ಬೆಂಗಳೂರು, ಡಿ.17: 2015ರಲ್ಲಿ ಗೂಗಲ್ ಸರ್ಚ್ ಇಂಜಿನ್ ನಲ್ಲಿ ಅತಿ ಹೆಚ್ಚು ಬಾರಿ ಯಾವ ಕ್ರೀಡಾಪಟುವಿಗಾಗಿ ಹುಡುಕಾಟ ನಡೆಸಲಾಗಿದೆ ಎಂಬ ವಿಷಯವನ್ನು ಪ್ರಕಟಿಸಲಾಗಿದೆ. ಭಾರತದ ಟೆಸ್ಟ್ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಅವರು ಫುಟ್ಬಾಲ್ ತಾರೆ ಲಿಯೊನೆಲ್ ಮೆಸ್ಸಿ ಅವರನ್ನು ಹಿಂದೆ ಹಾಕಿ ನಂ.1 ಸ್ಥಾನಕ್ಕೇರಿದ್ದಾರೆ.
ಗೂಗಲ್ ಸರ್ಚ್ ಇಂಜಿನ್ ನಲ್ಲಿ ಅತಿ ಹೆಚ್ಚು ಹುಡಕಲ್ಪಟ್ಟಿರುವ ಸರ್ಚ್ ರಿಸಲ್ಟ್ ನ ಟಾಪ್ 10 ಪಟ್ಟಿಯಲ್ಲಿ ಆರು ಭಾರತೀಯ ಕ್ರೀಡಾಪಟುಗಳಿರುವುದು ವಿಶೇಷ.
ಕ್ರಿಕೆಟ್ ನಿಂದ ನಿವೃತ್ತಿಯಾಗಿ 2 ವರ್ಷ ಕಳೆದರೂ ಸಚಿನ್ ತೆಂಡೂಲ್ಕರ್ ಅವರು ಜನಪ್ರಿಯತೆ ಕುಗ್ಗಿಲ್ಲ. ಗೂಗಲ್ ಸರ್ಚ್ನಲ್ಲಿ ಭಾರತದ ಏಕದಿನ ಕ್ರಿಕೆಟ್ ನಾಯಕ ಎಂಎಸ್ ಧೋನಿಯನ್ನು ಹಿಂದಿಕ್ಕಿ ಸಚಿನ್ ಮುಂದಿದ್ದಾರೆ. ತೆಂಡೂಲ್ಕರ್ ಅವರು 3ನೇ ಸ್ಥಾನ ಹಾಗೂ ಧೋನಿ 4ನೇ ಸ್ಥಾನದಲ್ಲಿದ್ದಾರೆ. ಟೆನಿಸ್ ತಾರೆ ಸಾನಿಯಾ ಮಿರ್ಜಾಗೆ 2015 ಅತ್ಯಂತ ಯಶಸ್ಸು ತಂಪುಕೊಟ್ಟ ವರ್ಷವಾಗಿದ್ದು, 7ನೇ ಸ್ಥಾನದಲ್ಲಿದ್ದಾರೆ.