RSWS 2022: ಸಚಿನ್ vs ಬ್ರೇಟ್ ಲೀ ಕದನಕ್ಕೆ ವೇದಿಕೆ ಸಿದ್ಧ: ರೋಚಕ ಘಟ್ಟದಲ್ಲಿ ದಿಗ್ಗಜರ ಸೆಣೆಸಾಟ

ಕುತೂಹಲ ಕೆರಳಿಸಿದ ದಿಗ್ಗಜರ ಮುಖಾಮುಖಿ

ಆಸ್ಟ್ರೇಲಿಯಾ ಹಾಗೂ ಭಾರತ ತಂಡಗಳ ನಡುವಿನ ಕದನ ಕ್ರಿಕೆಟ್ ಅಂಗಳದಲ್ಲಿ ಯಾವತ್ತಿಗೂ ರೋಚಕವಾಗಿರುತ್ತದೆ ಎಂಬುದರಲ್ಲಿ ಅನುಮಾನವಿಲ್ಲ. ಇನ್ನು ದಿಗ್ಗಜರ ಸೆಣೆಸಾಟದಲ್ಲಿಯೂ ಇದು ಮುಂದುವರಿದಿದೆ. ಎರಡು ತಂಡ ಕೂಡ ಬಲಾಢ್ಯ ಆಟಗಾರರ ಪಡೆಯನ್ನು ಹೊಂದಿರುವ ಕಾರಣ ಈ ಕದನ ಸಾಕಷ್ಟು ಕುತೂಹಲ ಮೂಡಿಸಿದೆ. ಅದರಲ್ಲೂ ಇಂಡಿಯಾ ಲೆಜೆಂಡ್ಸ್ ತಂಡದ ನಾಯಕ ಸಚಿನ್ ತೆಂಡೂಲ್ಕರ್ ಹಾಗೂ ಆಸ್ಟ್ರೇಲಿಯಾ ಲೆಜೆಂಡ್ಸ್ ತಂಡದ ವೇಗಿ ಬ್ರೇಟ್ ಲಿ ನಡುವಿನ ಮುಖಾಮುಖಿ ಕ್ರಿಕೆಟ್ ಅಭಿಮಾನಿಗಳಿಗೆ ರಸದೌತಣವನ್ನು ನೀಡುವುದರಲ್ಲಿ ಅನುಮಾನವಿಲ್ಲ.

ಉತ್ತಮ ಫಾರ್ಮ್‌ನಲ್ಲಿದ್ದಾರೆ ಭಾರತದ ದಿಗ್ಗಜರು

ಇನ್ನು ಈ ಬಾರಿಯ ಟೂರ್ನಿಯಲ್ಲಿ ಭಾರತದ ಪಂದ್ಯಗಳು ಹೆಚ್ಚಾಗಿ ಮಳೆಗೆ ಆಹುತಿಯಾಗಿರುವುದು ನಿರಾಸೆ ಮೂಡಿಸಿದೆ. ಕೇವಲ ಎರಡು ಪಂದ್ಯಗಳು ಮಾತ್ರವೇ ಫಲಿತಾಂಶವನ್ನು ಪಡೆದುಕೊಳ್ಳಲು ಸಾಧ್ಯವಾಗಿರುವುದು ವಿಪರ್ಯಾಸ. ಆದರೆ ಈ ಎರಡು ಪಂದ್ಯಗಳು ಮಾತ್ರ ಅಭಿಮಾನಿಗಳಿಗೆ ಭರಪೂರ ಮನರಂಜನೆ ಒದಗಿಸಿದೆ. ದಕ್ಷಿಣ ಆಫ್ರಿಕಾ ಲೆಜೆಂಡ್ಸ್ ಹಾಗೂ ಇಂಗ್ಲೆಂಡ್ ಲೆಜೆಂಡ್ಸ್ ವಿರುದ್ಧ ಸಚಿನ್ ಪಡೆ ಗೆಲುವು ಸಾಧಿಸಿದೆ. ಈ ಪಂದ್ಯಗಳಲ್ಲಿ ಸಚಿನ್ ತೆಂಡೂಲ್ಕರ್, ಸ್ಟುವರ್ಟ್ ಬಿನ್ನಿ, ಯುವರಾಜ್ ಸಿಂಗ್ ಮತ್ತು ಪಠಾಣ್ ಸೋದರರು ಉತ್ತಮ ಪ್ರದರ್ಶನ ನೀಡಿ ಮಿಂಚಿದ್ದಾರೆ.

ಸಂಭಾವ್ಯ ಆಡುವ ಬಳಗ

ಇಂಡಿಯಾ ಲೆಜೆಂಡ್ಸ್: ಸಚಿನ್ ತೆಂಡೂಲ್ಕರ್, ನಮನ್ ಓಜಾ, ಸುರೇಶ್ ರೈನಾ, ಯೂಸುಫ್ ಪಠಾಣ್, ಯುವರಾಜ್ ಸಿಂಗ್, ಸ್ಟುವರ್ಟ್ ಬಿನ್ನಿ, ಇರ್ಫಾನ್ ಪಠಾಣ್, ಮನ್‌ಪ್ರೀತ್ ಗೋನಿ, ಪ್ರಗ್ಯಾನ್ ಓಜಾ, ಆರ್ ಪವಾರ್, ರಾಹುಲ್ ಶರ್ಮಾ
ಆಸ್ಟ್ರೇಲಿಯಾ ಲೆಜೆಂಡ್ಸ್: ಶೇನ್ ವ್ಯಾಟ್ಸನ್, ಅಲೆಕ್ಸ್ ಡೂಲನ್, ಬೆನ್ ಡಂಕ್, ಕ್ಯಾಲಮ್ ಫರ್ಗುಸನ್, ನಾಥನ್ ರಿಯರ್ಡನ್, ಬ್ರಾಡ್ ಹ್ಯಾಡಿನ್, ಬ್ರಾಡ್ ಹಾಡ್ಜ್, ಜೇಸನ್ ಕ್ರೆಜಾ, ಚಾಡ್ ಸೇಯರ್ಸ್, ಡಿರ್ಕ್ ನ್ಯಾನೆಸ್, ಬ್ರೈಸ್ ಮೆಕ್‌ಗೇನ್