ಐಪಿಎಲ್‌ನಲ್ಲಿ ಬ್ರೆಂಡನ್‌ ಮೆಕಲಮ್ ಸ್ಫೋಟಕ ಬ್ಯಾಟಿಂಗ್ ನಡೆಸಿದ್ದು ಇದೇ ದಿನ!

ಮೆಕಲಮ್ ಸ್ಫೋಟಕ ಬ್ಯಾಟಿಂಗ್

ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಅದ್ದೂರಿ ಕ್ರಿಕೆಟ್‌ ಹಬ್ಬ ಐಪಿಎಲ್‌ನ ಆರಂಭಿಕ ಪಂದ್ಯ ನಡೆದಿತ್ತು. ಆತಿಥೇಯ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡಗಳು ಮುಖಾಮುಖಿಯಾಗಿದ್ದವು. ಅಂದು ಕೋಲ್ಕತ್ತಾ ಪರ ಆಡಿದ್ದ ಮೆಕಲಮ್ ಸ್ಫೋಟಕ ಶತಕ ಸಿಡಿಸಿದ್ದರು.

ಬರೋಬ್ಬರಿ 13 ಸಿಕ್ಸರ್‌ಗಳು

ಟಾಸ್ ಗೆದ್ದಿದ್ದ ಆರ್‌ಸಿಬಿ ಬೌಲಿಂಗ್ ಆಯ್ದುಕೊಂಡಿತ್ತು. ಬ್ಯಾಟಿಂಗ್‌ಗೆ ಇಳಿಸಲ್ಪಟ್ಟ ಕೆಕೆಆರ್ ನಿಂದ ಮೊಹಮ್ಮದ್ ಹಫೀಜ್ 5, ರಿಕಿ ಪಾಂಟಿಂಗ್ 20, ಡೇವಿಡ್ ಹಸ್ಸಿ 12, ಸೌರವ್ ಗಂಗೂಲಿ 10, ಬ್ರೆಂಡನ್ ಮೆಕಲಮ್ ಅಜೇಯ 158 ರನ್ ಬಾರಿಸಿದ್ದರು. ಇದರಲ್ಲಿ 10 ಬೌಂಡರಿ, 13 ಸಿಕ್ಸರ್‌ಗಳು ಸೇರಿದ್ದವು. ಕೆಕೆಆರ್ 20 ಓವರ್‌ಗೆ 3 ವಿಕೆಟ್ ನಷ್ಟದಲ್ಲಿ 222 ರನ್ ಕಲೆ ಹಾಕಿತ್ತು.

ಆರ್‌ಸಿಬಿಗೆ ಹೀನಾಯ ಸೋಲು

ಐಪಿಎಲ್ ಆರಂಭಿಕ ಪಂದ್ಯದಲ್ಲೇ ಆರ್‌ಸಿಬಿ ಹೀನಾಯವಾಗಿ ಸೋತಿತ್ತು. ಅದೂ ಮೆಕಲಮ್‌ನಿಂದಾಗಿ. ಗುರಿ ಬೆನ್ನಟ್ಟಿದ ಆರ್‌ಸಿಬಿ ಪರ ಝಹೀರ್ ಖಾನ್ 3, ಪ್ರವೀಣ್ ಕುಮಾರ್ 18, ಆಶ್ಲೇ ನೋಫ್ಕೆ 9, ಮಾರ್ಕ್ ಬೌಚರ್ 7, ರಾಹುಲ್ ದ್ರಾವಿಡ್ 2, ಕೆಮರಾನ್ ವೈಟ್ 6, ವಾಸಿಮ್ ಜಾಫರ್ 6, ಸುನಿಲ್ ಜೋಷಿ 3, ಜಾಕ್ ಕ್ಯಾಲೀಸ್ 8, ವಿರಾಟ್ ಕೊಹ್ಲಿ 1 ರನ್ ಬಾರಿಸಿದ್ದರು. ಆರ್‌ಸಿಬಿ 15.1 ಓವರ್‌ಗೆ ಎಲ್ಲಾ ವಿಕೆಟ್‌ಗಳನ್ನು ಕಳೆದು 82 ರನ್ ಬಾರಿಸಿ 140 ರನ್‌ನಿಂದ ಸೋತಿತ್ತು.

ಅಗರ್ಕರ್, ದಿಂಡಾ ಮಾರಕ ಬೌಲಿಂಗ್

ಆರ್‌ಸಿಬಿ ತಂಡ ಅಂದು 140 ರನ್‌ ಸೋಲನುಭವಿಸಲು ಮತ್ತೊಂದು ಕಾರಣ ಕೆಕೆಆರ್‌ನಿಂದ ಮಾರಕ ಬೌಲಿಂಗ್. ಆವತ್ತು ಕೆಕೆಆರ್‌ನಿಂದ ಲಕ್ಷ್ಮಿ ಶುಕ್ಲಾ 1, ಸೌರವ್ ಗಂಗೂಲಿ 2, ಅಶೋಕ್ ದಿಂಗಾ 9 ರನ್‌ಗೆ 2, ಅಜಿತ್ ಅಗಕರ್ಕರ್ 25 ರನ್‌ಗೆ 3, ಇಶಾಂತ್ ಶರ್ಮಾ 1 ವಿಕೆಟ್ ಮುರಿದಿದ್ದರು. ಬ್ರೆಂಡನ್ ಮೆಕಲಮ್ ಪಂದ್ಯಶ್ರೇಷ್ಠರೆನಿಸಿದ್ದರು.