Click it and Unblock the Notifications
1. ಕ್ರಿಸ್ ಗೇಲ್- 30 ಎಸೆತಗಳಲ್ಲಿ 100 ರನ್
ಟಿ20 ಕ್ರಿಕೆಟ್‌ನ ಅತ್ಯಂತ ಸ್ಪೋಟಕ ಆಟಗಾರ ಕ್ರಿಸ್ ಗೇಲ್ ಐಪಿಎಲ್ ಇತಿಹಾಸದ ಸ್ಪೋಟಕ ಶತಕಗಳಿಸಿದ ಪಟ್ಟಿಯಲ್ಲಿ ಮೊದಲ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. 2013ರಲ್ಲಿ ಆರ್‌ಸಿಬಿ ತಂಡದ ಪರವಾಗಿ ಕಣಕ್ಕಿಳಿದಿದ್ದ ಗೇಲ್ ಪುಣೆ ವಾರಿಯರ್ಸ್ ವಿರುದ್ಧ ಕೇವಲ 66 ಎಸೆತಗಳಲ್ಲಿ 175 ರನ್ ಸಿಡಿಸಿದ ದಾಖಲೆ ಬರೆದಿದ್ದಾರೆ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಗೇಲ್ ತಮ್ಮ ಶತಕವನ್ನು ಪೂರೈಸಲು ತೆಗೆದುಕೊಂಡಿದ್ದು ಕೇವಲ 30 ಎಸೆತಗಳನ್ನು ಮಾತ್ರ. 17 ಸಿಕ್ಸರ್ ಹಾಗೂ 13 ಬೌಡರಿಗಳನ್ನು ಬಾರಿಸಿದ್ದರು ಗೇಲ್. ಈ ಪಂದ್ಯದಲ್ಲಿ ಆರ್‌ಸಿಬಿ 263/5 ರನ್ ಗಳಿಸಿತ್ತು. 130 ರನ್‌ಗಳಿಂದ ಈ ಪಂದ್ಯವನ್ನು ಆರ್‌ಸಿಬಿ ಗೆದ್ದುಕೊಂಡಿತ್ತು.
2. ಯೂಸುಫ್ ಪಠಾಣ್- 37 ಎಸೆತಗಳಲ್ಲಿ 100 ರನ್
2010ರ ಆವೃತ್ತಿಯಲ್ಲಿ ಮುಂಬೈ ಇಂಡಿಯನ್ಸ್ 212/6 ರನ್‌ಗಳ ಬೃಹತ್ ಗುರಿಯನ್ನು ರಾಜಸ್ಥಾನ ರಾಯಲ್ಸ್‌ಗೆ ನೀಡಿತ್ತು. ಇದನ್ನು ಬೆನ್ನತ್ತಿದ ಆರ್‌ಆರ್ ತಂಡ 9.2 ಓವರ್‌ಗಳಲ್ಲಿ 66/4 ಗಳಿಸಿ ಕುಂಟುತ್ತಿತ್ತು. ಆದರೆ ಬಳಿಕ ಕಣಕ್ಕಿಳಿದ ಯುಸೂಫ್ ಪಠಾಣ್ ಮೈದಾನದಲ್ಲಿ ಬಿರುಗಾಳಿಯೆಬ್ಬಿಸಿದರು. 37 ಎಸೆತಗಳಲ್ಲಿ ಶತಕವನ್ನು ಗಳಿಸಿದ ಯುಸೂಫ್ ಪಠಾಣ್ ತಂಡವನ್ನು ಗೆಲ್ಲಿಸಲು ಕಠಿಣ ಸಾಹಸ ಮಾಡಿದರಾದರೂ ಕೇವಲ 4 ರನ್‌ಗಳ ಅಂತರದಿಂದ ಶರಣಾಯಿತು.
3. ಡೇವಿಡ್ ಮಿಲ್ಲರ್- 38 ಎಸೆತಗಳಲ್ಲಿ 100 ರನ್
ಕಿಂಗ್ಸ್ XI ಪಂಜಾಬ್ ತಂಡದ ಪರವಾಗಿ ಡೇವಿಡ್ ಮಿಲ್ಲರ್ ಸ್ಪೋಟಕ ಶತಕವನ್ನು ಬಾರಿಸಿ ಮಿಂಚಿದ್ದು 2013ರಲ್ಲಿ. ಆರ್‌ಸಿಬಿ ತಂಡದ ವಿರುದ್ಧ ನಡೆದ ಪಂದ್ಯದಲ್ಲಿ ಡೇವಿಡ್ ಮಿಲ್ಲರ್ ಕೇವಲ 38 ಎಸೆತಗಳಲ್ಲಿ ಶತಕವನ್ನು ಸಿಡಿಸಿದ್ದರು. ಮೊದಲು ಬ್ಯಾಟಿಂಗ್ ಮಾಡಿದ್ದ ಆರ್‌ಸಿಬಿ 190 ರನ್‌ಗಳ ಬೃಹತ್ ಮೊತ್ತವನ್ನು ಪೇರಿಸಿತ್ತು. ಇದಕ್ಕೆ ಪ್ರತಿಯಾಗಿ ಪಂಜಾಬ್ ಮೊದಲ 10 ಓವರ್‌ಗಳಲ್ಲಿ 64 ರನ್‌ಗೆ 4 ವಿಕೆಟ್ ಕಳೆದುಕೊಂಡು ಸೋಲಿನತ್ತ ಮುಖಮಾಡಿತ್ತು. ಆದರೆ ಡೇವಿಡ್ ಮಿಲ್ಲರ್ ಬ್ಯಾಟಿಂಗ್‌ಗೆ ಪಂದ್ಯದ ಪಲಿತಾಂಶವನ್ನೇ ಬದಲಿಸಿ ಬಿಟ್ಟರು. ರಾಜ್‌ಗೋಪಾಲ್ ಸತೀಶ್ ಜೊತೆಗೆ ಸೇರಿಕೊಂಡ ಡೇವಿಡ್ ಮಿಲ್ಲರ್ ಮುಂದಿನ 8 ಓವರ್‌ಗಳಲ್ಲಿ 130 ರನ್ ದೋಚಿದರು. ಇನ್ನೂ ಎರಡು ಓವರ್‌ಗಳು ಉಳಿದಿರುವಂತೆಯೇ ಕಿಂಗ್ಸ್ ಜಯಭೇರಿ ಬಾರಿಸಿತು.
4. ಆಡಂ ಗಿಲ್‌ಕ್ರಿಸ್ಟ್- 42 ಎಸೆತಗಳಲ್ಲಿ 100 ರನ್
ಐಪಿಎಲ್‌ನ ಆರಂಭಿಕ ಆವೃತ್ತಿಯಲ್ಲಿ ಈ ವೇಗದ ಶತಕವನ್ನು ಸಿಡಿಸಿದ ಸಾಧನೆಯನ್ನು ಗಿಲ್‌ಕ್ರಿಸ್ಟ್ ಮಾಡಿದ್ದಾರೆ. ಡಿವೈ ಪಾಟೀಲ್ ಸ್ಟೇಡಿಯಮ್‌ನಲ್ಲಿ ಮುಂಬೈ ಇಂಡಿಯನ್ಸ್ ಹಾಗೂ ಕಿಂಗ್ಸ್ XI ಪಂಜಾಬ್ ತಂಡಗಳ ನಡುವಿನ ಪಂದ್ಯದಲ್ಲಿ ಮುಂಬೈ ಮೊದಲು ಬ್ಯಾಟಿಂಗ್ ಮಾಡಿ ಗಳಿಸಿದ್ದು ನಿಗದಿತ 20 ಓವರ್‌ಗಳಲ್ಲಿ 154/7. ಇದನ್ನು ಬೆನ್ನತ್ತಿದ ಪಂಜಾಬ್ ಗಿಲ್‌ಕ್ರಿಸ್ಟ್ ಅಬ್ಬರದ ಆಟಕ್ಕೆ ಸಾಕ್ಷಿಯಾಯಿತು. 42 ಎಸೆತಗಳಲ್ಲಿ ಗಿಲ್ಲಿ ಶತಕವನ್ನು ಸಿಡಿಸಿದರು. 9 ಬೌಂಡರಿ ಹಾಗೂ 10 ಸಿಕ್ಸರ್ ಸಿಡಿಸಿ 12 ಓವರ್‌ಗಳಲ್ಲಿ 10 ವಿಕೆಟ್‌ಗಳ ಗೆಲುವಿ ದಾಖಲಾಗಲು ಕಾರಣರಾದರು. ಗಿಲ್ಲಿಗೆ ಆರಂಭಿಕರಾಗಿ ಇನ್ನೊಂದು ತುದಿಯಲ್ಲಿ ಸಾಥ್ ನೀಡಿದ ವಿವಿಎಸ್ ಲಕ್ಷ್ಮಣ್ 26 ಎಸೆತಗಳಲ್ಲಿ 37 ರನ್ ಗಳಿಸಿದ್ದರು.
5. ಎಬಿ ಡಿವಿಲಿಯರ್ಸ್- 43 ಎಸೆತಗಳಲ್ಲಿ 100 ರನ್
ಗುಜರಾತ್ ಲಯನ್ಸ್ ತಂಡದ ವಿರುದ್ಧ ವಿರಾಟ್ ಕೊಹ್ಲಿ ಹಾಗೂ ಎಬಿ ಡಿವಿಲಿಯರ್ಸ್ ಶತಕಗಳ ನೆರವಿನಿಂದ ಆರ್‌ಸಿಬಿ 248/3 ರನ್ ಗಳಿಸಿತ್ತು. ಎಬಿಡಿ ಈ ಪಂದ್ಯದಲ್ಲಿ 52 ಎಸತಗಳಲ್ಲಿ 129 ರನ್ ಗಳಿಸಿದರು. ಇದರಲ್ಲಿ 10 ಬೌಂಡರ್ ಹಾಗೂ 12 ಸಿಕ್ಸರ್ ಒಳಗೊಂಡಿತ್ತು. ಈ ಪಂದ್ಯದಲ್ಲಿ ಶತಕವನ್ನು ಪೂರೈಸಲು ಎಬಿಡಿ ತೆಗೆದುಕೊಂಡಿದ್ದು 43 ಎಸೆತಗಳನ್ನು ಮಾತ್ರ. 248.07ರ ಸ್ಟ್ರೈಕ್‌ರೇಟ್‌ನಲ್ಲಿ ಎಬಿಡಿ ಅಬ್ಬರಿಸಿದ್ದರು. ನಾಯಕ ಕೊಹ್ಲಿ ಈ ಪಂದ್ಯದಲ್ಲಿ 55 ಎಸೆತದಲ್ಲಿ 109 ರನ್ ಗಳಿಸಿದರು.
