ಶತಕ ಬಾರಿಸದವರು ಕೊಹ್ಲಿ ಬಗ್ಗೆ ಮಾತನಾಡಲೇಬಾರದು ; ಇಂಗ್ಲೆಂಡ್ ಮಾಜಿ ಕ್ರಿಕೆಟಿಗನಿಗೆ ಸಲ್ಮಾನ್ ಬಟ್ ಟಾಂಗ್

ಕೊಹ್ಲಿ 70 ಶತಕಗಳನ್ನು ಸಿಡಿಸಿದ್ದಾರೆ

'ವಿರಾಟ್ ಕೊಹ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‍ನಲ್ಲಿ 70 ಶತಕಗಳನ್ನು ಸಿಡಿಸಿ ಮಿಂಚಿದ್ದಾರೆ. ಪ್ರಸ್ತುತ ಕ್ರಿಕೆಟ್ ಯುಗದಲ್ಲಿ ಇಷ್ಟು ದೊಡ್ಡ ಮಟ್ಟದ ಶತಕಗಳನ್ನು ಯಾವ ಆಟಗಾರನಿಗೂ ಸಹ ಬಾರಿಸಲಾಗುತ್ತಿಲ್ಲ. ಇಂತಹ ಆಟಗಾರನ ಜೊತೆ ಇತರೆ ಆಟಗಾರರನ್ನು ಹೋಲಿಕೆ ಮಾಡಿದ ಮೈಕಲ್ ವಾನ್ ಏಕದಿನ ಪಂದ್ಯಗಳಲ್ಲಿ ಒಂದೇ ಒಂದು ಶತಕವನ್ನೂ ಬಾರಿಸಿಲ್ಲ. ಹೀಗಾಗಿ ಏಕದಿನ ಕ್ರಿಕೆಟ್‍ನಲ್ಲಿ ಶತಕವನ್ನೇ ಬಾರಿಸದ ಮೈಕಲ್ ವಾನ್ ಅವರು ವಿರಾಟ್ ಕೊಹ್ಲಿ ಜೊತೆ ಬೇರೆ ಆಟಗಾರರನ್ನು ಹೋಲಿಸಿ ಮಾತನಾಡುವುದು ಸರಿಯಲ್ಲ' ಎಂದು ಸಲ್ಮಾನ್ ಬಟ್ ತಿಳಿಸಿದರು

ವಿರಾಟ್ ಕೊಹ್ಲಿ ದೊಡ್ಡ ದೇಶದ ಆಟಗಾರ

ಭಾರತ ಒಂದು ದೊಡ್ಡ ದೇಶ, ದೊಡ್ಡ ಮಟ್ಟದಲ್ಲಿ ಕ್ರಿಕೆಟ್ ಅಭಿಮಾನಿಗಳನ್ನು ಹೊಂದಿರುವಂತಹ ದೇಶ. ಹೀಗಿರುವಾಗ ವಿರಾಟ್ ಕೊಹ್ಲಿಯಂತಹ ಅತ್ಯುತ್ತಮ ಆಟಗಾರನಿಗೆ ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಮಟ್ಟದ ಅಭಿಮಾನ ಬಳಗ ಇರಲೇಬೇಕು ಎಂದು ಸಲ್ಮಾನ್ ಬಟ್ ತಿಳಿಸಿದ್ದಾರೆ.

ಕೊಹ್ಲಿ ಒಬ್ಬ ಅತ್ಯದ್ಭುತ ಚೇಸರ್

ವಿರಾಟ್ ಕೊಹ್ಲಿ ನಾಯಕನಾಗಿ ಮಾತ್ರವಲ್ಲದೆ ಓರ್ವ ಬ್ಯಾಟ್ಸ್‌ಮನ್‌ ಆಗಿ ಟೀಮ್ ಇಂಡಿಯಾಗೆ ಹಲವಾರು ಪಂದ್ಯಗಳನ್ನು ಗೆಲ್ಲಿಸಿಕೊಟ್ಟಿದ್ದಾರೆ. ಅದರಲ್ಲಿಯೂ ವಿಶೇಷವಾಗಿ ಚೇಸಿಂಗ್ ಪಂದ್ಯಗಳಲ್ಲಿ ವಿರಾಟ್ ಕೊಹ್ಲಿ ಅವರ ಪ್ರದರ್ಶನ ಅತ್ಯದ್ಭುತ, ವಿರಾಟ್ ಕೊಹ್ಲಿ ರೀತಿ ಪ್ರಸ್ತುತ ಬೇರೆ ಯಾವ ಆಟಗಾರನೂ ಸಹ ಪ್ರದರ್ಶನವನ್ನು ನೀಡಲಾಗುವುದಿಲ್ಲ ಎಂದು ಸಲ್ಮಾನ್ ಬಟ್ ಹೇಳಿದ್ದಾರೆ.

ವಿಲಿಯಮ್ಸನ್ ಕೂಡ ಅತ್ಯದ್ಭುತ ನಾಯಕ

ವಿಲಿಯಮ್ಸನ್ ಕೂಡ ಓರ್ವ ಅತ್ಯದ್ಭುತ ಆಟಗಾರ ಮತ್ತು ನಾಯಕ. ಓರ್ವ ನಾಯಕನಾಗಿ ವಿಲಿಯಮ್ಸನ್ ಯಶಸ್ವಿಯಾಗಿರಬಹುದು, ಆದರೆ ಮೈಕಲ್ ವಾನ್ ನಾಯಕತ್ವದ ಕುರಿತು ಮಾತನಾಡದೆ ಇಬ್ಬರೂ ಆಟಗಾರರ ಆಟದ ಕುರಿತು ಮಾತನಾಡಿದ್ದಾರೆ. ಓರ್ವ ಆಟಗಾರನಾಗಿ ವಿರಾಟ್ ಕೊಹ್ಲಿ ಅತ್ಯದ್ಭುತ ಹಾಗೂ ಮೈಕಲ್ ವಾನ್ ಅವರ ಈ ಹೋಲಿಕೆ ನಿಜಕ್ಕೂ ಸರಿಯಾದದ್ದಲ್ಲ ಎಂದು ಸಲ್ಮಾನ್ ಬಟ್ ಆಕ್ಷೇಪ ವ್ಯಕ್ತಪಡಿಸಿದರು.