ಏಷ್ಯನ್‌ ಕುಸ್ತಿ ಚಾಂಪಿಯನ್‌ಷಿಪ್‌: ಅಮಿತ್‌ಗೆ ಬೆಳ್ಳಿ, ರಾಹುಲ್‌ಗೆ ಕಂಚು

ಕ್ಸಿಯಾನ್‌ (ಚೀನಾ) ಏಪ್ರಿಲ್‌ 25: ಅನುಭವಿ ಕುಸ್ತಿಪಟು ಅಮಿತ್‌ ಧಂಕರ್‌ (74 ಕೆಜಿ) ಮತ್ತು ಕಾಮನ್‌ವೆಲ್ತ್‌ ಚಾಂಪಿಯನ್‌ ರಾಹುಲ್‌ ಆವಾರೆ (61 ಕಜಿ) ಇಲ್ಲಿ ನಡೆಯುತ್ತಿರುವ ಏಷ್ಯನ್‌ ಕುಸ್ತಿ ಚಾಂಪಿಯನ್‌ಷಿಪ್‌ನಲ್ಲಿ ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕ ಗೆದ್ದಿದ್ದಾರೆ.

ಏಷ್ಯ ಬ್ಯಾಡ್ಮಿಂಟನ್: ಸೈನಾ ನೆಹ್ವಾಲ್, ಪಿವಿ ಸಿಂಧು ದ್ವಿತೀಯ ಸುತ್ತಿಗೆ ಲಗ್ಗೆ

ಇದೇ ಕೂಟದಲ್ಲಿ 2013ರಲ್ಲಿ 66 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿ ಚಿನ್ನ ಗೆದ್ದಿದ್ದ 28 ವರ್ಷದ ಹರಿಯಾಣ ಮೂಲದ ಕುಸ್ತಿಪಟು, 74 ಕಜಿ ವಿಭಾಗದ ಫೈನಲ್‌ ಪಂದ್ಯದಲ್ಲಿ ಕಜಕಸ್ತಾನದ ಡ್ಯಾನಿಯಾರ್‌ ಕೈಸಾನೋವ್‌ ಎದುರು 0-5 ಅಂತರದಲ್ಲಿ ಸೋತು ಬೆಳ್ಳಿಗೆ ತೃಪ್ತಿಪಟ್ಟರು. ಇದಕ್ಕೂ ಮುನ್ನ ಸೆಮಿಫೈನಲ್‌ ಪಂದ್ಯದಲ್ಲಿ ಕಿರ್ಗಿಸ್ತಾನದ ಇಲ್ಗಿಜ್‌ ಝಾಕಿಬೆಕೊವ್‌ ವಿರುದ್ಧ ಅಧಿಕಾರಯುತ ಜಯ ದಾಖಲಿಸಿದ್ದರು.

ಏಷ್ಯನ್‌ ಅಥ್ಲೆಟಿಕ್ಸ್‌: ಶಾಟ್‌ ಪುಟ್‌ನಲ್ಲಿ ತೂರ್‌ಗೆ ಚಿನ್ನ

ಇನ್ನು ಪುರುಷರ 61 ಕೆಜಿ ವಿಭಾಗದಲ್ಲಿ ಕಂಚಿನ ಪದಕಕ್ಕಾಗಿ ನಡೆದ ಪಂದ್ಯದಲ್ಲಿ ಸಂಪೂರ್ಣ ಪ್ರಾಬಲ್ಯ ಮೆರೆದ ರಾಹುಲ್‌ ಆವಾರೆ, ಕೊರಿಯಾದ ಜಿನ್‌ಷೆಯೋಲ್‌ ಕಿಮ್‌ ಎದುರು 9-2 ಅಂತರದಲ್ಲಿ ಜಯ ದಾಖಲಿಸಿ ಕಂಚಿನ ಪದಕಕ್ಕೆ ಕೊರಳೊಡ್ಡಿದರು. ರಾಹುಲ್‌ ಕಾಮನ್‌ವೆಲ್ತ್‌ ಗೇಮ್ಸ್‌ನಲ್ಲಿ 57 ಕೆಜಿ ವಿಭಾಗದಲ್ಲಿ ಚಿನ್ನ ಗೆದ್ದ ಸಾಧನೆ ಮಾಡಿದ್ದಾರೆ.

ಏಷ್ಯನ್‌ ಕುಸ್ತಿ ಚಾಂಪಿಯನ್‌ಷಿಪ್‌: ಚಿನ್ನ ಗೆದ್ದ ಬಜರಂಗ್‌

ಇದೀಗ ತಲಾ ಒಂದು ಬೆಳ್ಳಿ ಮತ್ತು ಕಂಚಿನೊಂದಿಗೆ ಕೂಟದಲ್ಲಿ ಭಾರತದ ಒಟ್ಟು ಪದಕ ಗಳಿಕೆಯು 5ಕ್ಕೆ (1 ಚಿನ್ನ, 2 ಬೆಳ್ಳಿ, 2 ಕಂಚು) ಏರಿದೆ. ಬಜರಂಗ್‌ ಪೂನಿಯಾ (65 ಕಜಿ) ಚಿನ್ನ ಗೆದ್ದರೆ, ಪ್ರವೀಣ್‌ ರಾಣಾ (79ಕೆಜಿ) ಮತ್ತು ಸತ್ಯವ್ರತ್‌ ಕದಿಯಾನ್‌ (97ಕೆಜಿ) ಬೆಳ್ಳಿ ಸಾಧನೆ ಮೆರೆದಿದ್ದಾರೆ.