Click it and Unblock the Notifications
ಬ್ಯಾಟಿಂಗ್‌ಗೆ ಪರದಾಡಿದ ಕೊಹ್ಲಿ
43ನೇ ಓವರ್‌ನಲ್ಲಿ ಮಿಚೆಲ್ ಸ್ಟಾರ್ಕ್ ಎಸೆದ ಶಾರ್ಟ್ ಬಾಲ್‌ ಕೊಹ್ಲಿಯ ಬಲಗೈ ಹೆಬ್ಬೆರಳಿಗೆ ಬಡಿಯಿತು. ಹೀಗಾಗಿ ಹೆಬ್ಬೆರಳಿಗೆ ಗಾಯವಾಗಿ ರಕ್ತ ಸುರಿಯಿತು. ಆ ಬಳಿಕ ಕೊಹ್ಲಿ ಕೈಗೆ ಚಿಕಿತ್ಸೆ ನೀಡಲಾಯಿತು. ಕೊಹ್ಲಿ ಬ್ಯಾಟಿಂಗ್ ಮುಂದುವರೆಸಿದರಾದರೂ ಅವರಿಗೆ ಸರಿಯಾಗಿ ಬ್ಯಾಟಿಂಗ್ ಮಾಡುತ್ತಿರಲಿಲ್ಲ. ಕಷ್ಟಪಡುತ್ತಿದ್ದುದು ಕಂಡುಬಂತು.
ಅರ್ಧ ಶತಕ ಬಾರಿಸಿದ ಕೊಹ್ಲಿ
ಭಾರತದ ಮೊದಲ ಇನ್ನಿಂಗ್ಸ್‌ನಲ್ಲಿ ಕೈಗೆ ಗಾಯ ಮಾಡಿಕೊಂಡರೂ ಕೂಡ ಕೊಹ್ಲಿ ಅರ್ಧ ಶತಕ ಬಾರಿಸಿ ಗಮನ ಸೆಳೆದಿದ್ದಾರೆ. 180 ಎಸೆತಗಳಲ್ಲಿ 74 ರನ್ ಬಾರಿಸಿದ ಕೊಹ್ಲಿ, 77ನೇ ಓವರ್‌ನಲ್ಲಿ ನೇಥನ್ ಲಿಯಾನ್ ಎಸೆದ ವೇಳೆ ರನ್ ಔಟ್ ಆಗಿ ನಿರ್ಗಮಿಸಿದರು. ಅಜಿಂಕ್ಯಾ ರಹಾನೆ ನೀಡಿದ ತಪ್ಪು ಕರೆಯಿಂದಾಗಿ ಕೊಹ್ಲಿ ವಿಕೆಟ್ ಒಪ್ಪಿಸಬೇಕಾಯ್ತು.
ಮೊದಲ ದಿನದ ಸಂಕ್ಷಿಪ್ತ ಸ್ಕೋರ್‌
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಭಾರತದಿಂದ ಪೃಥ್ವಿ ಶಾ 0, ಮಯಾಂಕ್ ಅಗರ್ವಾಲ್ 17, ಚೇತೇಶ್ವರ್ ಪೂಜಾರ 43, ವಿರಾಟ್ ಕೊಹ್ಲಿ 74, ಅಜಿಂಕ್ಯ ರಹಾನೆ 42, ಹನುಮ ವಿಹಾರಿ 16 ರನ್ ಬಾರಿಸಿ ವಿಕೆಟ್ ಒಪ್ಪಿಸಿದ್ದಾರೆ. ಗುರುವಾರ ಮೊದಲ ದಿನದಾಟದ ಅಂತ್ಯಕ್ಕೆ ಭಾರತ 89 ಓವರ್‌ಗೆ 6 ವಿಕೆಟ್ ಕಳೆದು 233 ರನ್ ಗಳಿಸಿತ್ತು. ವೃದ್ಧಿಮಾನ್ ಸಾಹ (9 ರನ್), ಆರ್‌ ಅಶ್ವಿನ್ (17) ಕ್ರೀಸ್‌ನಲ್ಲಿದ್ದರು.
