ಪಿಕೆಎಲ್ 2018: ಹೆಚ್ಚಿನ ಬೆಲೆಗೆ ಹರಾಜಾದ ದುಬಾರಿ ಆಟಗಾರರು

ಮೋನು ಗೊಯಾಟ್

ಈ ಪಿಕೆಎಲ್ ಸೀಸನ್ ನ ಮೊದಲ ದಿನ ದಾಖಲೆ ಬೆಲೆಗೆ ಮಾರಾಟವಾದವರ ಸಾಲಿನಲ್ಲಿ ರೈಡರ್ ಮೋನು ಗೊಯಾಟ್ ಅವರು ಮುಂಚೂಣಿಯಲ್ಲಿದ್ದಾರೆ. ಹಾಲಿ ಚಾಂಪಿಯನ್ ಪಾಟ್ನಾ ಪೈರೇಟ್ ತಂಡದಲ್ಲಿದ್ದ ಮೋನು ಅವರನ್ನು ಈ ಬಾರಿ ಹರ್ಯಾಣ ಸ್ಟೀಲರ್ಸ್ 1.51 ಕೋ. ರೂ.ಗೆ ಖರೀದಿಸಿದೆ. ಈವರೆಗಿನ ಪ್ರೊ ಕಬಡ್ಡಿ ಹರಾಜು ಇತಿಹಾಸದಲ್ಲಿ ಇದು ದಾಖಲೆ ಬೆಲೆ.

ರಾಹುಲ್ ಚೌಧರಿ

ಮೊದಲ ದಿನ ಎರಡನೇ ಅತೀ ಹೆಚ್ಚಿನ ಬೆಲೆಗೆ ಖರೀದಿಯಾದ ಆಟಗಾರರಾಗಿ ರಾಹುಲ್ ಚೌಧರಿ ಗುರುತಿಸಿಕೊಂಡಿದ್ದಾರೆ. ಹರ್ಯಾಣದ ಈ ಸ್ಟಾರ್ ಆಟಗಾರನನ್ನು ತೆಲುಗು ಟೈಟಾನ್ಸ್ 1.29 ಕೋ.ರೂ.ಗೆ ತನ್ನಲ್ಲೇ ಉಳಿಸಿಕೊಂಡಿದೆ.

ನಿತಿನ್ ಟಾಮರ್

ರೈಡರ್ ನಿತಿನ್ ಟಾಮರ್ ಅವರೂ ಕೋಟಿಗೂ ಮಿಕ್ಕಿದ ಬೆಲೆಗೆ ಖರೀದಿಯಾಗುವ ಮೂಲಕ ಗಮನಸೆಳೆದರು. ಪೂಣೇರಿ ಪಾಲ್ಟಾನ್ ತಂಡ ನಿತಿನ್ ನಿತಿನ್ ಅವರನ್ನು 1.15 ಕೋ.ರೂ.ಗೆ ಖರೀದಿಸಿದೆ. ಕಳೆದ ಸೀಸನ್ ನಲ್ಲಿ ನಿತಿನ್ ಯೂಪಿ ಯೋಧ ತಂಡಕ್ಕೆ 93 ಲಕ್ಷ ರೂ.ಗೆ ಮಾರಾಟವಾಗಿದ್ದರು.

ದೀಪಕ್ ನಿವಾಜ್ ಹೂಡ

ಪೂಣೆರಿ ಪಾಲ್ಟಾನ್ ಫ್ರಾಂಚೈಸಿ ತನ್ನ ತಂಡದ ಮಾಜಿ ನಾಯಕ ಆಲ್ ರೌಂಡರ್ ದೀಪಕ್ ನಿವಾಜ್ ಹೂಡ ಅವರನ್ನು ತನ್ನಲ್ಲೇ ಉಳಿಸಿಕೊಳ್ಳಲು ಪ್ರಯತ್ನಿಸಿತ್ತು. ಆದರೆ ಪಾಟ್ನಾ ಪೈರೇಟ್ಸ್ ಫ್ರಾಂಚೈಸಿ 1.15 ಕೋ.ರೂ.ಗೆ ಬಿಡ್ ಮಾಡಿದಾಗ ಪೂಣೇರಿ ತಲೆಬಾಗಬೇಕಾಯ್ತು.

ರಿಶಾಂಕ್ ದೇವಾಡಿಗ

ಮಹಾರಾಷ್ಟ್ರದ ಸ್ಟಾರ್ ರೈಡರ್ ರಿಶಾಂಕ್ ದೇವಾಡಿಗ ಅವರನ್ನು ಯೂಪಿ ಯೋಧ ಫ್ರಾಂಚೈಸಿ ತನ್ನಲ್ಲೇ ಉಳಿಸಿಕೊಂಡಿದೆ. ಈ ಬಾರಿ 1.11 ಕೋಟಿ ರೂ.ಗೆ ರಿಶಾಂಕ್ ಖರೀದಿಯಾಗಿ ಗಮನ ಸೆಳೆದರು.

ಫಜಲ್ ಅಟ್ರಾಚಲಿ

ಕಡಿಮೆ ಬೆಲೆಯ ಆಟಗಾರನೊಬ್ಬ ಅತೀ ಹೆಚ್ಚಿನ ಬೆಲೆಗ ಮಾರಾಟವಾಗಿದ್ದಕ್ಕೆ ಫಜಲ್ ಅಟ್ರಾಚಲಿ ಸಾಕ್ಷಿಯಾದರು. ಡಿಫೆಂಡರ್ ಆಟಗಾರನ ಪ್ರತಿಭೆಯನ್ನು ಅರಿತ ಮುಂಬೈ ಫ್ರಾಂಚೈಸಿ ಫಜಲ್ ಅವರನ್ನು 1 ಕೋ.ರೂ.ಗೆ ಖರೀದಿಸಿ ಗಮನ ಸೆಳೆಯಿತು. ಫಜಲ್ ಮೂಲಬೆಲೆ 20 ಲಕ್ಷ ರೂ. ಆಗಿತ್ತು.