ಜಕಾರ್ತಾ, ಆಗಸ್ಟ್ 18: ಇಂಡೋನೇಷ್ಯಾದ ಜಕಾರ್ತಾದಲ್ಲಿ ಇಂದಿನಿಂದ (ಆಗಸ್ಟ್ 18) ಆರಂಭಗೊಳ್ಳುತ್ತಿರುವ 18ನೇ ಏಷ್ಯನ್ ಗೇಮ್ಸ್ ಕ್ರೀಡಾಕೂಟದ ಅದ್ದೂರಿ ಆರಂಭೋತ್ಸವಕ್ಕೆ ಇಂದು ಚಾಲನೆ ದೊರೆತಿದೆ. ಜಕಾರ್ತಾದ ಗೆಲೋರಾ ಬಂಗ್ ಕರ್ನೊ ಮುಖ್ಯ ಸ್ಟೇಡಿಯಂನಲ್ಲಿ ವಿವಿಧ ಕಾರ್ಯಕ್ರಮಗಳು ನಡೆಯುತ್ತಿವೆ.
ವಿಯಾ ವಲ್ಲನ್ ಮಧುರ ಕಂಠದ ಗೀತೆ ನೆರೆದವರನ್ನು ರಂಜಿಸಿತು. ಆ ಬಳಿಕ ಇಂಡೋನೇಷ್ಯಾದ ಧ್ವಜಾರೋಹಣ ಕಾರ್ಯಕ್ರಮ ನಡೆಯಿತು.
572 ಸ್ಪರ್ಧಿಗಳಿರುವ ಭಾರತ ತಂಡವನ್ನು ಜಾವೆಲಿನ್ ಥ್ರೋವರ್ ನೀರಜ್ ಚೋಪ್ರಾ ಮುನ್ನಡೆಸಿದರು. ವಿವಿಧ ರಾಷ್ಟ್ರಗಳ ಕ್ರೀಡಾಸ್ಪರ್ಧಿಗಳು ಮೆರವಣಿಯಲ್ಲಿ ತೊಡಗಿದ್ದಾರೆ. ದೀಪಗಳ ಅಲಂಕಾರ, ಸಂಗೀತದ ಇಂಪು ಕಾರ್ಯಕ್ರಮಕ್ಕೆ ಇನ್ನಷ್ಟು ಮೆರಗು ನೀಡಿದೆ.
Opening Ceremony 18th ASIAN GAMES JAKARTA PALEMBANG 2018 Countdown opened with Saman Dance from thousands of Indonesian dancers @LAY_zhang_@B_hundred_Hyun#AsianGames2018 #EnergyofAsia #OpeningCeremonyAsianGames2018 pic.twitter.com/ItqHxA13R1
— Anha Anha Anha (@AkuSayangYixing) August 18, 2018
ಒಲಿಂಪಿಕ್ಸ್ ಬಳಿಕ ಹೆಚ್ಚು ಪೈಪೋಟಿಯಿಂದ ಕೂಡಿದ ಕ್ರೀಡಾಕೂಟವಾಗಿ ಏಷ್ಯನ್ ಗೇಮ್ಸ್ ಗುರುತಿಸಿಕೊಂಡಿದೆ. ಕಾರಣ ಇದರಲ್ಲಿ ಚೀನಾ, ಜಪಾನ್, ಸೌತ್ ಕೊರಿಯಾ, ನಾರ್ತ್ ಕೊರಿಯಾ, ಥಾಯ್ಲೆಂಡ್ ಮತ್ತು ಉಜ್ಬೇಕಿಸ್ತಾನ್ ನಂತ ಬಲಾಡ್ಯ ದೇಶಗಳು ಪಾಲ್ಗೊಳ್ಳುತ್ತಿವೆ. ಒಟ್ಟು 46 ರಾಷ್ಟ್ರಿಗಳು ಈ ಕ್ರೀಡಾಕೂಟದಲ್ಲಿ ಪದಕಕ್ಕಾಗಿ ಸ್ಪರ್ಧೆಗಿಳಿಯಲಿವೆ.
Don't forget Opening Ceremony Asian Games 2018 tonight at 18:30 WIB (Indonesian Western Time)
— Anne (@annejiyongi) August 18, 2018
pic.twitter.com/ep2gmITVn3
ಸುಮಾರು 4,000 ಇಂಡೋನೇಷ್ಯಾನ್ ನೃತ್ಯಕಲಾವಿದರು ನರ್ತನದ ಮೂಲಕ ಮೆರವಣಿಗೆಯಲ್ಲಿ ಪಾಲ್ಗೊಳ್ಳುತ್ತಿರುವ 46 ವಿವಿಧ ರಾಷ್ಟ್ರಗಳ ಕ್ರೀಡಾಪಟುಗಳನ್ನು ಬರ ಮಾಡಿಕೊಂಡರು. ಕ್ರೀಡಾಕೂಟದ ಆವರಣದಲ್ಲಿ ಹಬ್ಬದ ವಾತಾವರಣವಿದೆ.
ಹಾಡುಗಾರಿಕೆಯೊಂದಿಗೆ ಖ್ಯಾತ ತಾರೆಯಿಂದ ನೃತ್ಯ ಪ್ರದರ್ಶನ, ರೂಪಕಗಳು, ಮ್ಯಾಜಿಕ್ ಶೋ, ಕಲಾತ್ಮಕ ಕಾರ್ಯಕ್ರಮಗಳಂತಹ ಅಚ್ಚರಿಯ ಕಾರ್ಯಕ್ರಮಗಳೂ ಆರಂಭೋತ್ಸವ ಮತ್ತು ಕಾರ್ಯಕ್ರಮ ಮುಕ್ತಾಯ ಸಮಾರಂಭದಲ್ಲಿ ನಡೆಯುವುದರಲ್ಲಿದೆ ಎಂದು ಇಂಡೋನೇಷ್ಯಾದ ಎನ್ಇಟಿ ಟೆಲಿವಿಷನ್ ನ ಸ್ಥಾಪಕಾಧ್ಯಕ್ಷ ವಿಷ್ಣುತಾಮ ತಿಳಿಸಿದ್ದಾರೆ.
Before the games officially begin, why don't we celebrate with a bang! Do not miss the Asian Games 2018 Opening Ceremony by getting your tickets today! pic.twitter.com/3BMdQhvPJ3
— Asian Games 2018 (@asiangames2018) August 13, 2018
ಸೋನಿ ಟೆನ್ 1, ಸೋನಿ ಟೆನ್ 2, ಸೋನಿ ಇಎಸ್ಪಿಎನ್ ಚಾನೆಲ್ ಗಳು ಆರಂಭೋತ್ಸವದ ಕಾರ್ಯಕ್ರಮದ ನೇರಪ್ರಸಾರ ಮಾಡಲಿವೆ. ನೆಟ್ಟಿಗರಿಗಾಗಿ ಕಾರ್ಯಕ್ರಮ ಸೋನಿ ಲೈವ್ (Sony Liv) ನಲ್ಲಿ ನೇರ ಪ್ರಸಾರಗೊಳ್ಳಲಿದೆ.