ಉತ್ತಮ ಪ್ರದರ್ಶನ ನೀಡದ ಜೇಸನ್ ರಾಯ್
ಇಂಗ್ಲೆಂಡ್ನ ಜೇಸನ್ ರಾಯ್ ಅಬುಧಾಬಿ ಟಿ10 2022 ರ ಚಾಂಪಿಯನ್ ತಂಡ ಡೆಕ್ಕನ್ ಗ್ಲಾಡಿಯೇಟರ್ಸ್ ಪರವಾಗಿ ಆಡಿದರು. ಇವರು ಆರಂಭಿಕ ನಾಲ್ಕು ಪಂದ್ಯಗಳಲ್ಲಿ ಮಾತ್ರ ಆಡಿದರು, ನಾಲ್ಕು ಪಂದ್ಯಗಳಲ್ಲಿ ಇವರು 84 ರನ್ ಗಳಿಸಿದರು, ಅವರ ಸ್ಟ್ರೈಕ್ ರೇಟ್ 147.36 ಆಗಿತ್ತು. ಇದು ಕನಿಷ್ಠ 50 ರನ್ ಗಳಿಸಿದ ಡೆಕ್ಕನ್ ಗ್ಲಾಡಿಯೇಟರ್ಸ್ ತಂಡದ ಇತರ ಆಟಗಾರರಿಗಿಂತ ಕಡಿಮೆ.
ಒಂದು ಅರ್ಧಶತಕ ಗಳಿಸಿದ್ದು ಬಿಟ್ಟರೆ ಉಳಿದ ಪಂದ್ಯಗಳಲ್ಲಿ ಅವರಿಂದ ಯಾವುದೇ ಗಮನಾರ್ಹ ಪ್ರದರ್ಶನ ಬರಲಿಲ್ಲ. ಐಪಿಎಲ್ 2023ರ ಹರಾಜಿನಲ್ಲಿ ಅವರು 1.5 ಕೋಟಿ ರುಪಾಯಿ ಮೂಲ ಬೆಲೆ ಹೊಂದಿದ್ದು, ಅವರನ್ನು ಖರೀದಿಸಲು ಫ್ರಾಂಚೈಸಿಗಳು ಆಸಕ್ತಿ ತೋರುವ ಸಾಧ್ಯತೆ ಇಲ್ಲ.
IND Vs BAN: 2ನೇ ಏಕದಿನ ಪಂದ್ಯದಲ್ಲಿ ತಂಡದಲ್ಲಿ ಪ್ರಮುಖ ಬದಲಾವಣೆ ಮಾಡಲು ಮುಂದಾದ ಭಾರತ
ಗಮನ ಸೆಳೆಯದ ಚಮಿಕಾ ಕರುಣಾರತ್ನೆ
ಚಾಮಿಕಾ ಕರುಣಾರತ್ನೆ ಅಬುಧಾಬಿ ಟಿ10 ಲೀಗ್ 2022 ರಲ್ಲಿ ಮೋರಿಸ್ವಿಲ್ಲೆ ಸ್ಯಾಂಪ್ ಆರ್ಮಿ ತಂಡದಲ್ಲಿ ಆಡಿದರು. ಶ್ರೀಲಂಕಾದ ಆಲ್ ರೌಂಡರ್ ಏಳು ಪಂದ್ಯಗಳನ್ನು ಆಡಿದರು, ನಾಲ್ಕು ಇನ್ನಿಂಗ್ಸ್ಗಳಲ್ಲಿ ಕೇವಲ 30 ರನ್ ಗಳಿಸಿದ್ದಾರೆ.
8.1 ಓವರ್ ಬೌಲ್ ಮಾಡಿರುವ ಕರುಣಾರತ್ನೆ 11.75ರ ಎಕಾನಮಿ ದರದಲ್ಲಿ ರನ್ ಬಿಟ್ಟುಕೊಟ್ಟು ಕೇವಲ 3 ವಿಕೆಟ್ ಪಡೆದರು. 2022ರ ಐಪಿಎಲ್ನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದಲ್ಲಿದ್ದ ಅವರನ್ನು ಈ ಬಾರಿ ಬಿಡುಗಡೆ ಮಾಡಲಾಗಿದೆ. ಮಿನಿ ಹರಾಜಿನಲ್ಲಿ ಅವರನ್ನು ಫ್ರಾಂಚೈಸಿಗಳು ಖರೀದಿಸುವ ಸಾಧ್ಯತೆ ಕಡಿಮೆ.
ನಿರೀಕ್ಷಿತ ಪ್ರದರ್ಶನ ನೀಡದ ಕೆನ್ನಾರ್ ಲೆವಿಸ್
ಟಿ10 ಲೀಗ್ 2022 ರಲ್ಲಿ ನಾರ್ದರ್ನ್ ವಾರಿಯರ್ಸ್ ತಂಡದ ಪರವಾಗಿ ಆಡಿದ್ದ ಕೆನ್ನಾರ್ ಲೆವಿಸ್ ನಿರೀಕ್ಷಿತ ಪ್ರದರ್ಶನ ನೀಡಲಿಲ್ಲ. ಸ್ಫೋಟಕ ಆಟಗಾರ ಎನಿಸಿಕೊಂಡಿರುವ ಲೆವಿಸ್ ಟಿ10 ಲೀಗ್ನಲ್ಲಿ ಆರು ಇನ್ನಿಂಗ್ಸ್ಗಳಲ್ಲಿ ಕೇವಲ 41 ರನ್ ಗಳಿಸಿ ನಿರಾಸೆ ಮೂಡಿಸಿದ್ದಾರೆ. ಟಿ10 ಮಾದರಿಯಲ್ಲಿ ಅವರ ಸ್ಟ್ರೈಕ್ರೇಟ್ 110.81 ಸಾಕಷ್ಟು ಕೆಟ್ಟದಾಗಿದೆ.
ಅವರ ಇತ್ತೀಚಿನ ಫಾರ್ಮ್ ಅನ್ನು ಗಮನಿಸಿದರೆ ಯಾವುದೇ ತಂಡ ಕೂಡ ಅವರನ್ನು ಸೇರಿಸಿಕೊಳ್ಳಲು ಆಸಕ್ತಿ ತೋರುವುದಿಲ್ಲ.
ಕಾಲಿನ್ ಮುನ್ರೊ ಫ್ಲಾಪ್ ಶೋ
ಬಾಂಗ್ಲಾ ಟೈಗರ್ಸ್ ನ್ಯೂಯಾರ್ಕ್ ಸ್ಟ್ರೈಕರ್ಸ್ ವಿರುದ್ಧ ಗೆಲುವಿನೊಂದಿಗೆ ತನ್ನ ಪಂದ್ಯಾವಳಿಯನ್ನು ಪ್ರಾರಂಭಿಸಿತು, ಆದರೆ ಅವರು ನಿರೀಕ್ಷಿತ ಪ್ರದರ್ಶನ ನೀಡಲಿಲ್ಲ. ಪಾಯಿಂಟ್ ಪಟ್ಟಿಯಲ್ಲಿ ಅಗ್ರ 4 ರಲ್ಲಿ ಸ್ಥಾನ ಪಡೆಯುವಲ್ಲಿ ಬಾಂಗ್ಲಾಟೈಗರ್ಸ್ ವಿಫಲವಾಯಿತು. ಬಾಂಗ್ಲಾಟೈಗರ್ಸ್ನ ಅನುಭವಿ ಆಟಗಾರ ಕಾಲಿನ್ ಮುನ್ರೋ ಪಂದ್ಯಾವಳಿಯಲ್ಲಿ ನಿರಾಶದಾಯಕ ಪ್ರದರ್ಶನ ನೀಡಿದರು.
ನ್ಯೂಜಿಲೆಂಡ್ ಆಟಗಾರ ಕಾಲಿನ್ ಮುನ್ರೋ 7 ಪಂದ್ಯಗಳಲ್ಲಿ 140 ಸ್ಟ್ರೈಕ್ ರೇಟ್ನಲ್ಲಿ 78 ರನ್ ಮಾತ್ರ ಗಳಿಸಿದರು. ಟಿ10 ಲೀಗ್ನಲ್ಲಿ ಅವರ ನಿರಾಶದಾಯಕ ಪ್ರದರ್ಶನ ಅವರನ್ನು ಐಪಿಎಲ್ ಹರಾಜಿನ ರೇಸ್ನಿಂದ ದೂರವಿಡಬಹುದು.
ನಿರೀಕ್ಷಿತ ಪ್ರದರ್ಶನ ನೀಡದ ಡೇವಿಡ್ ಮಲನ್
ಅಬುಧಾಬಿ ಟಿ10 ಲೀಗ್ನಲ್ಲಿ ನಿರೀಕ್ಷಿತ ಪ್ರದರ್ಶನ ನೀಡುವಲ್ಲಿ ವಿಫಲರಾದರು. ಆರು ಪಂದ್ಯಗಳನ್ನಾಡಿದ ಅವರು 135.48 ಸ್ಟ್ರೈಕ್ರೇಟ್ನಲ್ಲಿ ಕೇವಲ 84 ರನ್ ಮಾತ್ರ ಗಳಿಸಿದರು.
ಐಪಿಎಲ್ ಮಿನಿ ಹರಾಜಿನಲ್ಲಿ ಇಂಗ್ಲೆಂಡ್ ಆಲ್ರೌಂಡರ್ ತಮ್ಮ ಮೂಲಬೆಲೆಯಲ್ಲಿ 1.5 ಕೋಟಿ ರುಪಾಯಿಗೆ ನಿಗದಿಪಡಿಸಿದ್ದಾರೆ. ಅವರು ಟಿ10 ಲೀಗ್ನಲ್ಲಿ ನೀಡಿದ ಪ್ರದರ್ಶನವನ್ನು ಎಲ್ಲಾ ಫ್ರಾಂಚೈಸಿಗಳು ಗಮನಿಸಿವೆ. ಯಾವುದೇ ಫ್ರಾಂಚೈಸಿ ಇಂಗ್ಲಿಷ್ ಆಟಗಾರನಿಗೆ ಮಣೆ ಹಾಕುವ ಸಾಧ್ಯತೆ ಇಲ್ಲ.