''ಗುರುವಾರ ಮಾತ್ರ ಸೈಲೆಂಟಾಗಿರು ವಿರಾಟ್'' : ಇಂಗ್ಲೆಂಡ್ ಮಾಜಿ ಆಟಗಾರನ ಅಚ್ಚರಿಯ ಕಾಮೆಂಟ್!

ಸೆಮಿಫೈನಲ್‌ಗೂ ಮುನ್ನ ನೆಟ್ಸ್‌ನಲ್ಲಿ ಭರ್ಜರಿ ಅಭ್ಯಾಸ ನಡೆಸಿರುವ ವಿರಾಟ್

ಗುರುವಾರ ಇಂಗ್ಲೆಂಡ್ ವಿರುದ್ಧ ನಡೆಯಲಿರುವ ಸೆಮಿಫೈನಲ್‌ ಪಂದ್ಯಕ್ಕೂ ಮುನ್ನ ವಿರಾಟ್ ಕೊಹ್ಲಿ ನೆಟ್ಸ್‌ನಲ್ಲಿ ಭರ್ಜರಿ ಅಭ್ಯಾಸ ನಡೆಸಿದರು. ಅಗ್ರೆಸ್ಸಿವ್ ಆಗಿ ಬ್ಯಾಟಿಂಗ್ ಮಾಡಿರುವ ವಿರಾಟ್ ಕೊಹ್ಲಿ ಕ್ರಿಕೆಟ್ ಪುಸ್ತಕದ ಎಲ್ಲಾ ಶಾಟ್‌ಗಳನ್ನ ಅಭ್ಯಾಸ ಮಾಡಿದ್ದಾರೆ. ಕೊಹ್ಲಿ ನೆಟ್ ಪ್ರಾಕ್ಟೀಸ್‌ ಕುರಿತಾಗಿ ಸೂರ್ಯಕುಮಾರ್ ಯಾದವ್, ಅಫ್ಘಾನಿಸ್ತಾನದ ರಶೀದ್ ಖಾನ್‌ ಹಾಗೂ ಇಂಗ್ಲೆಂಡ್ ಮಾಜಿ ಆಟಗಾರ ಕೆವಿನ್ ಪೀಟರ್ಸನ್ ಕಾಮೆಂಟ್ ಮಾಡಿದ್ದಾರೆ.

ಸೂರ್ಯಕುಮಾರ್ ಯಾದವ್, ಕೊಹ್ಲಿಯ ಅಭ್ಯಾಸ ಕಂಡು 'ಅಂಗಾರ್ 'ಎಂದು ಕಾಮೆಂಟ್‌ ಮಾಡಿದ್ದು, ರಶೀದ್ ಖಾನ್ ಕೊಹ್ಲಿ ಬ್ಯಾಟ್‌ನಿಂದ ಬರುತ್ತಿದ್ದ ಸೌಂಡ್ ಕುರಿತಾಗಿ ಹೊಗಳಿದ್ದಾರೆ. ಆದ್ರೆ ಇಂಗ್ಲೆಂಡ್ ಮಾಜಿ ಕ್ರಿಕೆಟಿಗ ಕೆವಿನ್ ಪೀಟರ್ಸನ್‌ ಮಾತ್ರ ವಿಭಿನ್ನವಾಗಿ ಕಾಮೆಂಟ್ ಮಾಡುವ ಮೂಲಕ ಎಲ್ಲರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ಇಂಗ್ಲೆಂಡ್ ವಿರುದ್ಧ ಏಕದಿನ ಸರಣಿಗೆ ಆಸ್ಟ್ರೇಲಿಯಾ ತಂಡ ಪ್ರಕಟ: ಟ್ರಾವಿಸ್ ಹೆಡ್ ಕಂಬ್ಯಾಕ್

ಗುರುವಾರ ಮಾತ್ರ ಸೈಲೆಂಟಾಗಿರು ವಿರಾಟ್ ಎಂದ ಕೆವಿನ್ ಪೀಟರ್ಸನ್

ವಿರಾಟ್ ಕೊಹ್ಲಿ ನನ್ನ ಉತ್ತಮ ಸ್ನೇಹಿತ, ಇತ್ತೀಚೆಗೆ ಕೆಲ ಸಮಯ ಸ್ವಲ್ಪ ಫಾರ್ಮ್‌ನಿಂದ ಹೊರಗುಳಿದಿದ್ದರು. ಆದ್ರೂ ನನ್ನ ಬೆಂಬಲ ಯಾವತ್ತಿಗೂ ಕಮ್ಮಿ ಆಗಿಲ್ಲ. ನಿನಗೆ ಗೊತ್ತು ನಾನು ನಿನ್ನನ್ನು ಇಷ್ಟಪಡುತ್ತೇನೆ ಎಂದು. ಆದ್ರೆ ಗುರುವಾರ ಮಾತ್ರ ನೀನು ಸೈಲೆಂಟಾಗಿರು, ಚಿಲ್ ಆಗಿರು ಎಂದು ಕೆವಿನ್ ಪೀಟರ್ಸನ್ ವಿರಾಟ್ ಕೊಹ್ಲಿ ನೆಟ್ ಪ್ರಾಕ್ಟೀಸ್‌ ವೀಡಿಯೋಗೆ ಕಾಮೆಂಟ್ ಮಾಡಿದ್ದಾರೆ.

ಗುರುವಾರ ಭಾರತ -ಇಂಗ್ಲೆಂಡ್ ಎರಡನೇ ಸೆಮಿಫೈನಲ್ ಪಂದ್ಯದಲ್ಲಿ ಮುಖಾಮುಖಿಯಾಗಲಿವೆ. ಅಡಿಲೇಡ್‌ನಲ್ಲಿ ನಡೆಯಲಿರುವ ಈ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಕೊಹ್ಲಿ ಅಬ್ಬರಿಸದಿರಲಿ ಎಂಬುದು ಇಂಗ್ಲೆಂಡ್ ಮಾಜಿ ಆಟಗಾರನ ಉದ್ದೇಶವಾಗಿದೆ. ಪೀಟರ್ಸನ್ ಮಾಡಿರುವ ಈ ಕಾಮೆಂಟ್ ಸದ್ಯ ಸಾಕಷ್ಟು ವೈರಲ್‌ಗೆ ಕಾರಣವಾಗಿದೆ.

ಸಾನಿಯಾ ಮಿರ್ಜಾ-ಶೋಯೆಬ್ ಮಲಿಕ್ ದಾಂಪತ್ಯದಲ್ಲಿ ಬಿರುಕು? ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಸಾನಿಯಾ ಹೇಳಿದ್ದೇನು?

ವಿರಾಟ್‌ ಕೊಹ್ಲಿಗೆ ತನ್ನ ಖಾಸಗಿ ಬ್ಲಾಗ್‌ನಲ್ಲೂ ಮನವಿ ಮಾಡಿದ ಪೀಟರ್ಸನ್

''ವಿರಾಟ್ ಕೊಹ್ಲಿ ಕೊಂಚ ಫಾರ್ಮ್ ವೈಫಲ್ಯ ಕಂಡಿದ್ದಾಗಲೂ ವಿರಾಟ್ ಕೊಹ್ಲಿಯನ್ನ ನಾನು ಬೆಂಬಲಿಸಿದ್ದೇನೆ. ಆತ ಮನರಂಜನೆ ನೀಡುವ ಆಟಗಾರ, ಆತನಿಗೆ ಅಭಿಮಾನಿಗಳ ಬೆಂಬಲ ಬೇಕಾಗುತ್ತದೆ. ಆತನಿಗೆ ಆಟದ ಬಜ್ ಇರಬೇಕಾಗುತ್ತದೆ. ಆತನಿಗೆ ಎಕ್ಸೈಟ್‌ಮೆಂಟ್ ಬೇಕಾಗಿದೆ. ಕೆಲವು ವರ್ಷಗಳು ಇವೆಲ್ಲವು ಆತನಿಗೆ ಸಿಗಲಿಲ್ಲ. ಹೀಗಾಗಿ ಆತನು ಕೊಂಚ ಫಾರ್ಮ್ ವೈಫಲ್ಯ ಕಂಡಿದ್ದನು. ಆದ್ರೆ ಅಭಿಮಾನಿಗಳು ಸ್ಟೇಡಿಯಂಗೆ ವಾಪಸ್ಸಾಗಿದ್ದಾರೆ. ಅದ್ರಲ್ಲೂ ಆಸ್ಟ್ರೇಲಿಯಾದಲ್ಲಿ ಟಿ20 ವಿಶ್ವಕಪ್ ನಡೆಯುತ್ತಿರುವುದರಿಂದ ಟಿ20 ಕ್ರಿಕೆಟ್‌ ಆಡಲು ಬಹಳ ಒಳ್ಳೆಯ ವಾತಾವರಣವಿದೆ. ಜೊತೆಗೆ ಕಿಂಗ್ ಕೊಹ್ಲಿ ಕೂಡ ಕಂಬ್ಯಾಕ್ ಮಾಡಿದ್ದಾರೆ. ಓರ್ವ ಆತ್ಮೀಯ ಗೆಳೆಯನಾಗಿ, ಆತನ ಕುರಿತಾಗಿ ಖುಷಿಯಿದೆ. ಆದ್ರೆ ಒಂದು ದಿನ ಮಾತ್ರ ಆತ ರನ್‌ಗಳಿಸಬಾರದು'' ಎಂದು ಕೆವಿನ್ ಪೀಟರ್ಸನ್ ತನ್ನ ಖಾಸಗಿ ಬ್ಲಾಗ್‌ ಬೆಟ್‌ವೇನಲ್ಲೂ ಬರೆದುಕೊಂಡಿದ್ದಾರೆ.

ವಿರಾಟ್ ಕೊಹ್ಲಿ ಫಾರ್ಮ್‌ಗೆ ಮರಳಿರುವ ಕುರಿತಾಗಿ ಮತ್ತಷ್ಟು ಮಾತನಾಡಿರುವ ಪೀಟರ್ಸನ್, ಕೊಹ್ಲಿ ಅಬ್ಬರದಿಂದಾಗಿ ಭಾರತದ ಇತರೆ ಆಟಗಾರರು ಮಿಂಚುತ್ತಿದ್ದಾರೆ. ಕೊಹ್ಲಿ ಆಟವು ಇತರೆ ಆಟಗಾರರಿಗೂ ಸ್ಫೂರ್ತಿ ತುಂಬಿದೆ. ಕೊಹ್ಲಿ ಜೊತೆಗೆ ಸೂರ್ಯಕುಮಾರ್ ಯಾದವ್ ಪ್ರಸ್ತುತ ವಿಶ್ವಕಪ್‌ನಲ್ಲಿ ಟೀಂ ಇಂಡಿಯಾ ಪರ ಅಬ್ಬರಿಸುತ್ತಿದ್ದಾರೆ.

ಸೂರ್ಯಕುಮಾರ್ ಪ್ರಸ್ತುತ ಟಿ20 ವಿಶ್ವಕಪ್‌ನಲ್ಲಿ ಅತಿ ಹೆಚ್ಚು ರನ್ ಕಲೆಹಾಕಿದ ಬ್ಯಾಟರ್‌ಗಳಲ್ಲಿ ಮೂರನೇ ಸ್ಥಾನ ಅಲಂಕರಿಸಿದ್ದಾರೆ.