ವಿರಾಟ್ ವಿಕ್ರಮ ಕೊಂಡಾಡಿದ ಕನ್ನಡ ದಿನಪತ್ರಿಕೆಗಳು

ಉದಯವಾಣಿ

ವಿರಾಟ್ ಕೊಹ್ಲಿ ಶತಕ ಸಾಧನೆಯೇ ಭಾರತದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿತು ಎಂಬುದನ್ನು ಬಿಂಬಿಸಿದ ಉದಯವಾಣಿ 'ವಿರಾಟ್ ಶಕ್ತಿಗೆ ಮಣಿದ ಪಾಕ್' ಎಂಬ ತಲೆಬರಹದಡಿ ಭಾರತ ಪಾಕ್ ಪಂದ್ಯದ ಫಲಿತಾಂಶ ನೀಡಿತು.

ವಿಜಯ ಕರ್ನಾಟಕ

'ಆರರಲ್ಲಿ ಆರು ನಮ್ಮದೇ ದರ್ಬಾರು' ಎಂಬ ಪ್ರಾಸಉಳ್ಳ ತಲೆಬರಹ ನೀಡಿದ್ದು ವಿಜಯ ಕರ್ನಾಟಕ. ಇಲ್ಲಿ ಸಹ ವಿರಾಟ್ ಕೊಹ್ಲಿ ಶತಕ ಸಾಧನೆಯನ್ನೇ ಹೈಲೈಟ್‌ ಮಾಡಲಾಯಿತು.

ವಿಜಯವಾಣಿ

ಅಡಿಲೇಡ್ ನಲ್ಲೂ ಅಜೇಯ ಭಾರತ ಎಂಬ ತಲೆಬರಹದ ಮೂಲಕ ಹಿಂದಿನ ಇತಿಹಾಸವನ್ನು ಸೇರಿಸಿ ಭಾರತಕ್ಕೆ ಸೋಲಿಲ್ಲ ಎಂಬುದನ್ನು ಸಾರಿದ ವಿಜಯವಾಣಿ.

ಕನ್ನಡಪ್ರಭ

'ಬದಲಾಗದ ಇತಿಹಾಸ' ಎಂಬ ತಲೆಬರಹದ ಮೂಲಕ ಪಂದ್ಯದ ಫಲಿತಾಂಶವ ವರದಿ ನೀಡಿದ ಕನ್ನಡ ಪ್ರಭ ಟ್ವೀಟ್ ಗಳನ್ನು ಬಳಸಿಕೊಂಡಿತು.

ಪ್ರಜಾವಾಣಿ

ಮೂರು ಪ್ರಮುಖ ಫೋಟೋಗಳನ್ನು ಬಳಸಿಕೊಂಡ ಪ್ರಜಾವಾಣಿ ಪಂದ್ಯದ ಸಂಪೂರ್ಣ ಫಲಿತಾಂಶವನ್ನು ನೀಡಿತು.

ಸಂಯುಕ್ತ ಕರ್ನಾಟಕ

ಗೆಲುವಿನ ಸಿಕ್ಸರ್ ಎಂಬ ತಲೆಬರಹದ ಮೂಲಕ ಸತತವಾಗಿ ಆರನೇ ಸಾರಿ ಗೆದ್ದಿದ್ದನ್ನು ವಿವರಿಸಿದ ಸಂಯುಕ್ತ ಕರ್ನಾಟಕ.

ವಾರ್ತಾಭಾರತಿ

ಶಮಿ ದಾಳಿಗೆ ಪಾಕ್ ಪಂಕ್ಚರ್ ಎಂಬ ತಲೆಬರಹದ ಮುಖೇನ ವಾರ್ತಾ ಭಾರತಿ ನಾಲ್ಕು ವಿಕೆಟ್ ಪಡೆದು ಭಾರತದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ ವೇಗದ ಬೌಲರ್ ಸಾಧನೆಯನ್ನು ಕೊಂಡಾಡಿತು.