ಐಎಸ್‌ಎಲ್: ಎಟಿಕೆ ವಿರುದ್ಧ ಸೇಡು ತೀರಿಸಿಕೊಳ್ಳುತ್ತಾ ಎಫ್‌ಸಿ ಗೋವಾ?

ಲಾನ್ಜೆರೋಟ್ ಉತ್ತಮ ಆಟ

ಕಳೆದ ಋತುವಿನಲ್ಲಿ ಗೋವಾ ತಂಡದ ಪರ ಲಾನ್ಜೆರೋಟ್ ಉತ್ತಮವಾಗಿ ಆಡಿದ್ದಾರೆ. ಅಲ್ಲದೆ ತಂಡದ ಪ್ರಮುಖ ಆಟಗಾರನಾಗಿ ಮೆರಿದ್ದಾರೆ. ಆಡಿರುವ 19 ಪಂದ್ಯಗಳಲ್ಲಿ 13 ಗೋಲು ಗಳಿಸಿರುವುದಲ್ಲದೆ 6 ಗೋಲು ಗಳಿಸಲು ನೆರವಾಗಿದ್ದಾರೆ. ಆದರೆ 34 ವರ್ಷದ ಆಟಗಾರ ತನ್ನ ಗುತ್ತಿಗೆಯನ್ನು ರದ್ದುಗೊಳಿಸಿ ಎಟಿಕೆ ಸೇರಿಕೊಂಡರು.

ಉತ್ತಮ ಹೊಂದಾಣಿಕೆ

ಈಗ ಎಟಿಕೆಯಲ್ಲಿರುವ ಸ್ಪೇನ್ ಮೂಲದ ಆಟಗಾರ ಗೋವಾದಲ್ಲಿ ತೋರಿದ ಪ್ರದರ್ಶನವನ್ನು ತೋರುವಲ್ಲಿ ವಿಲರಾಗಿದ್ದಾರೆ. ಕೊರೊಮಿನಾಸ್ ಹಾಗೂ ಲಾನ್ಜೆರೋಟ್ ನಡುವೆ ಉತ್ತಮ ಹೊಂದಾಣಿಕೆ ಇದ್ದ ಕಾರಣ ಗೋವಾ ಗೋಲು ಗಳಿಕೆಯಲ್ಲಿ ಪ್ರಭುತ್ವ ಸಾಧಿಸಿತ್ತು. ಕೊರೊ ಈಗ ಎಂಟು ಗೋಲುಗಳನ್ನು ಗಲಿಸಿರುವುದಲ್ಲದೆ ನಾಲ್ಕು ಗೋಲು ಗಳಿಸಲು ನೆರವಾಗಿದ್ದಾರೆ.

ಅದ್ಭುತ ಆಟಗಾರ

'ಇತರ ಕ್ಲಬ್‌ಗಳಿಂದ ಸಾಕಷ್ಟು ಬೇಡಿಕೆ ಬಂದಿದ್ದರೂ ನಾವು ಕೊರೊ ಅವರನ್ನು ಉಳಿಸಿಕೊಂಡಿರುವುದಕ್ಕೆ ಅದೃಷ್ಟವಂತರು. ಅವರೊಬ್ಬ ಅದ್ಭುತ ಆಟಗಾರ. ಅಂಗಣದಲ್ಲಿ ಅವರು ತೋರಿರುವ ಸಾಧನೆ ಇತರ ಆಟಗಾರರಿಗೆ ಸ್ಫೂರ್ತಿಯಾಗಿದೆ' ಎಂದು ಲೊಬೆರಾ ಹೇಳಿದ್ದಾರೆ.

ಸಾಕಷ್ಟು ಬದಲಾವಣೆಗೆ ಮುಂದಾಗಿದೆ

ಕಳೆದ ವಾರ ಬೆಂಗಳೂರು ತಂಡದ ವಿರುದ್ಧ ನಡೆದ ಪಂದ್ಯದಲ್ಲಿ ಸೋಲನುಭವಿಸಿದ ನಂತರ ಗೋವಾ ತಂಡ ಸಾಕಷ್ಟು ಬದಲಾವಣೆಗೆ ಮುಂದಾಗಿದೆ. ಇದು ಗೋವಾ ಅನುಭವಿಸಿದ ಎರಡನೇ ಸೋಲಾಗಿದೆ. ಎದುರಾಳಿ ತಂಡಕ್ಕೆ ಗೋವಾ ಇದುವರೆಗೂ 14 ಗೋಲುಗಳನ್ನು ನೀಡಿದೆ. ಇದು ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿರುವ ಡೆಲ್ಲಿ ತಂಡದಷ್ಟೇ ಆಗಿದೆ.