ವಿದೇಶಿ ಆಟಗಾರರೇ ಆಸರೆ
ವಿದೇಶಿ ಆಟಗಾರರನ್ನೇ ಹೆಚ್ಚು ಆತುಕೊಂಡಿರುವ ಜಾರ್ಜ್ ಕೋಸ್ಟಾ ಅಟ್ಯಾಕ್ ವಿಭಾಗದಲ್ಲಿ ಮೌಡೌ ಸೌಗೌ, ರೊಲ್ ಬಾಸ್ಟೋಸ್ ಮತ್ತು ಅರ್ನಾಲ್ಡ್ ಇಸ್ಸೊಕೊ ಪ್ರಮುಖ ಅಸ್ತ್ರವೆನಿಸಿದ್ದಾರೆ. ಸೌಗೌ ಉತ್ತಮ ಪ್ರದರ್ಶನ ತೋರುತ್ತಿದ್ದು,ಇದುವರೆಗೂ ಒಂಬತ್ತು ಗೋಲುಗಳನ್ನು ಗಳಿಸಿದ್ದಾರೆ.
ಸೆಹ್ನಾಜ್ ಸಿಂಗ್ ಆಡಲು ಸಜ್ಜು
ಒಂದು ಪಂದ್ಯಕ್ಕೆ ಅಮಾನತುಗೊಂಡಿರುವ ಸೆಹ್ನಾಜ್ ಸಿಂಗ್ ಆಡಲು ಸಜ್ಜಾಗಿದ್ದಾರೆ. ಮಿಲಾನ್ ಸಿಂಗ್ ಹಾಗೂ ರೇನಿಯರ್ ಫೆರ್ನಾಂಡೀಸ್ ಮಿಡ್ಫೀಲ್ಡ್ ವಿಭಾಗದಲ್ಲೇ ಮುಂದುವರಿಯುವುದರಿಂದ ಸಿಂಗ್ ಅವರ ಸ್ಥಾನಪಲ್ಲಟವಾಗುವ ಸಾಧ್ಯತೆ ಹೆಚ್ಚಿದೆ. 12 ಪಂದ್ಯಗಳಿಂದ 24 ಅಂಕ ಗಳಿಸಿರುವ ಮುಂಬೈ ಅಂಕ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ, ಮುಂದಿನ ಐದು ಪಂದ್ಯಗಳಲ್ಲಿ ಮುಂಬೈ ಪ್ಲೇ ಆ್ ಹಂತ ತಲುಪಲಿರುವ ತಂಡಗಳ ವಿರುದ್ಧ ಸೆಣಸಲಿದೆ. ಅದೇ ರೀತಿ ಏರು ಪೇರು ತಂಡದ ಮುನ್ನಡೆಗೆ ಅಡ್ಡಿಯಾಗಲಿದೆ. ಕೋಸ್ಟಾ ತಂಡವನ್ನು ಈ ಕಾರಣಕ್ಕಾಗಿ ಉತ್ತಮ ರೀತಿಯಲ್ಲ ಸಜ್ಜುಗೊಳಿಸಿದ್ದಾರೆ.
ಬಲಿಷ್ಠ ತಂಡ ಬೆಂಗಳೂರು
ಬೆಂಗಳೂರು ಎಫ್ಸಿ ತಂಡ ಈ ಬಾರಿಯ ಇಂಡಿಯನ್ ಸೂಪರ್ಲೀಗ್ನಲ್ಲಿ ಬಲಿಷ್ಠ ತಂಡವಾಗಿ ಹೊರಹೊಮ್ಮಿದೆ. ನೀಲಿ ಪಡೆ ಆಡಿರುವ 11 ಪಂದ್ಯಗಳಲ್ಲಿ ಅಜೇಯವಾಗಿ ಸಾಗಿದೆ. ‘ಅಜೇಯವಾಗಿ ಮುಂದುವರಿಯುತ್ತಿರುವುದು ಸಂತಸದ ವಿಷಯ, ಆದರೆ ಆದಷ್ಟು ಬೇಗನೆ ಪ್ಲೇ ಆಫ್ ನಲ್ಲಿ ನಮ್ಮ ಸ್ಥಾನವನ್ನು ಭದ್ರಪಡಿಸಿಕೊಳ್ಳವುದು ನಮ್ಮ ಗುರಿ. ದೀರ್ಘ ವಿಶ್ರಾಂತಿ ತಂಡದ ಲಯದ ಮೇಲೆ ಪರಿಣಾಮ ಬೀರಿದೆಯೋ ಇಲ್ಲವೋ ಗೊತ್ತಿಲ್ಲ. ಅದನ್ನು ಕಾಲವೇ ತಿಳಿಸುತ್ತದೆ. ನಾವು ಲಯ ಕಂಡುಕೊಳ್ಳಲು ಕಠಿಣ ಶ್ರಮ ವಹಿಸುತ್ತಿದ್ದೇವೆ. ನಮ್ಮಲ್ಲಿ ಸಾಧ್ಯವಿರುವ ತನಕ ಈ ಓಟವನ್ನು ಮುಂದುವರಿಸಿಕೊಂಡು ಹೋಗುತ್ತೇವೆ,‘ ಎಂದು ಕೋಚ್ ಕಾರ್ಲ್ಸ್ ಕ್ಯುಡ್ರಾಟ್ ಹೇಳಿದ್ದಾರೆ.
ಬೆಂಗಳೂರು ಬಲ ಹೆಚ್ಚಳ
ಪ್ರಮುಖ ಆಟಗಾರ ಮಿಕು ತಂಡವನ್ನು ಸೇರಿಕೊಂಡಿರುವುದು ಬೆಂಗಳೂರಿನ ಬಲ ಹೆಚ್ಚಿಸಿದೆ. ನಿಶು ಕುಮಾರ್ ಗಾಯದಿಂದ ಚೇತರಿಸಿಕೊಳ್ಳದ ಕಾರಣ ನಾಳೆಯ ಪಂದ್ಯಕ್ಕೆ ಅವರು ಅಲ‘್ಯರಾಗಲಿದ್ದಾರೆ. ಬೆಂಗಳೂರು ತಂಡ ಎದುರಾಳಿ ತಂಡಕ್ಕೆ ಕೇವಲ ಎಂಟು ಗೋಲುಗಳನ್ನು ನೀಡಿದ್ದು, ಮುಂಬೈಗೆ ಇದೊಂದು ಸವಾಲಾಗಲಿದೆ. ಬೆಂಗಳೂರು ಸೋಲಿಸದ ಮೂರು ತಂಡಗಳಲ್ಲಿ ಮುಂಬೈ ಕೂಡ ಒಂದು.