ಐಪಿಎಲ್​ನಲ್ಲಿ ಡಿಆರ್​ಎಸ್ ಬಳಕೆ!..ಅಭಿಮಾನಿಗಳು ಫುಲ್ ಖುಷ್!!

ಅಭಿಮಾನಿಗಳು ಫುಲ್ ಖುಷ್!!

ಡಿಆರ್​ಎಸ್ ಬಳಕೆಯನ್ನು ವಿರೋಧಿಸುತ್ತಿದ್ದ ಬಿಸಿಸಿಐ ಮೊದಲ ಬಾರಿಗೆ ದೇಶೀಯ ಐಪಿಎಲ್​ನಲ್ಲಿ ಡಿಆರ್​ಎಸ್ ಬಳಕೆಯನ್ನು ಜಾರಿಗೆ ತಂದಿರುವುದರಿಂದ ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಈ ಹಿಂದಿನ ಐಪಿಎಲ್‌ಗಳಲ್ಲಿ ಅಂಪೈರ್‌ಗಳ ತಪ್ಪು ನಿರ್ಧಾರಗಳಿಂದ ಹಲವು ಪಂದ್ಯಗಳ ಫಲಿತಾಂಶವೇ ಬದಲಾಗಿದ್ದು ಇದಕ್ಕೆ ಕಾರಣವಾಗಿದೆ.!

ಡಿಆರ್​ಎಸ್ ಧೋನಿ ಕಾರಣವೇ?

ದೇಶೀಯ ಕ್ರಿಕಟ್ ಲೀಗ್ ಐಪಿಎಲ್‌ನಲ್ಲಿ ಡಿಆರ್​ಎಸ್ ಅಳವಡಿಸಿಕೊಳ್ಳಲು ಧೋನಿ ಕೂಡ ಕಾರಣ ಎನ್ನುತ್ತಿವೆ ಕೆಲವು ವರದಿಗಳು. ಕಳೆದ ವರ್ಷದ ಐಪಿಎಲ್‌ನಲ್ಲಿ ಪುಣೆ ಸೂಪರ್​ಜೈಂಟ್ಸ್​ನ ತಂಡದ ವಿಕೆಟ್ ಕೀಪರ್ ಆಗಿದ್ದ ಎಂಎಸ್ ಧೋನಿ ಅವರು ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಬಳಸುವ ಡಿಆರ್​ಎಸ್ ಬಳಕೆಯ ಸನ್ನೆ ಮಾಡಿದ್ದರು. ಆಗ ಧೋನಿಗೆ ದಂಡವನ್ನು ಸಹ ವಿಧಿಸಲಾಗಿತ್ತು.!

ಒಂದು ಅವಕಾಶ ಮಾತ್ರವೇ?

ಪ್ರಸ್ತುತ ಅಂತಾರಾಷ್ಟ್ರೀಯ ಟಿ20ಯಲ್ಲಿ ಪ್ರತಿ ಇನಿಂಗ್ಸ್​ಗೆ ಒಂದು ಬಾರಿ ಮಾತ್ರ ಡಿಆರ್​ಎಸ್ ಬಳಸಲು ಅವಕಾಶ ನೀಡಲಾಗುತ್ತದೆ. ಒಮ್ಮೆ ಬಳಸಿದ ಡಿಆರ್​ಎಸ್ ಯಶಸ್ವಿಯಾದರಷ್ಟೇ ಮತ್ತೊಂದು ಡಿಆರ್​ಎಸ್ ಬಳಸಲು ಅವಕಾಶವಿರುತ್ತದೆ. ಇನ್ನು ಎಲ್ಲಾ ಯಶಸ್ವಿ ಡಿಆರ್‌ಎಸ್ ಬಳಕೆಯು ಗರಿ‍ಷ್ಠ ನಾಲ್ಕು ಬಾರಿ ಇರಲಿದೆ.

ಡಿಆರ್​ಎಸ್ ಬಗ್ಗೆ ಕೋಚಿಂಗ್!

11ನೇ ಆವೃತ್ತಿಯ ಐಪಿಎಲ್​ನಲ್ಲಿ ಬಳಕೆಯಾಗುತ್ತಿರುವ ಡಿಆರ್​ಎಸ್ ಬಗ್ಗೆ ದೇಶದ 10 ಅಗ್ರ ಅಂಪೈರ್​ಗಳಿಗೆ ತರಬೇತಿ ನೀಡಲಾಗಿದೆ. ಐಸಿಸಿಯ ಅಂಪೈರ್ಸ್ ಕೋಚ್ ಡೇನಿಸ್ ಬರ್ನ್ಸ್ ಹಾಗೂ ಆಸ್ಟ್ರೇಲಿಯಾದ ಅಂಪೈರ್ ಪೌಲ್ ರೈಫಲ್ ಅವರು ಭಾರತದ ಅಗ್ರ ಅಂಪೈರ್​ಗಳಿಗೆ ಡಿಆರ್​ಎಸ್ ತಂತ್ರಜ್ಞಾನ ಬಳಕೆ ಬಗ್ಗೆ ತರಬೇತಿ ನೀಡಿದ್ದಾರೆ.

ಪಾಕಿಸ್ತಾನ ಲೀಗ್​ನಲ್ಲಿ ಜಾರಿಯಲ್ಲಿದೆ

ದೇಶೀಯ ಕ್ರಿಕೆಟ್ ಲೀಗ್ ಐಪಿಎಲ್​ ವಿಶ್ವ ಕ್ರಿಕೆಟ್​ನಲ್ಲಿ ಡಿಆರ್​ಎಸ್ ಬಳಕೆ ಮಾಡಲಿರುವ 2ನೇ ಟಿ20 ಕ್ರಿಕೆಟ್ ಲೀಗ್ ಎನಿಸಿಕೊಳ್ಳಲಿದೆ. ಹಲವು ರಾಷ್ಟ್ರಗಳು ಕ್ರಿಕೆಟ್‌ ಲೀಗ್‌ಗಳನ್ನು ಆಯೋಜನೆ ಮಾಡಿದ್ದರೂ ಕೂಡ ಡಿಆರ್​ಎಸ್ ಬಳಕೆ ಮಾಡಿಕೊಂಡ ಮೊದಲ ಲೀಗ್ ಎಂಬ ಹೆಗ್ಗಳಿಕೆಗೆ ಪಾಕಿಸ್ತಾನ ಸೂಪರ್ ಲೀಗ್​ ಪಾತ್ರವಾಗಿದೆ.