ಭಾರತವನ್ನು 2-1ರಿಂದ ಸೋಲಿಸಿ ಸಾಫ್ ಕಪ್ ಎತ್ತಿದ ಮಾಲ್ಡೀವ್ಸ್

ಢಾಕಾ, ಸೆಪ್ಟೆಂಬರ್, 15 : ಡಿಫೆಂಡಿಂಗ್ ಚಾಂಪಿಯನ್ ಭಾರತವನ್ನು 2-1ರ ಅಂತರದಿಂದ ಸೋಲಿಸಿರುವ ಮಾಲ್ಡೀವ್ಸ್ ಸಾಫ್ ಸುಜುಕಿ ಕಪ್ ಅನ್ನು ಎತ್ತಿಹಿಡಿದಿದೆ.

ಏಳು ಬಾರಿ ಚಾಂಪಿಯನ್ ಆಗಿದ್ದ ಭಾರತ ಈ ಬಾರಿ ಕೂಡ ಸಾಫ್ ಕಪ್ ಎತ್ತಿಹಿಡಿಯುವ ನೆಚ್ಚಿನ ತಂಡವಾಗಿತ್ತು. ಶನಿವಾರ ಸಂಜೆ ಬಂಗಬಂಧು ನ್ಯಾಷನಲ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಭಾರತಕ್ಕೆ ಭಾರೀ ಆಘಾತ ನೀಡಿದ ಮಾಲ್ಡೀವ್ಸ್ ಚಾಂಪಿಯನ್ ಆಗಿ ಮೆರೆದಾಡಿದೆ.

ಒಬ್ಬರನ್ನು ಹೊರತುಪಡಿಸಿ 23 ವರ್ಷಕ್ಕಿಂತ ಕೆಳಗಿರುವ ಯುವ ಆಟಗಾರರನ್ನೇ ಹೊಂದಿದ್ದ ಭಾರತ ಒಂದೂ ಪಂದ್ಯ ಸೋಲದೆ ಅಜೇಯವಾಗುಳಿದಿತ್ತು. ಆದರೆ, ಫೈನಲ್ ನಲ್ಲಿ ಮಾಲ್ಡೀವ್ಸ್ ಗೆ ಸೋತು ಚಾಂಪಿಯನ್ ಶಿಪ್ ಕಪ್ಪನ್ನು ಬಳುವಳಿಯಾಗಿ ನೀಡಿದೆ.

ಆದರೆ, ಸಂಪೂರ್ಣ ಶ್ರೇಯ ಮಾಲ್ಡೀವ್ಸ್ ತಂಡಕ್ಕೆ ಸಲ್ಲಬೇಕು. ಕಡೆಯವರೆಗೂ ಅದ್ಭುತ ಹೋರಾಟ ಮನೋಭಾವ ತೋರಿದ ಮಾಲ್ಡೀವ್ಸ್ ತಂಡ ಅರ್ಹವಾಗಿ ಚಾಂಪಿಯನ್ ತಂಡ ಎನ್ನಿಸಿದೆ.

ಒಂದೂ ಗೋಲನ್ನು ಬಿಟ್ಟುಕೊಡದಿದ್ದ ಮಾಲ್ಡೀವ್ಸ್ ಅಂತಿಮ ಹಂತದವರೆಗೂ 2-0 ಅಂತರದಿಂದ ಮುಂದೆ ಇತ್ತು. ಆದರೆ, ಕಟ್ಟಕಡೆಯ ಕ್ಷಣಗಳಲ್ಲಿ ಒಂದು ಗೋಲು ಗಳಿಸಿದ ಭಾರತ ಸೋಲಿನ ಅಂತರವನ್ನು ಒಂದು ಗೋಲಿನಿಂದ ಇಳಿಸಿತು. ಸುಮೀತ್ ಪಾಸ್ಸಿ ಅವರು ಗೋಲು ಗಳಿಸಿದರು.

🎥 | It's time to take football in India 🇮🇳 to new heights. But before we do that, #FanBannaPadega!#HeroISL 2018-19 begins on September 2⃣9⃣! Get ready to cheer on your teams 📣🎌 and witness the rise of #IndianFootball!

C'mon India, #LetsFootball! pic.twitter.com/I89MzD7I69

— Indian Super League (@IndSuperLeague) September 10, 2018

ಮೊದಲಾರ್ಧ ಮತ್ತು ದ್ವಿತೀಯಾರ್ಧದಲ್ಲಿ ಮಾಲ್ಡೀವ್ಸ್ ಗಳಿಸಿದ ಗೋಲುಗಳು ಭಾರತ ಮತ್ತೆ ಮೇಲೇಳದಂತೆ ಮಾಡಿದವು. ಮಾಲ್ಡೀವ್ಸ್ ಪರ ಇಬ್ರಾಹಿಂ ಹುಸೇನ್ ಅವರು 19ನೇ ನಿಮಿಷದಲ್ಲಿ ಮೊದಲ ಗೋಲು ಬಾರಿಸಿದರು. ದ್ವಿತೀಯಾರ್ಧದಲ್ಲಿ ಅಲಿ ಫಾಸಿರ್ ಅವರು 73ನೇ ನಿಮಿಷದಲ್ಲಿ ಗೋಲು ಗಳಿಸಿದರು.

ಯುವ ಭಾರತದ ತಂಡ ಅತ್ಯುತ್ತಮವಾಗಿಯೇ ಆಡಿದರೂ, ದ್ವೀಪ ರಾಷ್ಟ್ರದ ಆಟಗಾರರನ್ನು ಸರಿಗಟ್ಟಲು ಸಾಧ್ಯವಾಗಲಿಲ್ಲ. ಭಾರತದ ವಿರುದ್ಧ ರಕ್ಷಣಾತ್ಮಕವಾಗಿಯೇ ಆಡುತ್ತಿದ್ದ ಮಾಲ್ಡೀವ್ಸ್ ಆಟಗಾರರು ನಂತರ ಭರ್ಜರಿ ಕೌಂಟರ್ ಅಟ್ಯಾಕ್ ಆರಂಭಿಸಿದರು. ಭಾರತಕ್ಕೆ ಹಲವು ಬಾರಿ ಗೋಲು ಗಳಿಸಲು ಅವಕಾಶ ಸಿಕ್ಕಿದ್ದರೂ ಗೋಲಾಗಿ ಪರಿವರ್ತನೆಯಾಗಲೇ ಇಲ್ಲ.