Click it and Unblock the Notifications
ಶ್ರೀಲಂಕಾ ಪರ ಓಪನರ್ ಆಗಿ ಅತಿ ಹೆಚ್ಚು ರನ್‌ಗಳಿಸಿದ ಆಟಗಾರರು
1) ಸನತ್ ಜಯಸೂರ್ಯ 90 ಪಂದ್ಯಗಳು 152 ಇನ್ನಿಂಗ್ಸ್‌ನಲ್ಲಿ 41.48 ಬ್ಯಾಟಿಂಗ್ ಸರಾಸರಿಯಲ್ಲಿ 5932 ರನ್ ಗಳಿಸಿದ್ದು, 13 ಶತಕ ಮತ್ತು 25 ಅರ್ಧಶತಕ ದಾಖಲಿಸಿದ್ದಾರೆ.
2) ದಿಮುತ್ ಕರುಣರತ್ನೆ 72 ಪಂದ್ಯಗಳು 137 ಇನ್ನಿಂಗ್ಸ್‌ನಲ್ಲಿ 40.71ರ ಬ್ಯಾಟಿಂಗ್ ಸರಾಸರಿಯಲ್ಲಿ 5374 ರನ್‌ಗಳಿಸಿದ್ದು, 13 ಶತಕ ಮತ್ತು 27 ಅರ್ಧಶತಕ ದಾಖಲಿಸಿದ್ದಾರೆ.
3) ಮಾರ್ವನ್ ಅಟಪಟ್ಟು 79 ಪಂದ್ಯಗಳು 136 ಇನ್ನಿಂಗ್ಸ್‌ನಲ್ಲಿ 43.22ರ ಬ್ಯಾಟಿಂಗ್ ಸರಾಸರಿಯಲ್ಲಿ 5317 ರನ್‌ಗಳಿಸಿದ್ದು, 16 ಶತಕ ಮತ್ತು 17 ಅರ್ಧಶತಕ ದಾಖಲಿಸಿದ್ದಾರೆ.
2021ರ ಕ್ಯಾಲೆಂಡರ್ ಇಯರ್‌ನಲ್ಲಿ ಅತಿ ಹೆಚ್ಚು ರನ್
ಪ್ರಸಕ್ತ ಕ್ಯಾಲೆಂಡರ್ ವರ್ಷದಲ್ಲಿ ದಿಮುತ್ ಕರುಣರತ್ನೆ ಅದ್ಭುತವಾಗಿ ಬ್ಯಾಟ್ ಬೀಸಿದ್ದಾರೆ. ಅವರು ಈ ವರ್ಷ ಟೆಸ್ಟ್‌ನಲ್ಲಿ ಅತಿ ಹೆಚ್ಚು ರನ್‌ಕಲೆಹಾಕರಿಉವ ಜೋ ರೂಟ್ (1455) ಮತ್ತು ಭಾರತದ ರೋಹಿತ್ ಶರ್ಮಾ (906) ನಂತರ 854 ರನ್‌ಗಳೊಂದಿಗೆ ಕೇವಲ ಮೂರನೇ ಸ್ಥಾನದಲ್ಲಿದ್ದಾರೆ.
ಈ ವರ್ಷ ಶತಕಗಳ ಬಗ್ಗೆ ನೋಡುವುದಾದ್ರೆ, ಜೋ ರೂಟ್ 6 ಬಾರಿ ಮೂರಂಕಿ ದಾಟಿದ್ರೆ, ಕರುಣರತ್ನೆ 4 ಬಾರಿ ಶತಕ ಗಳಿಸಿದ್ದಾರೆ ಮತ್ತು ಇಂಗ್ಲೆಂಡ್ ನಾಯಕನ ನಂತರ ಎರಡನೇ ಸ್ಥಾನದಲ್ಲಿದ್ದಾರೆ. 2021 ರಲ್ಲಿ ಟೆಸ್ಟ್ ಪಂದ್ಯಗಳಲ್ಲಿ ಏಳು ಬಾರಿ 50+ ಸ್ಕೋರ್‌ಗಳನ್ನು ಸಿಡಿಸಿದ್ದಕ್ಕಾಗಿ ದಿಮುತ್, ಜೋ ರೂಟ್ ಜೊತೆ ಜಂಟಿ ಅಗ್ರಸ್ಥಾನದಲ್ಲಿದ್ದಾರೆ.
ಭಾರತ-ನ್ಯೂಜಿಲೆಂಡ್ ಮೊದಲ ಟೆಸ್ಟ್: ಶುಭ್ಮನ್, ಶ್ರೇಯಸ್, ಜಡ್ಡು ಅರ್ಧಶತಕ, ಮೊದಲ ದಿನಕ್ಕೆ ಭಾರತ 258/4
2021ರಲ್ಲಿ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು 50+ ರನ್‌ಗಳಿಸಿದ ಆಟಗಾರರು
1) ದಿಮುತ್ ಕರುಣರತ್ನೆ 6 ಪಂದ್ಯ 11 ಇನ್ನಿಂಗ್ಸ್‌ನಲ್ಲಿ 77.63ರ ಬ್ಯಾಟಿಂಗ್ ಸರಾಸರಿಯಲ್ಲಿ 854ರನ್ ಕಲೆಹಾಕಿದ್ದು, 4 ಶತಕ ಮತ್ತು 7 ಬಾರಿ 50ಕ್ಕೂ ಅಧಿಕ ರನ್‌ಗಳಿಸಿದ್ದಾರೆ.
2) ಜೋ ರೂಟ್ 12 ಪಂದ್ಯ 23 ಇನ್ನಿಂಗ್ಸ್‌ನಲ್ಲಿ 66.13ರ ಬ್ಯಾಟಿಂಗ್ ಸರಾಸರಿಯಲ್ಲಿ 1455ರನ್ ಕಲೆಹಾಕಿದ್ದು, 6 ಶತಕ ಮತ್ತು 7 ಬಾರಿ 50ಕ್ಕೂ ಅಧಿಕ ರನ್‌ಗಳಿಸಿದ್ದಾರೆ.
3) ರಿಷಭ್ ಪಂತ್ 11 ಪಂದ್ಯ 19 ಇನ್ನಿಂಗ್ಸ್‌ನಲ್ಲಿ 41.52ರ ಬ್ಯಾಟಿಂಗ್ ಸರಾಸರಿಯಲ್ಲಿ 706 ರನ್ ಕಲೆಹಾಕಿದ್ದು, 1 ಶತಕ ಮತ್ತು 6 ಬಾರಿ 50ಕ್ಕೂ ಅಧಿಕ ರನ್ ದಾಖಲಿಸಿದ್ದಾರೆ.
4) ಚೇತೇಶ್ವರ ಪೂಜಾರ 12 ಪಂದ್ಯ 21 ಇನ್ನಿಂಗ್ಸ್‌ನಲ್ಲಿ 30.85ರ ಬ್ಯಾಟಿಂಗ್ ಸರಾಸರಿಯಲ್ಲಿ 612 ರನ್ ಕಲೆಹಾಕಿದ್ದು, 6 ಬಾರಿ 50ಕ್ಕೂ ಅಧಿಕ ರನ್ ದಾಖಲಿಸಿದ್ದಾರೆ.
5) ರೋಹಿತ್ ಶರ್ಮಾ 11 ಪಂದ್ಯ 21 ಇನ್ನಿಂಗ್ಸ್‌ನಲ್ಲಿ 47.68ರ ಬ್ಯಾಟಿಂಗ್ ಸರಾಸರಿಯಲ್ಲಿ 906 ರನ್ ಕಲೆಹಾಕಿದ್ದು, 2 ಶತಕ ಮತ್ತು 6 ಬಾರಿ 50ಕ್ಕೂ ಅಧಿಕ ರನ್‌ಗಳಿಸಿದ್ದಾರೆ.
ಓಪನರ್ ಆಗಿ ಉತ್ತಮ ಬ್ಯಾಟಿಂಗ್ ಸರಾಸರಿ ಹೊಂದಿರುವ ಕರುಣರತ್ನೆ
ಆರಂಭಿಕರಾಗಿ ದಿಮುತ್ ಕರುಣರತ್ನೆ ಅವರು ಕನಿಷ್ಠ 30 ಟೆಸ್ಟ್‌ಗಳನ್ನು ಆಡಿರುವ ಬ್ಯಾಟ್ಸ್‌ಮನ್‌ಗಳ ಪೈಕಿಯ್ಲಿ ಮೂರನೇ ಅತ್ಯುತ್ತಮ ಬ್ಯಾಟಿಂಗ್ ಸರಾಸರಿ (40.71) ಹೊಂದಿದ್ದಾರೆ. ಲಂಕಾದ ಶ್ರೇಷ್ಠರಾದ ಸನತ್ ಜಯಸೂರ್ಯ ಮತ್ತು ಮರ್ವನ್ ಅಟಪಟ್ಟು ಅವರ ನಂತರ ಉತ್ತಮ ಬ್ಯಾಟಿಂಗ್ ಸರಾಸರಿ ಇದೆ.
ಶ್ರೀಲಂಕಾದ ನಾಯಕ ಕೆರಿಬಿಯನ್ ತಂಡದ ವಿರುದ್ಧದ ಎರಡನೇ ಟೆಸ್ಟ್‌ನಲ್ಲೂ ತಮ್ಮ ಅದ್ಭುತ ಫಾರ್ಮ್ ಅನ್ನು ಮುಂದುವರಿಸಲು ಎದುರು ನೋಡುತ್ತಿದ್ದು, ಈ ವರ್ಷವನ್ನ ಉನ್ನತ ಮಟ್ಟದಲ್ಲಿ ಮುಗಿಸಲು ಬಯಸುತ್ತಿದ್ದಾರೆ. ಶ್ರೀಲಂಕಾದ ವೆಸ್ಟ್‌ ಇಂಡೀಸ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ 187 ರನ್‌ಗಳಿಂದ ಜಯಗಳಿಸಿ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದೆ.
