ಮಲೇಷ್ಯಾ ಮಾಸ್ಟರ್ಸ್: ಸೈನಾ, ಕಶ್ಯಪ್, ಶ್ರೀಕಾಂತ್ ಭರ್ಜರಿ ಮುನ್ನಡೆ

ಕೌಲಾಲಂಪುರ್, ಜನವರಿ 16: ಮಲೇಷ್ಯಾದ ಕೌಲಾಲಂಪುರ್‌ನಲ್ಲಿ ಬುಧವಾರ (ಜನವರಿ 16) ನಡೆದ ಮಲೇಷ್ಯಾ ಮಾಸ್ಟರ್ಸ್ ಬ್ಯಾಡ್ಮಿಂಟನ್ ಮೊದಲ ಸುತ್ತಿನ ಪಂದ್ಯದಲ್ಲಿ ಭಾರತದ ಸ್ಟಾರ್ ಆಟಗಾರರಾದ ಪಾರುಪಳ್ಳಿ ಕಶ್ಯಪ್, ಸೈನಾ ನೆಹ್ವಾಲ್ ಮತ್ತು ಕಿದಂಬಿ ಶ್ರೀಕಾಂತ್ ದ್ವಿತೀಯ ಸುತ್ತಿಗೆ ಮುನ್ನಡೆ ಗಿಟ್ಟಿಸಿಕೊಂಡಿದ್ದಾರೆ.

ಭಾರತ-ಆಸೀಸ್ ಪಂದ್ಯದಲ್ಲಿ ಧೋನಿ ವಿವಾದಾತ್ಮಕ ರನ್: ವೈರಲ್ ವಿಡಿಯೋ

ಮಹಿಳಾ ಸಿಂಗಲ್ಸ್ ಪಂದ್ಯದಲ್ಲಿ ವಿಶ್ವ ನಂ.1 ಮಾಜಿ ಆಟಗಾರ್ತಿ ಸೈನಾ ಅವರು ಹಾಂಕಾಂಗ್‌ನ ಡೆಂಗ್ ಜಾಯ್ ಕ್ಸುವಾನ್ ಅವರನ್ನು 14-21, 21-18, 21-18ರ ಅಂತರದಿಂದ ಸೋಲಿಸಿ ಮುನ್ನಡೆ ಸಾಧಿಸಿದರು. ಸೈನಾ ಅವರ ಪತಿ ಕಶ್ಯಪ್ ಅವರು ಪುರುಷರ ಸಿಂಗಲ್ಸ್‌ನಲ್ಲಿ ಡೆನ್ಮಾರ್ಕ್‌ನ ರಾಸ್ಮಸ್ ಜೆಮೆಕೆ ಅವರದುರು 19-21, 21-19, 21-10ರಿಂದ ಮೇಲುಗೈ ಸಾಧಿಸಿದರು.

Through to the second round at the #MalaysiaMastersSuper500 after a three set win against #rasmusgemke . Looking forward to a good match tomorrow against @sinisukanthony . 💪💪 Thank you coach @NSaina 😘😜😘 pic.twitter.com/nGBi4vb5kz

— Parupalli Kashyap (@parupallik) January 16, 2019

ಪುರುಷರ ಸಿಂಗಲ್ಸ್ ಮತ್ತೊಂದು ಪಂದ್ಯದಲ್ಲಿ ಭಾರತದ ಭರವಸೆಯ ಆಟಗಾರ ಕಿದಂಬಿ ಶ್ರೀಕಾಂತ್ ಅವರು ಹಾಕಾಂಗ್‌ನ ಆಂಗಸ್ ಎನ್ಗ್ ಕಾ ಲಾಂಗ್ ಅವರೆದುರು 21-17, 21-11ರ ನೇರ ಸೆಟ್ ಗೆಲುವು ದಾಖಲಿಸಿದರು. (ತನ್ನ ಗೆಲುವಿಗೆ ಕಾಳಜಿ ವಹಿಸಿದ ಪತ್ನಿ ಸೈನಾ ಅವರನ್ನು 'ಕೋಚ್' ಎಂದು ಛೇಡಿಸಿ ಕಶ್ಯಪ್ ಮಾಡಿರುವ ಟ್ವೀಟ್. ಮೇಲಿನ ಟ್ವೀಟ್‌ನಲ್ಲಿ ತಮಾಷೆ ಪ್ರೀತಿ ಎರಡೂ ಇರುವುದನ್ನು ಕಾಣಬಹುದು).