Click it and Unblock the Notifications
ಒತ್ತಡಕ್ಕೊಳಗಾಗಿದ್ದಾರಾ ರೋಹಿತ್ ಶರ್ಮಾ
ರೋಹಿತ್ ಶರ್ಮಾ ಅವರ ಪ್ರದರ್ಶನದಲ್ಲಿ ಈ ಪ್ರಮಾಣದ ಹಿನ್ನಡೆಗೆ ಕಾರಣವೇನು ಎಂಬುದು ಎಲ್ಲರಿಗೆ ಮೂಡುತ್ತಿರುವ ಪ್ರಶ್ನೆಯಾಗಿದೆ. ಈಗಾಗಲೇ ಹೇಳಿದಂತೆ ರೋಹಿತ್ ಶರ್ಮಾ ಪ್ರಸ್ತುತ ಟೀಮ್ ಇಂಡಿಯಾದ ಟೆಸ್ಟ್, ಏಕದಿನ ಹಾಗೂ ಟಿ20 ಮಾದರಿ ನಾಯಕನಾಗಿ ಮುನ್ನಡೆಸುತ್ತಿದ್ದಾರೆ. ಅಲ್ಲದೆ ಐಪಿಎಲ್ ತಂಡದ ನಾಯಕತ್ವದ ಹೊಣೆಗಾರಿಕೆ ಕೂಡ ಶರ್ಮಾ ಮೇಲಿದೆ. ಹೀಗಾಗಿ ಈ ನಾಲ್ಕು ಮಾದರಿಗಳಲ್ಲಿನ ನಾಯಕತ್ವ ಜವಾಬ್ಧಾರಿ ರೋಹಿತ್ ಶರ್ಮಾಗೆ ಹೊರೆಯಾಗಿದೆಯಾ ಎಂಬ ಅನುಮಾನಗಳನ್ನು ಕೆಲ ಕ್ರಿಕೆಟ್ ಪಂಡಿತರು ವ್ಯಕ್ತಪಡಿಸುತ್ತಿದ್ದಾರೆ.
ನಾಯಕತ್ವ ಬದಲಾವಣೆಯ ಯೋಚನೆ ಮಾಡಲಿದೆಯಾ ಮುಂಬೈ
ಸತತವಾಗಿ ಸೋಲು ಕಾಣುತ್ತಿರುವ ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿ ಯಾವ ರೀತಿಯ ಯೋಚನೆ ಮಾಡಲಿದೆ ಎಂಬುದು ಕುತೂಹಲ ಮೂಡಿಸುತ್ತಿದೆ. ನಾಯಕನಾಗಿ ರೋಹಿತ್ ಶರ್ಮಾ ವೈಫಲ್ಯವನ್ನು ಅನುಭವಿಸುತ್ತಿದ್ದು ಒತ್ತಡವನ್ನು ಕಡಿಮೆ ಮಾಡುವ ದೃಷ್ಟಿಯಿಮದ ಇತರ ಯಾವುದಾದರೂ ಆಟಗಾರನಿಗೆ ನಾಯಕತ್ವದ ಜವಾಬ್ಧಾರಿ ನೀಡಲಿದೆಯಾ ಎಂಬುದು ಕುತೂಹಲ ಮೂಡಿಸಿದೆ. ಇದಲ್ಲದೆ ಒತ್ತಡದ ಪರಿಸ್ಥಿಯನ್ನು ಗಮನದಲ್ಲಿಟ್ಟುಕೊಂಡು ಸ್ವತಃ ರೋಹಿತ್ ಶರ್ಮಾ ಅವರೇ ಮುಂಬೈ ಇಂಡಿಯನ್ಸ್ ನಾಯಕತ್ವದಿಂದ ಕೆಳಗಿಳಿಯುವ ಸಾಧ್ಯತೆಗಳ ಬಗ್ಗೆಯೂ ಕ್ರಿಕೆಟ್ ಅಭಿಮಾನಿಗಳ ವಲಯದಲ್ಲಿ ಚರ್ಚೆಗಳು ನಡೆಯುತ್ತಿದೆ.
ನಾಯಕತ್ವ ಬದಲಾದರೆ ಯಾರಿಗೆ ದೊರೆಯಲಿದೆ ಜವಾಬ್ಧಾರಿ?
ಮುಂಬೈ ಇಂಡಿಯನ್ಸ್ ತಂಡ ಸತತವಾಗಿ ಸೋಲು ಅನುಭವಿಸುತ್ತಿರುವ ಕಾರಣ ನಾಯಕತ್ವ ಬದಲಾವನೆ ಮಾಡುವ ನಿರ್ಧಾರವನ್ನು ಫ್ರಾಮಚೈಸಿ ತೆಗೆದುಕೊಂಡರೆ, ಅಥವಾ ಸ್ವತಃ ರೋಹಿತ್ ಶರ್ಮಾ ಅವರೇ ನಾಯಕತ್ವದಿಮದ ಹಿಂದೆ ಸರಿದು ಇತರ ಆಟಗಾರರಿಗೆ ತಂಡವನ್ನು ಮುನ್ನಡೆಸುವ ಅವಕಾಶ ಮಾಡಿಕೊಡುವ ನಿರ್ಧಾರ ಮಾಡಿದರೆ ಯಾರಾಗಲಿದ್ದಾರೆ ಮುಂಬೈ ಇಂಡಿಯನ್ಸ್ ತಂಡದ ನಾಯಕ ಎಂಬುದು ಅತ್ಯಂತ ಕುತೂಹಲಕಾರಿ ಪ್ರಶ್ನೆಯಾಗಿದೆ. ತಂಡವನ್ನು ಮುನ್ನಡೆಸಬಲ್ಲ ಕೆಲ ಪ್ರಮುಖ ಆಟಗಾರರಿದ್ದು ಅವರಲ್ಲಿ ಯಾರನ್ನು ಫ್ರಾಂಚೈಸಿ ಆಯ್ಕೆ ಮಾಡಲಿದೆ ಎಂಬುದು ಪ್ರಶ್ನೆಯಾಗಿದೆ.
ಪೊಲಾರ್ಡ್, ಬೂಮ್ರಾ ಅಥವಾ ಸೂರ್ಯಕುಮಾರ್
ಮುಂಬೈ ಇಂಡಿಯನ್ಸ್ ತಂಡದ ನಾಯಕತ್ವ ಬದಲಾವಣೆಯ ಪರಿಸ್ಥಿತಿ ಬಂದರೆ ನಾಯಕತ್ವ ವಹಿಸಿಕೊಳ್ಳಲು ಮೊದಲು ಕೇಳಿ ಬರುವ ಹೆಸರು ಕಿರಾನ್ ಪೊಲಾರ್ಡ್. ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಸುದೀರ್ಘ ಕಾಲದಿಂದ ಇರುವ ಪೊಲಾರ್ಡ್ ಹಲವು ಸಂದರ್ಭದಲ್ಲಿ ತಂಡವನ್ನು ಮುನ್ನಡೆಸಿದ ಅನುಭವ ಹೊಂದಿದ್ದಾರೆ. ಅಲ್ಲದೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿಯೂ ತಂಡವನ್ನು ಮುನ್ನಡೆಸಿದ ಅನುಭವ ಪೊಲಾರ್ಡ್‌ಗೆ ಇದೆ.
ಇನ್ನು ಈ ಆಯ್ಕೆಯನ್ನು ಹೊರತುಪಡಿಸಿದರೆ ಭಾರತದ ಇಬ್ಬರು ಪ್ರಮುಖ ಆಟಗಾರರು ನಾಯಕತ್ವದ ಸ್ಪರ್ಧೆಯಲ್ಲಿರಲಿದ್ದಾರೆ. ಸೂರ್ಯಕುಮಾರ್ ಯಾದವ್ ಮುಂಬೈ ತಂಡದ ಪ್ರಮುಖ ಭಾಗವಾಗಿದ್ದು ನಾಯಕತ್ವಕ್ಕೂ ಸಮರ್ಥರೆನಿಸಿಕೊಳ್ಳಬಹುದು. ಮತ್ತೋರ್ವ ಆಟಗಾರ ಜಸ್ಪ್ರೀತ್ ಬೂಮ್ರಾ ಕೂಡ ಮುಂಬೈ ಇಂಡಿಯನ್ಸ್ ತಂಡವನ್ನು ಮುನ್ನಡೆಸುವ ರೇಸ್‌ನಲ್ಲಿ ಪ್ರಮುಖವಾಗಿ ಕಾಣಿಸಿಕೊಳ್ಳಲಿದ್ದಾರೆ.
