನ್ನು ನ್ಯೂಜಿಲೆಂಡ್ (109), ಇಂಗ್ಲೆಂಡ್ (104), ದಕ್ಷಿಣ ಆಫ್ರಿಕಾ (102), ಆಸ್ಟ್ರೇಲಿಯಾ (102) 2ರಿಂದ 5ರೊಳಗೆ ಸ್ಥಾನ ಪಡೆದಿವೆ.