ಕಣ್ಣು ತೆರೆದಿರಬೇಕು
ನೋ ಬಾಲ್ ಗಮನಿಸಿದ ಅಂಪೈರ್ ವಿರುದ್ಧ ಸಿಡುಕಾಡಿದ್ದ ಕೊಹ್ಲಿ, 'ಅಪೈರ್ಗಳು ಕಣ್ಣು ತೆರೆದಿರಬೇಕು,' ಎಂದು ಅಸಮಾಧಾನ ತೋರಿಕೊಂಡಿದ್ದರು. ಅಂದಾಗಿದ್ದ ವಿವಾದ ಐಪಿಎಲ್ ಆಡಳಿತ ಸಮಿತಿಯನ್ನು ಎಚ್ಚರಿಸಿದೆ. ಐಪಿಎಲ್ನಲ್ಲಿನ್ನು ನೋ ಬಾಲ್ ಅಂಪೈರ್ ಅನ್ನು ತರುವ ಯೋಜನೆಯಲ್ಲಿ ಆಡಳಿತ ಸಮಿತಿಯಿದೆ.
ಫೋರ್ತ್ ಅಂಪೈರ್!
ನೋ ಬಾಲ್ನಿಂದ ಹುಟ್ಟುವ ವಿವಾದ ತಡೆಯಲು ಐಪಿಎಲ್ ಗವರ್ನಿಂಗ್ ಕಮಿಟಿ (ಜಿಸಿ), 'ನೋ ಬಾಲ್ ಅಂಪೈರ್' ಅನ್ನು ಮುಂದಿನ ಐಪಿಎಲ್ ಆವೃತ್ತಿಯಿಂದ ಜವಾಬ್ದಾರಿಗಿಳಿಸಲಿದೆ. 'ತಂತ್ರಜ್ಞಾನ ಇದ್ದಾಗ ನಾವದನ್ನು ಬಳಸಿಕೊಳ್ಳಬೇಕು. ಹೀಗಾಗಿ ಥರ್ಡ್ ಅಂಪೈರ್ನಂತೆ ನೋ ಬಾಲ್ಗಾಗಿಯೇ ವಿಶೇಷ ಅಂಪೈರ್ ಅನ್ನು ಪರಿಚಯಿಸಲಿದ್ದೇವೆ,' ಎಂದು ಸಮಿತಿಯ ಸದಸ್ಯರೊಬ್ಬರು ಹೇಳಿದ್ದಾರೆ.
ನಿಯಮ ಸಡಿಲಿಸಿದ ಬಿಸಿಸಿಐ
ಬ್ರ್ಯಾಂಡ್ ಪ್ರಚಾರಾರ್ಥವಾಗಿ ವಿದೇಶಿ ಸೌಹಾರ್ದ ಟೂರ್ನಿಗಳಲ್ಲಿ ಭಾಗವಹಿಸಬೇಕೆನ್ನುವ ಐಪಿಎಲ್ ಫ್ರಾಂಚೈಸಿಗಳ ಕೋರಿಕೆಗೂ ಬಿಸಿಸಿಐ ಗ್ರೀನ್ ಸಿಗ್ನಲ್ ನೀಡಿದೆ. ಟೀಮ್ ಇಂಡಿಯಾ ಮಾಜಿ ನಾಯಕ ಸೌರವ್ ಗಂಗೂಲಿ ಮುಂದಾಳತ್ವದ ಬಿಸಿಸಿಐ, ಭಾರತದ ಕ್ರಿಕೆಟ್ ಫ್ರಾಂಚೈಸಿಗಳ ವಿದೇಶಿ ಪಾಲ್ಗೊಳ್ಳುವಿಕೆ ಬಗೆಗಿದ್ದ ಕಠಿಣ ನಿಯಮವನ್ನು ಸಡಿಲಿಸಿದೆ.
ಫ್ರೆಂಡ್ಲಿ ಪಂದ್ಯಗಳಿಗೆ ಅನುಮತಿ
'ಐಪಿಎಲ್ನಲ್ಲಿ ನಾವು ಕೇವಲ ಎರಡು ತಿಂಗಳು ಟೂರ್ನಿಯಲ್ಲಿ ಪಾಲ್ಗೊಳ್ಳುತ್ತೇವೆ. ಅದಾಗಿ ಫ್ರಾಂಚೈಸಿಗಳಿಗೆ ಬೇರೆ ಚಟುವಟಿಕೆಗಳಿರೋಲ್ಲ. ಹೀಗಾಗಿ ವಿದೇಶಿ ಫ್ರೆಂಡ್ಲಿ ಪಂದ್ಯಗಳಿಗಾಗಿ ಐಪಿಎಲ್ ಫ್ರಾಂಚೈಸಿಗಳಿಗೆ ಅನುಮತಿ ನೀಡಲಾಗಿದೆ,' ಎಂದು ಐಪಿಎಲ್ ಆಡಳಿತ ಸಮಿತಿಯ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.