ಬೆಂಗಳೂರು, ಫೆಬ್ರವರಿ 19: ನಾಲ್ಕು ರಾಷ್ಟ್ರಗಳ ಟಿ20ಐ ಟೂರ್ನಮೆಂಟ್ ಗೆದ್ದ ಸ್ಕಾಟ್ಲೆಂಡ್ ವಿರುದ್ಧ ಮೂರು ಏಕದಿನ ಪಂದ್ಯಗಳ ಸರಣಿ ಆಡುತ್ತಿರುವ ಒಮನ್ ಮೊದಲ ಪಂದ್ಯದಲ್ಲೇ ಅತ್ಯಂತ ಕಳಪೆ ಪ್ರದರ್ಶನ ನೀಡಿ ದಾಖಲೆ ಬರೆದಿದೆ.
ಅಲ್ ಅಮಿರಾತ್ ಕ್ರೀಡಾಂಗಣದಲ್ಲಿ ನಡೆದ ಮೊದಲ ಏಕದಿನ ಪಂದ್ಯ ಕೇವಲ 110 ನಿಮಿಷದಲ್ಲಿ ಮುಗಿದು ಹೋಯಿತು. ಸ್ಕಾಟ್ಲೆಂಡ್ ತಂಡವು ಕೇವಲ 3.2 ಓವರ್ಗಳಲ್ಲಿ ವಿಕೆಟ್ನಷ್ಟವಿಲ್ಲದೆ ಗೆಲುವಿನ ಗುರಿ ಮುಟ್ಟಿತು.
ಭಾರತ vs ಆಸ್ಟ್ರೇಲಿಯಾ: ಪಂದ್ಯಗಳ ಸಂಪೂರ್ಣ ವೇಳಾಪಟ್ಟಿ, ಪ್ರಸಾರ ಮಾಹಿತಿ
ಇದಕ್ಕೂ ಮೊದಲು ಬ್ಯಾಟಿಂಗ್ ಮಾಡಿದ ಆತಿಥೇಯ ಒಮನ್ 17.1 ಓವರ್ಗಳಲ್ಲಿ ಕೇವಲ 24 ರನ್ಗಳಿಗೆ ಆಲೌಟ್ಆಗಿತ್ತು. ಒಮನ್ ಪರ ಕನ್ವರ್ಅಲಿ(15) ಬಿಟ್ಟರೆ ಉಳಿದ ಎಲ್ಲ ಆಟಗಾರರು ಎರಡಂಕಿ ಮೊತ್ತ ದಾಟಲಿಲ್ಲ. 5 ಆಟಗಾರರು ಸೊನ್ನೆ ಸುತ್ತಿ ಪೆವಿಲಿಯನ್ ಸೇರಿದರು.
ಒಟ್ಟಾರೆ, ಓಮನ್ತಂಡದ ಆಟಗಾರರಿಂದ ಕೇವಲ ಒಂದೇ ಬೌಂಡರಿ ದಾಖಲಾಯಿತು. ಸ್ಕಾಟ್ಲೆಂಡ್ ಪರ ಅಲಾಸ್ಡೈರ್ ಇವಾನ್ಸ್ 2, ರುಯ್ಡ್ರಿ ಸ್ಮಿತ್ 4, ಸ್ಕಾಟ್ಲೆಂಡ್ ಪರ ಆಡ್ರಿಯಾನ್ನೈಲ್ 4 ವಿಕೆಟ್ಪಡೆದು ಓಮನ್ತಂಡವನ್ನು ಕಡಿಮೆ ಮೊತ್ತಕ್ಕೆ ಆಲೌಟ್ ಮಾಡಿದರು.
25 ರನ್ಗಳ ಗುರಿ ಪಡೆದ ಸ್ಕಾಟ್ಲೆಂಡ್3.2 ಓವರ್ಗಳಲ್ಲಿ ಪಂದ್ಯ ಗೆದ್ದುಕೊಂಡಿತು. 100 ಓವರ್ಗಳು ನಡೆಯಬೇಕಿದ್ದ ಈ ಪಂದ್ಯ ಕೇವಲ 20.4 ಓವರ್ಗಳಲ್ಲಿ ಮುಗಿಯಿತು.
ಲಿಸ್ಟ್ ಎ ಕ್ರಿಕೆಟ್ನಲ್ಲಿ ಇದು ನಾಲ್ಕನೇ ಕನಿಷ್ಠ ಮೊತ್ತವಾಗಿದೆ. ಇದಕ್ಕೂ ಮೊದಲು 2007ರಲ್ಲಿ ವೆಸ್ಟ್ ಇಂಡೀಸ್ಅಂಡರ್ 19 ತಂಡ ಕೇವಲ 18 ರನ್ಗೆ ಆಲೌಟ್ ಆಗಿತ್ತು.
ಲಿಸ್ಟ್ ಎ ಕ್ರಿಕೆಟ್ ನಲ್ಲಿ ಅತ್ಯಂತ ಕಡಿಮೆ ಮೊತ್ತ
ಮೊತ್ತ-ತಂಡ-ವಿರುದ್ಧ ತಂಡ-ಯಾವಾಗ
18- ವೆಸ್ಟ್ ಇಂಡೀಸ್ ಅಂಡರ್ 19-ಬಾರ್ಬಡಸ್- 2007
19-ಸಾರಸೆನ್ಸ್ ಎಸ್ ಸಿ-ಕೋಲ್ಟ್ಸ್ ಸಿಸಿ-2012
23-ಮಿಡ್ಲ್ ಸೆಕ್ಸ್-ಯಾರ್ಕ್ ಶೈರ್-1974
24-ಒಮನ್-ಸ್ಕಾಟ್ಲೆಂಡ್-2019
30-ಸಿಡಿ-ಸೈಲ್ಹೆಟ್ ಡಿವಿಷನ್-2002
31-ಬಾರ್ಡರ್- ಎಸ್ ಡಬ್ಲೂ -2007
34-ಸೌರಾಷ್ಟ್ರ-ಮುಂಬೈ-2000
35-ರಾಜಸ್ಥಾನ-ರೈಲ್ವೆಸ್-2014