ಅತ್ಯಂತ ಖುಷಿಯ ವಿಚಾರ
‘ಲೀಗ್ನಲ್ಲಿ ನಾವು ಅತಿ ಹೆಚ್ಚು ಗೋಲು ಗಳಿಸಿ ಗೋಲುಗಳ ಅಂತರವನ್ನು ಕಾಯ್ದುಕೊಂಡಿದ್ದೇವೆ. ಇದು ಅತ್ಯಂತ ಖುಷಿಯ ವಿಚಾರ. ಈ ಅಂತರವನ್ನು ಕಾಯ್ದುಕೊಳ್ಳುವ ಬಗ್ಗೆ ಹೆಚ್ಚಿನ ಗಮನ ಹರಿಸಲಿದ್ದೇವೆ. ಕ್ಲೀನ್ ಶೀಟ್ ಬಗ್ಗೆ ಹೆಚ್ಚು ಯೋಚಿಸುವುದಿಲ್ಲ, ಬದಲಾಗಿ ನಾವು ಹೆಚ್ಚು ಗೋಲುಗಳನ್ನು ಗಳಿಸಬೇಕಾಗಿದೆ,‘ ಎಂದು ಲೊಬೆರಾ ಹೇಳಿದ್ದಾರೆ.
ಕಳಪೆ ಎಂಬಂತೆ ಆರಂಭಿಸಿತ್ತು
ಡೆಲ್ಲಿ ತಂಡ ಈ ಬಾರಿ ಋತುವನ್ನು ಅತ್ಯಂತ ಕಳಪೆ ಎಂಬಂತೆ ಆರಂಭಿಸಿತ್ತು. ಆದರೆ ಗೊಂಬೌ ಅವರ ಫುಟ್ಬಾಲ್ ತತ್ವಜ್ಞಾನ ತಂಡದ ಮೇಲೆ ಅಪಾರ ಪರಿಣಾಮ ಬೀರಿದೆ. ದಾಳಿಯಲ್ಲಿ ಡೆಲ್ಲಿ ಅತ್ಯಂತ ಅಪಾಯಕಾರಿ ಎಂಬುದು ಹಲವು ಪಂದ್ಯಗಳಲ್ಲಿ ಸಾಬೀತಾಗಿದೆ. ಲಾಲಿಯಾನ್ಜುವಾಲಾ ಚಾಂಗ್ಟೆ ಹಾಗೂ ನಂದಕುಮಾರ್ ಶೇಖರ್ ಫುಲ್ ಬ್ಯಾಕ್ನಲ್ಲಿ ಅಪಾಯ ತಂದೊಡ್ಡಬಲ್ಲ ಆಟಗಾರರು. ಡೆಲ್ಲಿ ತಂಡ ಅಂತಿಮ ನಾಲ್ಕರ ಹಂತ ತಲಪುವ ತಂಡಕ್ಕೆ ಅಘಾತ ನೀಡುವ ಹಾದಿಯಲ್ಲಿದೆ. ಉತ್ತಮವಾಗಿ ಆಡಿದರೂ ಗೋಲು ಗಳಿಸುವಲ್ಲಿ ವಿಲವಾಗಿರುವುದು ಡೆಲ್ಲಿ ತಂಡದ ದೊಡ್ಡ ದೌರ್ಬಲ್ಯ.
ಉತ್ತಮ ಫುಟ್ಬಾಲ್ ಆಟ
‘ನಾವು ಇದುವರೆಗೂ ಉತ್ತಮ ಫುಟ್ಬಾಲ್ ಆಟವನ್ನು ಆಡಿದ್ದೇವೆ. ನಾವು ಹಲವಾರು ಅವಕಾಶಗಳನ್ನು ಸೃಷ್ಟಿಮಾಡಿದ್ದೇವೆ. ಆದರೆ ಗೋಲು ಗಳಿಸುವಲ್ಲಿ ವಿಲರಾಗಿದ್ದೇವೆ. ನಮ್ಮ ಡಿಫೆನ್ಸ್ ವಿಭಾಗ ಸುಧಾರಣೆ ಆಗಬೇಕಿದೆ, ನಾವು ಎದುರಾಳಿಗೆ ಹೆಚ್ಚು ಗೋಲುಗಳನ್ನು ನೀಡಿದ್ದೇವೆ. ನಾವು ಮನೆಯಂಗಣದ ಹೊರಗೆ ಆಡುವಾಗಲೂ ಗೋಲು ಗಳಿಸುವ ಅವಕಾಶಗಳನ್ನು ನಿರ್ಮಿಸಿದ್ದೇವೆ, ಆದರೆ ಗೋಲು ದಾಖಲಾಗದಿರುವುದು ಬೇಸರದ ಸಂಗತಿ,‘ ಎಂದು ಗೊಂಬೌ ಹೇಳಿದ್ದಾರೆ.
ಆಟದ ಶೈಲಿಗೆ ಬದ್ಧ
ಕೋಚ್ಗಳು ಈಗ ಫಲಿತಾಂಶದ ಬಗ್ಗೆ ಹೆಚ್ಚು ಯೋಚಿಸದೆ ತಮ್ಮ ಆಟದ ಶೈಲಿಗೆ ಬದ್ಧರಾಗಿದ್ದಾರೆ. ಅಹಮ್ಮದ್ ಜೊಹೌವು ಹಾಗೂ ಎಡು ಬೇಡಿಯಾ ಉತ್ತಮವಾಗಿ ಆಡುತ್ತಿದ್ದರು, ಆದರೆ ಗಾಯಕಗೊಂಡ ಕಾರಣ ಪಂದ್ಯದಿಂದ ಹೊರಗುಳಿಯಬೇಕಾಯಿತು. ಚೊಚ್ಚಲ ಪಂದ್ಯದಲ್ಲೇ ಅದ್ಭುತ ಆಟ ಪ್ರದರ್ಶಿಸಿದ್ದ ಡೆಲ್ಲಿಯ ಹೊಸ ಆಟಗಾರರ ಯುಲಿಸಸ್ ಡೆವಿಲಾ ಗೋವಾ ತಂಡಕ್ಕೆ ಅಪಾಯವನ್ನುಂಟು ಮಾಡುವ ಸಾಧ್ಯತೆ ಇದೆ. ಇತ್ತಂಡಗಳು ಹನ್ನೊಂದು ಬಾರಿ ಮುಖಾಮುಖಿಯಾಗಿದ್ದು, ಡೆಲ್ಲಿ ಕೇವಲ ಮೂರ ಬಾರಿ ಗೆದ್ದಿದೆ. ಲೀಗ್ ಕುತೂಹಲದ ಕಡೆಗೆ ಹೆಜ್ಜೆ ಹಾಕಿರುವಾಗ ಡೆಲ್ಲಿ ತಂಡ ಸತತ ಎರಡು ಪಂದ್ಯಗಳಲ್ಲಿ ಗೆದ್ದಿರುವುದು ಗೋವಾ ವಿರುದ್ಧದ ಪಂದ್ಯಕ್ಕೆ ಮತ್ತಷ್ಟು ಕುತೂಹಲವನ್ನುಂಟು ಮಾಡಿದೆ.