ಆರ್ಸಿಬಿ ಆಟಗಾರ ಲ್ಯೂಕ್ ಪೊಮರ್ಸ್ಬಾಚ್
ಆರ್ಸಿಬಿ ತಂಡದಲ್ಲಿ ಸ್ಥಾನ ಪಡೆದಿದ್ದ ಆಸ್ಟ್ರೇಲಿಯಾದ ಲ್ಯೂಕ್ ಪೊಮರ್ಸ್ಬಾಚ್ 2012ರ ಆವೃತ್ತಿಯಿಂದ ನಿಷೇಧಕ್ಕೆ ಒಳಗಾಗಿದ್ದರು. ಆಸ್ಟ್ರೇಲಿಯಾ ಹೋಟೆಲ್ವೊಂದರಲ್ಲಿ ಯುವತಿ ಮತ್ತು ಆಕೆಯ ಬಾಯ್ಫ್ರೆಂಡ್ ಮೇಲೆ ಹಲ್ಲೆ ಮಾಡಿದ ಆರೋಪದಡಿ ಲ್ಯೂಕ್ ಪೊಮರ್ಸ್ಬಾಚ್ ಅವರನ್ನು ಬಂಧಿಸಲಾಗಿತ್ತು. ನಂತರ ಜಾಮೀನಿನ ಮೇಲೆ ಬಿಡುಗಡೆಯಾದರು. ಆದ್ರೆ, ಆ ವರ್ಷ ಐಪಿಎಲ್ನಿಂದ ಲ್ಯೂಕ್ ಪೊಮರ್ಸ್ಬಾಚ್ ಬ್ಯಾನ್ ಆದರು. ನಂತರ 2013ರಲ್ಲಿ ಕಿಂಗ್ಸ್ ಪಂಜಾಬ್ ತಂಡವನ್ನು ಪ್ರತಿನಿಧಿಸಿದ್ದರು.
ಡೆಲ್ಲಿ ತಂಡದಲ್ಲಿದ್ದ ಮೊಹಮ್ಮದ್ ಆಸಿಫ್
2008ರ ಐಪಿಎಲ್ನಲ್ಲಿ ಡೆಲ್ಲಿ ಡೇರ್ ಡೆವಿಲ್ಸ್ ತಂಡದ ಪ್ರಮುಖ ವೇಗಿಯಾಗಿದ್ದ ಪಾಕಿಸ್ತಾನ ಮೊಹಮ್ಮದ್ ಆಸಿಫ್ 2009 ಐಪಿಎಲ್ನಿಂದ ಬ್ಯಾನ್ ಆಗಿದ್ದರು. ಮುಂಬೈನಲ್ಲಿ ನಡೆದ ರಾಜಸ್ಥಾನ ಮತ್ತು ಡೆಲ್ಲಿ ಪಂದ್ಯಕ್ಕೂ ಮುಂಚೆ ಆಸಿಫ್ ಮೂತ್ರ ಪರೀಕ್ಷೆ ಮಾಡಿದಾಗ ಡ್ರಗ್ಸ್ ಸೇವಿಸಿದ್ದು ಕಂಡು ಬಂದಿತ್ತು. ಈ ಹಿನ್ನೆಲೆ 2009 ಐಪಿಎಲ್ ಟೂರ್ನಿಯಿಂದ ಆಸಿಫ್ ನಿಷೇಧಕ್ಕೆ ಒಳಗಾಗಿದ್ದರು.
ರವೀಂದ್ರಾ ಜಡೇಜಾ
2008-09ರ ಅವಧಿಯಲ್ಲಿ ರಾಜಸ್ಥಾನದ ರಾಯಲ್ಸ್ ತಂಡವನ್ನು ಪ್ರತಿನಿಧಿಸಿದ್ದ ಆಲ್ ರೌಂಡರ್ ರವೀಂದ್ರ ಜಡೇಜಾ ಒಂದು ವರ್ಷ ಐಪಿಎಲ್ನಿಂದ ನಿಷೇಧಕ್ಕೆ ಒಳಗಾಗಿದ್ದರು. ಐಪಿಎಲ್ ಪ್ರಾಂಚೈಸಿ ನಿಯಮದ ಉಲ್ಲಂಘನೆ ಮಾಡಿದ ಆರೋಪದಲ್ಲಿ 2010ನೇ ಟೂರ್ನಿಯಿಂದ ಬ್ಯಾನ್ ಆಗಿದ್ದರು. ನಂತರ 2011ರಲ್ಲಿ ಕೊಚ್ಚಿ ಟಸ್ಕರ್ ಕೇರಳ ತಂಡದ ಪರವಾಗಿ ಕಣಕ್ಕೆ ಇಳಿದರು.
ಪ್ರವೀಣ್ ತಾಂಬೆ
ಐಪಿಎಲ್ 2020ರಲ್ಲಿ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡಕ್ಕೆ ಆಯ್ಕೆಯಾಗಿದ್ದ ಪ್ರವೀಣ್ ತಾಂಬೆಯನ್ನು ನಂತರ ಅನರ್ಹಗೊಳಿಸಲಾಯಿತು. ನಿವೃತ್ತಿ ವಿಚಾರದಲ್ಲಿ ಬಿಸಿಸಿಐ ನಿಯಮನ್ನು ಉಲ್ಲಂಘನೆ ಮಾಡಿದ ಆರೋಪದಲ್ಲಿ 2020ನೇ ಐಪಿಎಲ್ನಲ್ಲಿ ಆಡಲು ಅವಕಾಶ ನೀಡಲಿಲ್ಲ. 2013-14 ಪ್ರವೀಣ್ ತಾಂಬೆ ರಾಜಸ್ಥಾನ ರಾಯಲ್ಸ್ ತಂಡದ ಪರವಾಗಿ ಆಡಿದ್ದರು. ನಂತರ ದೇಶಿ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿ ವಿದೇಶಿ ಟಿ-10 ಕ್ರಿಕೆಟ್ ಲೀಗ್ನಲ್ಲಿ ಆಡಿದ್ದರು. ಬಳಿಕ, ನಿವೃತ್ತಿ ವಾಪಸ್ ಪಡೆದು ಮುಂಬೈ ಟಿ-10 ಲೀಗ್ನಲ್ಲಿ ಆಡಿದರು. 2020ರ ಐಪಿಎಲ್ ಹರಾಜಿನಲ್ಲೂ ಭಾಗವಹಿಸಿದರು.
ಹರ್ಭಜನ್ ಸಿಂಗ್
ಭಾರತೀಯ ಬೌಲರ್ ಶ್ರೀಶಾಂತ್ ಅವರ ಮೇಲೆ ಮೈದಾನದಲ್ಲಿ ಹಲ್ಲೆ ಮಾಡಿದ ಆರೋಪದಲ್ಲಿ ಸ್ಪಿನ್ನರ್ ಹರ್ಭಜನ್ ಸಿಂಗ್ ಅವರನ್ನು ಐದು ಅಂತಾರಾಷ್ಟ್ರೀಯ ಏಕದಿನ ಪಂದ್ಯಗಳಿಂದ ನಿಷೇಧ ಹೇರಲಾಗಿತ್ತು. ಮುಂಬೈ ಇಂಡಿಯನ್ಸ್ ತಂಡದ ಪರವಾಗಿ ಹರ್ಭಜನ್ ಸಿಂಗ್ ಹಾಗೂ ಕಿಂಗ್ಸ್ ಪಂಜಾಬ್ ತಂಡದ ಪರವಾಗಿ ಶ್ರೀಶಾಂತ್ ಆಡುತ್ತಿದ್ದರು. ಈ ಪಂದ್ಯದ ವೇಳೆ ಈ ಘಟನೆ ನಡೆದಿತ್ತು.