ಕೊಹ್ಲಿ, ರೋಹಿತ್ ಅಲ್ಲ ಈತನನ್ನು ಅನುಸರಿಸಿ; ಆಂಗ್ಲ ಕ್ರಿಕೆಟಿಗರಿಗೆ ಪೀಟರ್ಸನ್ ಸಲಹೆ!

ಕ್ರಿಕೆಟರ್ ಆಗಬೇಕು ಎನ್ನುವವರು ಕಡ್ಡಾಯವಾಗಿ ರವೀಂದ್ರ ಜಡೇಜಾರನ್ನು ಪಾಲಿಸಿ

ರವೀಂದ್ರ ಜಡೇಜಾರನ್ನು ಹೊಗಳಿರುವ ಪೀಟರ್ಸನ್ 'ಜೀವನದಲ್ಲಿ ಕ್ರಿಕೆಟರ್ ಆಗಬೇಕು ಎಂದು ಗುರಿ ಇಟ್ಟುಕೊಂಡಿರುವ ಚಿಕ್ಕ ಮಕ್ಕಳು, ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಕಾಲಿಡಲಿರುವ ಆಟಗಾರರು ಅಥವಾ ಕೌಂಟಿ ಕ್ರಿಕೆಟಿಗರು ಯಾರೇ ಆದರೂ ಸಹ ರವೀಂದ್ರ ಜಡೇಜಾರನ್ನು ಅನುಸರಿಸಿ. ಜಡೇಜಾ ಯಾವ ರೀತಿ ಆಡುತ್ತಾರೋ ಅದೇ ಶೈಲಿಯನ್ನು ಪಾಲಿಸಿ, ಯಾಕೆಂದರೆ ರವೀಂದ್ರ ಜಡೇಜಾ ನಿಜವಾದ ಒಬ್ಬ ಸೂಪರ್‌ಸ್ಟಾರ್' ಎಂದು ಹೇಳಿದ್ದಾರೆ.

ಜಡೇಜಾ ರೀತಿಯ ಆಟಗಾರ ಇಂಗ್ಲೆಂಡ್ ಕ್ರಿಕೆಟ್ ಇತಿಹಾಸದಲ್ಲಿಯೇ ಸಿಕ್ಕಿಲ್ಲ

ಇನ್ನೂ ಮುಂದುವರೆದು ಮಾತನಾಡಿರುವ ಪೀಟರ್ಸನ್ ರವೀಂದ್ರ ಜಡೇಜಾ ರೀತಿಯ ಎಡಗೈ ಆಲ್‌ರೌಂಡರ್ ಇಷ್ಟು ವರ್ಷದಲ್ಲಿ ಇಂಗ್ಲೆಂಡ್ ತಂಡಕ್ಕೇ ಸಿಕ್ಕಿಲ್ಲ ಎಂದು ಹೇಳಿದ್ದಾರೆ. 'ಇಷ್ಟು ವರ್ಷಗಳ ಕ್ರಿಕೆಟ್ ಇತಿಹಾಸದಲ್ಲಿ ರವೀಂದ್ರ ಜಡೇಜಾ ರೀತಿಯ ಎಡಗೈ ಆಲ್‌ರೌಂಡರ್ ಇಂಗ್ಲೆಂಡ್ ತಂಡಕ್ಕೆ ಸಿಕ್ಕಿಲ್ಲವಲ್ಲ ಎಂಬ ಕೊರಗು ನನ್ನಲ್ಲಿದೆ' ಎಂದು ಕೆವಿನ್ ಪೀಟರ್ಸನ್ ಹೇಳಿದ್ದಾರೆ.

ರವೀಂದ್ರ ತಂಡದಲ್ಲಿದ್ದರೆ ಇತರ ಆಲ್‌ರೌಂಡರ್ ಆಟಗಾರರಿಗೆ ಸ್ಥಾನ ಸಿಗುವುದೇ ಇಲ್ಲ!

ಪೀಟರ್ಸನ್ ಹೇಳಿರುವ ಮಾತು ನೂರಕ್ಕೆ ನೂರರಷ್ಟು ಸತ್ಯ. ಏಕೆಂದರೆ ರವೀಂದ್ರ ಜಡೇಜಾ ಆಡುವ ಆಟವೇ ಅಂಥದ್ದು, ರವೀಂದ್ರ ಜಡೇಜಾ ಇರಬೇಕಾದರೆ ಬೇರೆ ಆಯ್ಕೆಗೆ ಟೀಮ್ ಇಂಡಿಯಾ ತಂಡ ಕೈ ಹಾಕುವುದೇ ಇಲ್ಲ. ರವೀಂದ್ರ ಜಡೇಜಾ ಗಾಯದ ಸಮಸ್ಯೆಯಿಂದ ತಂಡದಿಂದ ಹೊರಗುಳಿದಾಗ ಮಾತ್ರ ಬೇರೆ ಆಲ್‌ರೌಂಡರ್ ಆಟಗಾರರಿಗೆ ಟೀಮ್ ಇಂಡಿಯಾ ಪರ ಆಡುವ ಅವಕಾಶ ಲಭಿಸುತ್ತದೆ ಅಷ್ಟೆ. ಇಷ್ಟರಮಟ್ಟಿಗೆ ರವೀಂದ್ರ ಜಡೇಜಾ ಟೀಮ್ ಇಂಡಿಯಾದಲ್ಲಿ ತನ್ನ ಪ್ರಾಬಲ್ಯವನ್ನು ಸಾಧಿಸಿದ್ದಾರೆ.