ಕ್ಯಾನ್ಸರ್‌ನೊಂದಿಗೆ ಬಡಿದಾಡುತ್ತಿದ್ದ 'ರೋಮನ್' WWEಗೆ ಭಾವುಕ ವಿದಾಯ!

11 ವರ್ಷದ ಹಿಂದೆಯೇ ಇದ್ದ ಖಾಯಿಲೆ

ರೋಮನ್ ರೇನ್ಸ್ ಗೆ 11 ವರ್ಷದ ಹಿಂದೆಯೇ ಅಂದರೆ 22ರ ಹರೆಯದಲ್ಲಿದ್ದಾಗಲೇ ಕ್ಯಾನ್ಸರ್ ಆವರಿಸಿಕೊಂಡಿತ್ತು. ಅವರಿಗೆ ಲ್ಯುಕೇಮಿಯಾ (ಬಿಳಿ ರಕ್ತಕಣಗಳಿಗೆ ಸಂಬಂಧಿಸಿದ) ಕ್ಯಾನ್ಸರ್ ಇತ್ತು. ಆದರೂ ರಸ್ಲಿಂಗ್ ರಿಂಗ್ ನಲ್ಲಿ ಬಡಿದಾಡುತ್ತ, ಗೆಲ್ಲುತ್ತ ಅಭಿಮಾನಿಗಳನ್ನು ರಂಜಿಸುತ್ತಿದ್ದವರು, ಇಂದು ಕ್ಯಾನ್ಸರ್ ಎದುರು ಸೋತು ರಸ್ಲಿಂಗ್ ನಿಂದ ದೂರ ಉಳಿಯುತ್ತಿದ್ದಾರೆ.

ಕುಸಿದ ಶೀಲ್ಡ್ ಟೀಮಿನ ನಾಯಕ

ರೋಮನ್ ರೇನ್ಸ್ ಒಬ್ಬಟಿಂಗನಾಗಿ ಮಿಂಚಿದ್ದಕ್ಕಿಂತಲೂ ಹೆಚ್ಚು ಟ್ಯಾಗ್ಟೀಮಿನಲ್ಲಿ ಆಕರ್ಷಣೆ ಮೂಡಿಸಿದ್ದರು. 'ಶೀಲ್ಡ್ ರಸ್ಲಿಂಗ್ ಗ್ರೂಪ್'ನಲ್ಲಿ ಡೀನ್ ಆ್ಯಂಬ್ರೋಸ್ ಮತ್ತು ಸೇತ್ ರೋಲಿನ್ಸ್ ಜೊತೆ ರೇನ್ಸ್ ರಸ್ಲಿಂಗ್ ರಿಂಗ್ ಗೆ ಇಳಿದರೆಂದರೆ ಆ ಪಂದ್ಯ ಬಹುತೇಕ ಗೆದ್ದಂತೆಯೇ.

ಕನಸನ್ನು ನಿಜವಾಗಿಸಿದವರು ನೀವು

ಸೋಮವಾರ (ಅ.22) ವಿದಾಯ ಮಾತನ್ನಾಡುತ್ತ ರೇನ್ಸ್ ಅಭಿಮಾನಿಗಳನ್ನುದ್ದೇಶಿಸಿ, 'ನೀವೆಲ್ಲರೂ ನನ್ನ ಕನಸನ್ನು ನಿಜವಾಗಿಸುವಲ್ಲಿನ ಪಾಲುದಾರರು. ನಿಮ್ಮೆದುರು ನಾನು ಹೀರೋನಂತೆ ಮಿನುಗಿದ್ದೆ. ನೀವು ನನ್ನನ್ನು ಹುರಿದುಂಬಿಸಿದ್ದೀರೋ ಇಲ್ಲ ಹೀಯಾಳಿಸಿದ್ದೀರೋ ಅದು ನನಗೆ ಬೇಕಿಲ್ಲ. ಒಟ್ಟಿನಲ್ಲಿ ನನಗಾಗಿ ಪ್ರತಿಕ್ರಿಯಿಸುತ್ತಿದ್ರಿ. ನನಗಾಕ್ಷಣ ಅವಿಸ್ಮರಣೀಯ' ಎಂದರು.

'ಮತ್ತೆ ಬರಬಲ್ಲೆ' ಎಂಬ ಭಾವುಕ ನುಡಿ!

ಮಾತು ಮುಂದುವರೆಸಿದ ರೇನ್ಸ್, 'ಈ ಖಾಯಿಲೆಯನ್ನು ನಾನು ಸೋಲಿಸಿದರೆ, ಮತ್ತೆ ಆದಷ್ಟು ಶೀಘ್ರ ನಿಮ್ಮೆದುರು ಬರಬಲ್ಲೆ' ಎಂದರು. ರೋಮನ್ ರೇನ್ಸ್ ವಿದಾಯಕ್ಕೆ ಮಿಡಿದಿರುವ ಸಾಮಾಜಿಕ ಜಾಲತಾಣ '#ThankYouRoman'ನೊಂದಿಗೆ ಪ್ರೀತಿಯ ರಸ್ಲರ್ ಗುಣವಾಗಲು ಶುಭ ಕೋರುತ್ತಿದೆ. WWE ಸ್ಟಾರ್ ಬಣವೂ ರೇನ್ಸ್ ಗೆ ತುಂಬು ಮನದ ಹಾರೈಕೆ ನೀಡಿದೆ.