ಆ್ಯಂಬ್ರಿಸ್, ರುದಫೋರ್ಡ್ ಅರ್ಧಶತಕ
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ವೆಸ್ಟ್ ಇಂಡೀಸ್ 'ಎ' ಪರ, ಆರಂಭಿಕ ಬ್ಯಾಟ್ಸ್ಮನ್ ಸುನಿಲ್ ಆ್ಯಂಬ್ರಿಸ್ ಉತ್ತಮ ಆಟವಾಡಿದರು. ಆ್ಯಂಬ್ರಿಸ್ 61 (52 ಎಸೆತ), ಕ್ಜಾರ್ನ್ ಒಟ್ಲೆ 21, ಶೆರ್ಫೇನ್ ರುದರ್ಫೋರ್ಡ್ 65, ರಹಕೀಮ್ ಕಾರ್ನ್ವಾಲ್ 10, ಕೀಮೋ ಪೌಲ್ 13, ಖೇರಿ ಪಿಯರೆ ಅಜೇಯ 35 ರನ್ ಸೇರಿಸಿದರು.
ಭಾರತಕ್ಕೆ 237 ರನ್ ಗುರಿ
ಮೊದಲು ಬ್ಯಾಟಿಂಗ್ ಮಾಡಿದ್ದ ವಿಂಡೀಸ್, ಭಾರತಕ್ಕೆ 237 ರನ್ ಉತ್ತಮ ಗುರಿಯನ್ನೇ ನೀಡಿತ್ತು. 47.4 ಓವರ್ ಮುಕ್ತಾಯಕ್ಕೆ ವಿಂಡೀಸ್ ಎ ಸರ್ವ ಪತನ ಕಂಡು 236 ರನ್ ಮಾಡಿತ್ತು. ವೆಸ್ಟ್ ಇಂಡೀಸ್ ಇನ್ನಿಂಗ್ಸ್ ವೇಳೆ ಭಾರತ 'ಎ'ಯ ದೀಪಕ್ ಚಾಹರ್ 2, ನವದೀಪ್ ಸೈನಿ 2, ದೀಪಕ್ ಚಾಹರ್ 2 ವಿಕೆಟ್ ಪಡೆದು ಎದುರಾಳಿಯ ರನ್ ಕದಿಯುವಿಕೆಗೆ ಕಡಿವಾಣ ಹಾಕಿದರು.
ಗಾಯಕ್ವಾಡ್, ಗಿಲ್ ಜೊತೆಯಾಟ
237 ರನ್ ಉತ್ತಮ ಗುರಿ ಬೆಂಬತ್ತಿದ ಭಾರತಕ್ಕೆ ರುತುರಾಜ್ ಗಾಯಕ್ವಾಡ್ ಮತ್ತು ಶುಭ್ಮಾನ್ ಗಿಲ್ ಅವರ ಭರ್ಜರಿ ಜೊತೆಯಾಟದ ಬೆಂಬಲ ದೊರೆಯಿತು. 11.2ನೇ ಓವರ್ಗೆ ಗಿಲ್ 69 ರನ್ಗೆ ವಿಕೆಟ್ ಒಪ್ಪಿಸುವಾಗ ಭಾರತದ ಖಾತೆಯಲ್ಲಿ 110 ರನ್ ಇತ್ತು. ಗಾಯಕ್ವಾಡ್ 99, ಶ್ರೇಯಸ್ ಐಯ್ಯರ್ ಅಜೇಯ 61, ನಾಯಕ ಮನೀಶ್ ಪಾಂಡೆ ಅಜೇಯ 7 ರನ್ನೊಂದಿಗೆ ಭಾರತ 33 ಓವರ್ಗೆ 2 ವಿಕೆಟ್ ನಷ್ಟದಲ್ಲಿ 237 ರನ್ ಗುರಿ ತಲುಪಿತು.
4-1ರಿಂದ ಸರಣಿ ವಶಕ್ಕೆ
ಶುಭ್ಮಾನ್ ಗಿಲ್, ರುತುರಾಜ್ ಗಾಯಕ್ವಾಡ್, ಮನೀಶ್ ಪಾಂಡೆ, ಕೃನಾಲ್ ಪಾಂಡ್ಯ ಮತ್ತು ಅಕ್ಸರ್ ಪಟೇಲ್ ಉತ್ತಮ ಆಟದ ನೆರವಿನಿಂದ ಭಾರತ, ವಿಂಡೀಸ್ ಅನಧಿಕೃತ ಏಕದಿನ ಸರಣಿಯನ್ನು 4-1ರಿಂದ ಜಯಿಸಿದೆ. ಇನ್ನು 3 ಪಂದ್ಯಗಳ ಅನಧಿಕೃತ ಟೆಸ್ಟ್ ಸರಣಿಯಿದ್ದು, ಇದು ಜುಲೈ 27ರಿಂದ ಆರಂಭಗೊಳ್ಳಲಿದೆ.