ಆತ ನನ್ನ ಕಣ್ಣಲ್ಲಿ ನೀರು ತರಿಸಿದ: ಭಾರತೀಯನ ನೆನೆದ ಡೇಲ್ ಸ್ಟೇನ್

ಸ್ಟೇನ್ ಆದರ್ಶನ ಎಂದಿದ್ದ ಮಾವಿ

ಪಂದ್ಯದ ಬಳಿಕ ಮಾತನಾಡಿದ್ದ ಮಾವಿ ಸುದ್ದಿಗಾರರ ಬಳಿ, ತನಗೆ ದಕ್ಷಿಣ ಆಫ್ರಿಕಾದ ಮಾರಕ ವೇಗಿ ಡೇಲ್ ಸ್ಟೇನ್ ಆದರ್ಶ ಬೌಲರ್. ಅವರಂತೆ ಬೌಲರ್ ಅನ್ನಿಸಿಕೊಳ್ಳಲು ಆಸೆ ಎಂದಿದ್ದರು. ಇದಕ್ಕೆ ಸ್ಟೇನ್ ಭಾವುಕರಾಗಿ ಪ್ರತಿಕ್ರಿಯಿಸಿದ್ದಾರೆ. ಮಾವಿ ಮಾತುಗಳು ನನ್ನ ಕಣ್ಣಲ್ಲಿ ನೀರು ತರಿಸಿತ್ತು ಎಂದು ಸ್ಟೇನ್ ಹೇಳಿದ್ದಾರೆ.

ನನ್ನ ಕಣ್ಣಲ್ಲಿ ನೀರಾಡಿತ್ತು

'ಪ್ರಮಾಣಿಕವಾಗಿ ಹೇಳೋದಾದ್ರೆ, ಆತನ ಮಾತುಗಳು ಕೇಳಿ ನನ್ನ ಕಣ್ಣಲ್ಲಿ ಬಹುತೇಕ ನೀರಾಡಿತ್ತು. ಪ್ರಪಂಚದಲ್ಲಿ ಎದುರಾಳಿ ದೇಶಗಳ ಜನರಲ್ಲಿ ಪರಿಣಾಮ ಬೀರುತ್ತೇನೆ ಎಂಬ ನಿರೀಕ್ಷೆಯಲ್ಲಿ ನಾನು ಯಾವತ್ತಿಗೂ ಈ ಆಟವನ್ನು ಆಡಿರಲಿಲ್ಲ,' ಎಂದು ಸ್ಟೇನ್ ನುಡಿದಿದ್ದಾರೆ. ಗಾಯಕ್ಕೀಡಾಗಿ ಸುದೀರ್ಘ ಕಾಲ ಸ್ಟೇನ್ ಮೈದಾನದಿಂದ ಹೊರಗಿದ್ದರಾದರೂ ಈಗಲೂ ಸ್ಟೇನ್ ಹೆಸರಿನಲ್ಲಿ ಅನೇಕ ದಾಖಲೆಗಳಿವೆ.

ಸ್ಟೇನ್ ಹೆಸರಲ್ಲಿ ಅದ್ಭುತ ದಾಖಲೆಗಳು

ಆಡಿದ ಕೆಲವೇ ಪಂದ್ಯಗಳಲ್ಲಿ ಸ್ಟೇನ್ ದಾಖಲೆ ಮಟ್ಟದಲ್ಲಿ ವಿಕೆಟ್‌ ಸಾಧನೆ ತೋರಿದ್ದಾರೆ. 93 ಟೆಸ್ಟ್‌ ಪಂದ್ಯಗಳಲ್ಲಿ 439 ವಿಕೆಟ್, 125 ಏಕದಿನ ಪಂದ್ಯಗಳಲ್ಲಿ 196 ವಿಕೆಟ್‌, 47 ಟಿ20ಐ ಪಂದ್ಯಗಳಲ್ಲಿ 64 ವಿಕೆಟ್, 95 ಐಪಿಎಲ್ ಪಂದ್ಯಗಳಲ್ಲಿ 97 ವಿಕೆಟ್ ಗಳಿಸಿದ್ದಾರೆ. ಕಳೆದ ಐಪಿಎಲ್‌ ಸೀಸನ್‌ನಲ್ಲಿ ಸ್ಟೇನ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಆಡಿದ್ದರು. ಈ ಬಾರಿ ಐಪಿಎಲ್‌ನಿಂದ ದೂರ ಉಳಿಯಲು ಸ್ಟೇನ್ ನಿರ್ಧರಿಸಿದ್ದರು.