ಬೆಂಗಳೂರು, ಜುಲೈ 29: ಟಿ20 ಕ್ರಿಕೆಟ್ ನ ದೈತ್ಯ ಬ್ಯಾಟ್ಸ್ ಮನ್ ಕ್ರಿಸ್ ಗೇಲ್ ಅವರು ಏಕದಿನ ಕ್ರಿಕೆಟ್ ನಲ್ಲಿ ಹೊಸ ಸಾಧನೆ ಮಾಡಿದ್ದಾರೆ. ಆದರೆ, ಬಾಂಗ್ಲಾದೇಶ ವಿರುದ್ಧ ಸರಣಿ ಉಳಿಸಿಕೊಳ್ಳಲು ವೆಸ್ಟ್ ಇಂಡೀಸ್ ಗೆ ಸಾಧ್ಯವಾಗಲಿಲ್ಲ.
ಬಾಂಗ್ಲಾದೇಶದ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ ಗೇಲ್ ಅವರು 5 ಸಿಕ್ಸರ್ ಸಿಡಿಸಿದರು. ಈ ಮೂಲಕ ಏಕದಿನ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಸಿಕ್ಸರ್ ಗಳಿಸಿರುವ ಆಟಗಾರರ ಪೈಕಿ ಗೇಲ್ ಈಗ ನಂ.2 ಸ್ಥಾನಕ್ಕೇರಿದ್ದಾರೆ.
ಗೇಲ್ ಈ ಪಂದ್ಯಕ್ಕೂ ಮುನ್ನ 270 ಸಿಕ್ಸರ್ ಗಳಿಸಿ ಈ ಪಟ್ಟಿಯಲ್ಲಿ 3 ನೇ ಸ್ಥಾನದಲ್ಲಿದ್ದರು. ಈಗ ಗೇಲ್ ಅವರು 275 ಸಿಕ್ಸ್ ಗಳಿಸಿದ್ದಾರೆ. ಶ್ರೀಲಂಕಾದ ಸನತ್ ಜಯಸೂರ್ಯ (270) ಅವರು ಈ ಮೂಲಕ ಮೂರನೇ ಸ್ಥಾನಕ್ಕೆ ದೂಡಲ್ಪಟ್ಟಿದ್ದಾರೆ.
Despite a valiant effort from Rovman Powell, who smashed 74 off just 41 balls, Windies fall 18 runs short against Bangladesh, with the latter claiming a first away ODI series win since 2009!
— ICC (@ICC) July 28, 2018
Congratulations @BCBtigers!#WIvBAN SCORECARD 👇https://t.co/cQLN00fGL0 pic.twitter.com/Mr5xICy6cx
ಅತಿ ಹೆಚ್ಚು ಸಿಕ್ಸರ್ ಗಳಿಕೆಯಲ್ಲಿ ಪಾಕಿಸ್ತಾನದ ಆಲ್ರೌಂಡರ್ ಶಾಹಿದ್ ಆಫ್ರಿದಿ ಮೊದಲ ಸ್ಥಾನದಲ್ಲಿದ್ದಾರೆ. ಆಫ್ರಿದಿ 351 ಸಿಕ್ಸರ್ ಬಾರಿಸಿದ್ದಾರೆ. ನಾಲ್ಕನೇ ಸ್ಥಾನದಲ್ಲಿ ಭಾರತ ತಂಡದ ಮಾಜಿ ನಾಯಕ ಧೋನಿ(217), 5 ನೇಸ್ಥಾನದಲ್ಲಿ ದಕ್ಷಿಣ ಆಫ್ರಿಕಾದ ಎ ಬಿಡಿ ವಿಲಿಯರ್ಸ್(204) ಇದ್ದಾರೆ.
ಟಾಪ್ 5 ಅತ್ಯಧಿಕ ಸಿಕ್ಸ್ ಗಳಿಸಿರುವ ಆಟಗಾರರು:
* 315: ಶಾಹೀದ್ ಅಫ್ರಿದಿ(ಪಾಕಿಸ್ತಾನ)
* 275 : ಕ್ರಿಸ್ ಗೇಲ್ (ವೆಸ್ಟ್ ಇಂಡೀಸ್)
* 270: ಸನತ್ ಜಯಸೂರ್ಯ (ಶ್ರೀಲಂಕಾ)
* 217: ಎಂಎಸ್ ಧೋನಿ (ಭಾರತ)
*204 : ಎಬಿ ಡಿ ವಿಲಿಯರ್ಸ್ (ದಕ್ಷಿಣ ಆಫ್ರಿಕಾ)