Aus Vs Eng T20: ರನ್ ಗಳಿಸದಿದ್ದರೂ ಈ ಆಟಗಾರ ತಂಡದಲ್ಲಿರಬೇಕು ಎಂದ ಮೊಯಿನ್ ಅಲಿ

ಸ್ಟೋಕ್ಸ್ ಬೆಂಬಲಿಸಿದ ಮೊಯಿನ್ ಅಲಿ

ಬ್ಯಾಟಿಂಗ್‌ನಲ್ಲಿ ಉತ್ತಮ ಪ್ರದರ್ಶನ ನೀಡದಿದ್ದರೂ ಮೊಯಿನ್ ಅಲಿ, ಬೆನ್‌ಸ್ಟೋಕ್ಸ್ ಬೆಂಬಲಿಸಿದ್ದಾರೆ. ಆತ ದೊಡ್ಡ ಪಂದ್ಯಗಳಲ್ಲಿ ರನ್ ಗಳಿಸುವ ಸಾಮರ್ಥ್ಯ ಹೊಂದಿರುವ ಆಟಗಾರ ಎಂದು ಹೇಳಿದ್ದಾರೆ.

"ದೊಡ್ಡ ಪಂದ್ಯಗಳು ಬಂದಾಗ, ಅವರು ರನ್ ಗಳಿಸುತ್ತಾರೆ ಮತ್ತು ನಿಮ್ಮ ಮುಖ್ಯ ಆಟಗಾರರಿಂದ ನೀವು ಬಯಸುವುದು ಅದನ್ನೇ. ಮುಂದಿನ ಎರಡು ಪಂದ್ಯಗಳಲ್ಲಿ ಬೆನ್ ಯಾವುದೇ ರನ್ ಗಳಿಸದಿದ್ದರೂ ನಾನು ಹೆದರುವುದಿಲ್ಲ. ವಿಶ್ವಕಪ್ ಪಂದ್ಯಗಳಲ್ಲಿ ಆತ ಉತ್ತಮವಾಗಿ ಆಡುತ್ತಾನೆ ಎಂದು ನನಗೆ ಖಾತ್ರಿಯಿದೆ. ರನ್ ಗಳಿಸದಿದ್ದರೂ ಸಹ, ಬೆನ್ ಸ್ಟೋಕ್ಸ್ ತಂಡದಲ್ಲಿ ಹೊಂದಲು ಉತ್ತಮ ಆಟಗಾರರಾಗಿದ್ದಾರೆ." ಎಂದು ಹೇಳಿದ್ದಾರೆ.

T20 World Cup: ಈ ಬೌಲರ್ ವಿರುದ್ಧ ಟೀಂ ಇಂಡಿಯಾ ಬ್ಯಾಟರ್ ರನ್ ಗಳಿಸಬೇಕು ಎಂದ ಗೌತಮ್ ಗಂಭೀರ್

ಬೌಲಿಂಗ್, ಫೀಲ್ಡಿಂಗ್‌ನಲ್ಲಿ ಮಿಂಚಿದ ಸ್ಟೋಕ್ಸ್

ಬೆನ್ ಸ್ಟೋಕ್ಸ್ ರನ್ ಗಳಿಸದಿದ್ದರೂ ತಂಡಕ್ಕೆ ಕೊಡುಗೆಗಳನ್ನು ನೀಡುವ ಆಟಗಾರ. ಎರಡನೇ ಟಿ20 ಪಂದ್ಯದಲ್ಲಿ ಉತ್ತಮವಾಗಿ ಬೌಲಿಂಗ್ ಮಾಡಿದರು. ಆತ ಫೀಲ್ಡಿಂಗ್‌ನಲ್ಲಿ ಕೂಡ ಅದ್ಭುತವಾಗಿದ್ದಾನೆ. ಆತ ತಂಡದಲ್ಲಿ ಇರುವುದು ಯಾವಾಗಲೂ ಅನುಕೂಲಕರ ಎಂದು ಮೊಯಿನ್ ಅಲಿ ಹೇಳಿದರು.

ಪರ್ತ್ ಮತ್ತು ಕ್ಯಾನ್‌ಬೆರಾದಲ್ಲಿ ನಡೆದ ಮೊದಲ ಎರಡು ಟಿ20 ಪಂದ್ಯಗಳಲ್ಲಿ ಗೆದ್ದಿರುವ ಇಂಗ್ಲೆಂಡ್ ಈಗಾಗಲೇ ಮೂರು ಪಂದ್ಯಗಳ ಸರಣಿಯಲ್ಲಿ ಆತಿಥೇಯರ ವಿರುದ್ಧ 2-0 ಮುನ್ನಡೆ ಸಾಧಿಸಿದೆ.

ನಾಯಕತ್ವದ ಬಗ್ಗೆ ಟೀಕೆಗೆ ಉತ್ತರ ನೀಡಿದ ಬಟ್ಲರ್

ಈ ವರ್ಷದ ಆರಂಭದಲ್ಲಿ ಇಯಾನ್ ಮಾರ್ಗನ್ ಅಂತರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತರಾದ ನಂತರ ಸೀಮಿತ ಓವರ್ ಮಾದರಿಯಲ್ಲಿ ಇಂಗ್ಲೆಂಡ್‌ ತಂಡವನ್ನು ಮುನ್ನಡೆಸುವ ಜವಾಬ್ದಾರಿಯನ್ನು ಜೋಸ್ ಬಟ್ಲರ್‌ ಹೊತ್ತಿದ್ದಾರೆ. ಭಾರತ ಮತ್ತು ದಕ್ಷಿಣ ಆಫ್ರಿಕಾ ವಿರುದ್ಧ ತವರಿನಲ್ಲಿ ಸತತ ಸೋಲಿನ ನಂತರ ಅವರ ನಾಯಕತ್ವದ ಬಗ್ಗೆ ಸಾಕಷ್ಟು ಟೀಕೆಗಳು ವ್ಯಕ್ತವಾಗಿದ್ದವು.

ಆದರೂ, ಆಸ್ಟ್ರೇಲಿಯಾ ವಿರುದ್ಧದ ಸರಣಿಯಲ್ಲಿ ಮೊದಲ ಎರಡು ಪಂದ್ಯಗಳಲ್ಲಿ ಬಟ್ಲರ್ ನಾಯಕತ್ವದಲ್ಲಿ ಇಂಗ್ಲೆಂಡ್ ತಂಡ ಗೆಲುವು ಸಾಧಿಸುವ ಮೂಲಕ ಆತ್ಮವಿಶ್ವಾಸವನ್ನು ಹೆಚ್ಚಿಸಿಕೊಂಡಿದೆ.

ಜೋಸ್ ಬಟ್ಲರ್ ನಾಯಕತ್ವಕ್ಕೆ ಮೆಚ್ಚುಗೆ

ಜೋಸ್ ಬಟ್ಲರ್ ಅದ್ಭುತ ಕ್ರಿಕೆಟ್ ಜ್ಞಾನವನ್ನು ಹೊಂದಿದ್ದಾರೆ. ಅವರು ನಾಯಕನಾಗಿ ಬಹಳ ಮುಕ್ತ ಮನಸ್ಸಿನವರು, ಯಾವಾಗಲೂ ವಿಭಿನ್ನವಾಗಿ ಯೋಚಿಸುತ್ತಾರೆ ಎಂದು ಮೊಯಿನ್ ಅಲಿ ಬಟ್ಲರ್ ನಾಯಕತ್ವನ್ನು ಹೊಗಳಿದ್ದಾರೆ.

"ಅವರು ಕಠಿಣ ಆಟಗಳಲ್ಲಿ ಅಸಾಧಾರಣವಾಗಿ ಉತ್ತಮ ನಾಯಕತ್ವ ವಹಿಸಿದ್ದಾರೆ, ಆಸ್ಟ್ರೇಲಿಯಾದಲ್ಲಿ ಈಗಾಗಲೇ ಎರಡು ಬಾರಿ ರಕ್ಷಿಸಲು ಅವರಿಗೆ ಮತ್ತು ತಂಡಕ್ಕೆ ಉತ್ತಮವಾಗಿದೆ." ಎಂದು ಹೇಳಿದರು.