ಗವಾಸ್ಕರ್ ದಾಖಲೆ ಮುರಿದ ನಾಯಕ ವಿರಾಟ್ ಕೊಹ್ಲಿ

ಕನ್ನಡ Edition

ICC T20 World Cup 2026

Get Updates

Get notified on match updates, sports news, and in-depth analysis!

ನಾಗ್ಪುರ್, ನವೆಂಬರ್ 26: ಪ್ರವಾಸಿ ಶ್ರೀಲಂಕಾ ವಿರುದ್ಧ ಎರದನೇ ಟೆಸ್ಟ್ ಪಂದ್ಯದ ಮೂರನೇ ದಿನದಂದು ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ಮತ್ತೊಂದು ದಾಖಲೆ ಬರೆದಿದ್ದಾರೆ.

ಶತಕ ಬಾರಿಸಿದ ಕೊಹ್ಲಿ ಅವರು ಭಾರತ ತಂಡದ ಮಾಜಿ ನಾಯಕ ಸುನಿಲ್ ಗವಾಸ್ಕರ್ ಅವರ ದಾಖಲೆಯನ್ನು ಮುರಿದಿದ್ದಾರೆ. ಗವಾಸ್ಕರ್ ಅವರು ನಾಯಕನಾಗಿ ಅತಿ ಹೆಚ್ಚು ಶತಕ ಬಾರಿಸಿದ ದಾಖಲೆ ಹೊಂದಿದ್ದರು.

ಈಡನ್ ಗಾರ್ಡನ್ ಸ್ಟೇಡಿಯಂನಲ್ಲಿ ಶ್ರೀಲಂಕಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಅಜೇಯ 105 ಬಾರಿಸಿ ಅಂತಾರಾಷ್ಟ್ರೀಯ ಕ್ರಿಕೆಟ್ ನಲ್ಲಿ ತಮ್ಮ 50ನೇ ಶತಕ ಪೂರೈಸಿದ್ದರು. ಇದರ ಜತೆಗೆ ನಾಯಕನಾಗಿ 11ನೇ ಶತಕ ಬಾರಿಸಿದ್ದರು. ಈ ಮೂಲಕ ಗವಾಸ್ಕರ್ ಅವರ ಸಮಕ್ಕೆ ನಿಂತಿದ್ದರು.

ಈಗ ನಾಗ್ಪುರ್ ನಲ್ಲಿ ನಡೆದಿರುವ ಟೆಸ್ಟ್ ಪಂದ್ಯದಲ್ಲಿ ಟೆಸ್ಟ್ ವೃತ್ತಿ ಜೀವನದ 19ನೇ ಹಾಗೂ ಒಟ್ಟಾರೆ 51ನೇ ಶತಕ ಬಾರಿಸಿದ್ದಾರೆ. ಭಾರತದ ನಾಯಕನಾಗಿ 12ನೇ ಶತಕ ಗಳಿಸಿದ್ದು, ಎಲ್ಲರಿಗಿಂತ ಮುಂದಿದ್ದಾರೆ.

ವಿರಾಟ್ ಕೊಹ್ಲಿ ಸಾಧನೆ

ಈ ಶತಕದ ನೆರವಿನಿಂದ ಕೊಹ್ಲಿ ಟೆಸ್ಟ್ ನಲ್ಲಿ 19 ಹಾಗೂ ಏಕದಿನ ಕ್ರಿಕೆಟ್ 32 ಶತಕಗಳಿಸಿದ್ದಾರೆ. ಒಟ್ಟು 51 ಶತಕ ಬಾರಿಸಿದ್ದು, ಅತಿ ಹೆಚ್ಚು ಶತಕ ಗಳಿಸಿರುವ ಭಾರತೀಯ ಆಟಗಾರರ ಪೈಕಿ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರ ನಂತರದ ಸ್ಥಾನದಲ್ಲಿದ್ದಾರೆ.

ಕೊಹ್ಲಿ ಅವರು 31 ಪಂದ್ಯಗಳಲ್ಲಿ 49 ಇನ್ನಿಂಗ್ಸ್ ಗಳಿಂದ 12 ಶತಕ ಹಾಗೂ 4 ಅರ್ಧಶತಕ ಗಳಿಸಿದ್ದಾರೆ.