73 ವರ್ಷಗಳ ವಿಶ್ವದಾಖಲೆ ಮುರಿದ ಸ್ಟೀವ್ ಸ್ಮಿತ್, ಸೆಹ್ವಾಗ್‌ಗೆ 3ನೇ ಸ್ಥಾನ!

73 ವರ್ಷಗಳ ದಾಖಲೆ ಬದಿಗೆ

ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಅತೀ ಕಡಿಮೆ ಇನ್ನಿಂಗ್ಸ್‌ನಲ್ಲಿ 7000 ರನ್‌ ದಾಖಲೆ ನಿರ್ಮಾಣವಾಗಿದ್ದು ಸುಮಾರು 73 ವರ್ಷಗಳ ಹಿಂದೆ. 1946ರಲ್ಲಿ ಇಂಗ್ಲೆಂಡ್ ಶ್ರೇಷ್ಠ ಕ್ರಿಕೆಟಿಗ ವಾಲಿ ಹ್ಯಾಮಂಡ್ ಅಂದು 134 ಇನ್ನಿಂಗ್ಸ್‌ಗಳಲ್ಲಿ 7000 ರನ್ ಬಾರಿಸಿ ದಾಖಲೆ ನಿರ್ಮಿಸಿದ್ದರು. ಸ್ಮಿತ್ ಇದೇ ಸಾಧನೆಗೆ ಕೇವಲ 126 ಇನ್ನಿಂಗ್ಸ್‌ಗಳನ್ನು ಬಳಸಿಕೊಂಡಿದ್ದಾರೆ.

ಬ್ರಾಡ್ಮನ್ ಹಿಂದಿಕ್ಕಿದ ಸ್ಮಿತ್

ಅಡಿಲೇಡ್ ಸಾಧನೆಯೊಂದಿಗೆ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಅತೀ ಹೆಚ್ಚಿನ ರನ್ ಬಾರಿಸಿದ ಆಸ್ಟ್ರೇಲಿಯಾದ 11ನೇ ಬ್ಯಾಟ್ಸ್‌ಮನ್ ಆಗಿಯೂ ಸ್ಮಿತ್ ಗುರುತಿಸಿಕೊಂಡಿದ್ದಾರೆ. ಅಲ್ಲದೆ ಟೆಸ್ಟ್‌ ರನ್‌ಗಾಗಿ ಆಸೀಸ್ ದಂತಕತೆ ಡಾನ್ ಬ್ರಾಡ್ಮನ್ ದಾಖಲೆಯನ್ನು ಸರಿಗಟ್ಟಿಸಿದ್ದಾರೆ. ಟೆಸ್ಟ್‌ನಲ್ಲಿ ಸ್ಮಿತ್ 7000 ರನ್ ಮಾಡಿಸಿದ್ದರೆ, ಬ್ರಾಡ್ಮನ್ 6,996 ರನ್ ದಾಖಲಿಸಿದ್ದಾರೆ. ಆದರೆ ಸ್ಮಿತ್ 70 ಟೆಸ್ಟ್ ಪಂದ್ಯಗಳಲ್ಲಿ 6,996+ ರನ್ ಮಾಡಿದ್ದಾರೆ. ಬ್ರಾಡ್ಮನ್ ಕೇವಲ 52 ಟೆಸ್ಟ್ ಪಂದ್ಯಗಳಲ್ಲಿ 6,996 ರನ್ ಬಾರಿಸಿದ್ದಾರೆ.

ವೀರೇಂದ್ರ ಸೆಹ್ವಾಗ್ 3ನೇ ಸ್ಥಾನಿ

ಅತೀ ವೇಗದಲ್ಲಿ ಟೆಸ್ಟ್‌ 7000 ರನ್ ಬಾರಿಸಿದ ವಿಶ್ವದ ಆಟಗಾರರಲ್ಲಿ ಭಾರತದ ವೀರೇಂದ್ರ ಸೆಹ್ವಾಗ್ 3ನೇ ಸ್ಥಾನದಲ್ಲಿದ್ದಾರೆ. ಈ ಪಟ್ಟಿಯಲ್ಲಿ ಸ್ವೀವ್ ಸ್ಮಿತ್ (126 ಇನ್ನಿಂಗ್ಸ್‌), ವಾಲಿ ಹ್ಯಾಮಂಡ್ (131 ಇನ್ನಿಂಗ್ಸ್‌), ವೀರೇಂದ್ರ ಸೆಹ್ವಾಗ್ (134 ಇನ್ನಿಂಗ್ಸ್‌), ಸಚಿನ್ ತೆಂಡೂಲ್ಕರ್ (136 ಇನ್ನಿಂಗ್ಸ್‌) ಮೊದಲ ನಾಲ್ಕು ಸ್ಥಾನಗಳಲ್ಲಿದ್ದಾರೆ.

ಡೇವಿಡ್ ವಾರ್ನರ್ ತ್ರಿಶತಕ

ಅಡಿಲೇಡ್ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಆರಂಭಿಕ ಬ್ಯಾಟ್ಸ್‌ಮನ್ ಡೇವಿಡ್ ವಾರ್ನರ್ 335 ರನ್ ಬಾರಿಸಿ ಗಮನ ಸೆಳೆದಿದ್ದಾರೆ. ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಆಸ್ಟ್ರೇಲಿಯಾ, ವಾರ್ನರ್ ತ್ರಿಶತಕ, ಮಾರ್ನಸ್ ಲ್ಯಾಬುಸ್ಚಾಗ್ನೆ ಶತಕದೊಂದಿಗೆ (162 ರನ್) 127 ಓವರ್‌ಗೆ 3 ವಿಕೆಟ್ ಕಳೆದು 589 ರನ್ ಮಾಡಿ ಡಿಕ್ಲೇರ್ ಘೋಷಿಸಿತು.