2020ರಲ್ಲಿ ಭಾರತೀಯ ಬ್ಯಾಡ್ಮಿಂಟನ್‌ನಲ್ಲಿನ ಏಳು-ಬೀಳುಗಳು

ಉತ್ತಮ ಆರಂಭ ಸಿಗಲೇಯಿಲ್ಲ

2020ರಲ್ಲಿ ನಡೆದ ಮೊದಲ ಬ್ಯಾಡ್ಮಿಂಟನ್ ಪ್ರಮುಖ ಟೂರ್ನಿಯೆಂದರೆ ಮಲೇಷ್ಯಾ ಓಪನ್. ಇದರಲ್ಲಿ ಭಾರತೀಯ ಪುರುಷ ಆಟಗಾರರಲ್ಲಿ ಯಾವುದೇ ಆಟಗಾರ ದ್ವಿತೀಯ ಸುತ್ತಿಗೂ ಪ್ರವೇಶಿಸಲಿಲ್ಲ. ಇತ್ತ ಮಹಿಳಾ ಸಿಂಗಲ್ಸ್‌ನಲ್ಲಿ ಬ್ಯಾಡ್ಮಿಂಟನ್ ವಿಶ್ವಚಾಂಪಿಯನ್ ಪಿವಿ ಸಿಂಧು ಕೂಡ ಕ್ವಾರ್ಟರ್ ಫೈನಲ್‌ನಲ್ಲಿ ವಿಶ್ವ ನಂ.1 ಆಟಗಾರ್ತಿ ಥೈ ಸು ಯಿಂಗ್ ವಿರುದ್ಧ ಸೋತು ನಿರ್ಗಮಿಸಿದ್ದರು.

ಇಂಡೋನೇಶ್ಯಾದಲ್ಲೂ ಕಳಪೆ ಪ್ರದರ್ಶನ

ಮಲೇಷ್ಯಾ ಓಪನ್‌ ಬಳಿಕ ನಡೆದ ಇಂಡೋನೇಶ್ಯಾ ಮತ್ತು ಥೈಲ್ಯಾಂಡ್ ಓಪನ್ ಟೂರ್ನಿಯಲ್ಲೂ ಭಾರತೀಯರ ಕಳಪೆ ಪ್ರದರ್ಶನ ಮುಂದುವರೆದಿತ್ತು. ಸೈನಾ ನೆಹ್ವಾಲ್ ಮೊದಲನೇ ಸುತ್ತಿನಲ್ಲೇ ಹೊರ ಬಿದ್ದರೆ, ಪಿವಿ ಸಿಂಧು ದ್ವಿತೀಯ ಸುತ್ತಿನಲ್ಲಿ ಹೊರ ಬಿದ್ದಿದ್ದರು. ಅದಾಗಿ ಬಾರ್ಸಿಲೋನಾ ಸ್ಪೇನ್ ಮಾಸ್ಟರ್ಸ್‌ ಟೂರ್ನಿಯಲ್ಲಿ ಭಾರತದ ಅಜಯ್ ಜಯರಾಮ್ ಸೆಮಿಫೈನಲ್‌ವರೆಗೆ ಪ್ರವೇಶಿಸಿದ್ದೇ ದೊಡ್ಡದು.

ರ್‍ಯಾಂಕಿಂಗ್‌ನಲ್ಲೂ ಹಿನ್ನಡೆ

ಭಾರತೀಯ ಬ್ಯಾಡ್ಮಿಂಟನ್ ಆಟಗಾರರು 2020ರಲ್ಲಿ ರ್‍ಯಾಂಕಿಂಗ್‌ನಲ್ಲೂ ಹಿನ್ನಡೆ ಕಂಡಿದ್ದರು. ಬಿ ಸಾಯ್ ಪ್ರಣೀತ್, ಕಿದಂಬಿ ಶ್ರೀಕಾಂತ್, ಪಾರುಪಳ್ಳಿ ಕಶ್ಯಪ್ ಇವರಲ್ಲ 10 ಸ್ಥಾನಕ್ಕಿಂತಲೂ ಕೆಳ ಕುಸಿದಿದ್ದರು. ಪಿವಿ ಸಿಂಧು ಕೂಡ 7ನೇ ಶ್ರೇಯಾಂಕಕ್ಕೆ ಕುಸಿದಿದ್ದರು. ಇನ್ನು ಪುರುಷರ ಡಬಲ್ಸ್‌ನಲ್ಲಿ ಸಾತ್ವಿಕ್ ಸಾಯ್‌ರಾಜ್ ಮತ್ತು ಚಿರಾಜ್‌ ಜೋಡಿ ಡಬಲ್ಸ್‌ನಲ್ಲಿ 10ನೇ ರ್‍ಯಾಂಕ್‌ಗೆ ಬಂದಿದ್ದೇ ದೊಡ್ಡ ಸಾಧನೆ.