ವಿಶೇಷ ದಾಖಲೆ
ಸೇಂಟ್ ಲೂಸಿಯಾ ಪಂದ್ಯದಲ್ಲಿ ಶೆಫಾಲಿ ವರ್ಮಾ 49 ಎಸೆತಗಳಿಗೆ 73 ರನ್ ಸಿಡಿಸಿದರು. ಅಂತಾರಾಷ್ಟ್ರೀಯ ಸ್ಫೋಟಕ ಅರ್ಧ ಶತಕ ಬಾರಿಸಿರುವ ಶೆಫಾಲಿಗೀಗ 15 ವರ್ಷ, 285 ದಿನ ವಯಸ್ಸು. ಹೀಗಾಗಿ ಭಾರತ ಪರ ಅಂತಾರಾಷ್ಟ್ರೀಯ ಅರ್ಧ ಶತಕ ಬಾರಿಸಿದ ಅತೀ ಕಿರಿಯ ಆಟಗಾರ್ತಿಯಾಗಿ ಶೆಫಾಲಿ ದಾಖಲೆ ನಿರ್ಮಿಸಿದ್ದಾರೆ.
ಭಾರತ ಭರ್ಜರಿ ರನ್
ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಭಾರತದ ವನಿತಾ ತಂಡ, ಶೆಫಾಲಿ 73, ಸ್ಮೃತಿ ಮಂಧಾನ 67 (46), ಹರ್ಮನ್ಪ್ರೀತ್ ಕೌರ್ 21, ವೇದಾ ಕೃಷ್ಣಮೂರ್ತಿ 15 ರನ್ನೊಂದಿಗೆ 20 ಓವರ್ಗೆ 4 ವಿಕೆಟ್ ನಷ್ಟದಲ್ಲಿ 185 ರನ್ ಮಾಡಿತು.
30 ವರ್ಷಗಳ ದಾಖಲೆ ಪತನ
ಭಾರತ ಪರ ಅಂತಾರಾಷ್ಟ್ರೀಯ ಅರ್ಧ ಶತಕ ಬಾರಿಸಿದ ಅತೀ ಕಿರಿಯ ಆಟಗಾರ ಎಂಬ ದಾಖಲೆ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಹೆಸರಿನಲ್ಲಿತ್ತು. ತೆಂಡೂಲ್ಕರ್, 1989ರಲ್ಲಿ ಪಾಕಿಸ್ತಾನ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಅರ್ಧ ಶತಕ ಬಾರಿಸಿದ್ದರು. ಅವರಿಗಾಗ 16 ವರ್ಷ, 214 ದಿನ ವಯಸ್ಸಾಗಿತ್ತು.
ಶೆಫಾಲಿ ಪಂದ್ಯಶ್ರೇಷ್ಠೆ
ಗುರಿ ಬೆನ್ನತ್ತಿದ ವೆಸ್ಟ್ ಇಂಡೀಸ್ ವನಿತಾ ತಂಡ, ಹೇಲಿ ಮ್ಯಾಥ್ಯೂಸ್ 13, ಶೆಮೈನ್ ಕ್ಯಾಂಪ್ಬೆಲ್ಲೆ 33, ಚೆಡಿಯನ್ ನೇಷನ್ 10, ಕಿಶೋನಾ ನೈಟ್ 12, ಸ್ಟೇಸಿ-ಆನ್ ಕಿಂಗ್ 13 ರನ್ನೊಂದಿಗೆ 20 ಓವರ್ಗೆ 9 ವಿಕೆಟ್ ನಷ್ಟದಲ್ಲಿ 101 ರನ್ ಪೇರಿಸಲಷ್ಟೇ ಶಕ್ತವಾಯ್ತು. ಶೆಫಾಲಿ ಪಂದ್ಯಶ್ರೇಷ್ಠೆ ಎನಿಸಿದರು.