ಜಯದ ಸಮೀಪ ತಲುಪಿದ್ದೆವು
'ಹಲವು ಬಾರಿ ನಾವು ಜಯದ ಸಮೀಪ ತಲುಪಿದ್ದೆವು. ಲೀಗ್ ನ ಆರಂಭದಲ್ಲಿ ನಾವು ಕೈಗೊಂಡ ಕೆಲವು ತೀರ್ಮಾನ ಫಲ ತರಲಿಲ್ಲ. ನಾವು ಹಲವು ಅವಕಾಶಗಳನ್ನು ನಿರ್ಮಿಸಿದರೂ ಪ್ರಯೋಜನವಾಗಲಿಲ್ಲ' ಎಂದು ಜೇಮ್ಸ್ ಹೇಳಿದರು.
ಗೆಲ್ಲುವುದೇ ಆಶಯ
'ಒಬ್ಬ ಹೆಡ್ ಕೋಚ್ ಆಗಿ ಎಲ್ಲ ಪಂದ್ಯಗಳನ್ನು ಗೆಲ್ಲಬೇಕೆಂಬುದು ನನ್ನ ಆಶಯ. ಪ್ರತಿ ವರ್ಷವೂ ನಾವು ಫೈನಲ್ ತಲುಪುವ ಗುರಿಯೊಂದಿಗೆ ಆಡುತ್ತೇವೆ. ಪ್ರೇಕ್ಷಕರಿಗೆ ಮನರಂಜನೆ ನೀಡುವುದು ನಮ್ಮ ಗುರಿ. ಎಟಿಕೆ ವಿರುದ್ಧದ ಮೊದಲ ಪಂದ್ಯ ನೋಡಿದಾಗ ನಾವು ಜಯದ ಹಾದಿಯಲ್ಲೇ ಮುಂದುವರಿಯುತ್ತಿದ್ದೆವು. ನಮ್ಮ ಕೋಚ್ ಹಾಗೂ ಆಟಗಾರರು ಶೇ 100 ಶ್ರಮ ವಹಿಸಿದ್ದಾರೆ." ಎಂದು ಹೇಳಿದರು.
ಪ್ಲೇ ಆಫ್ ಹಾದಿ ಕಠಿಣ
ಮಂಗಳವಾರದ (ಡಿಸೆಂಬರ್ 4) ಪಂದ್ಯದಲ್ಲೂ ಕೇರಳ ಸೋತರೆ ಪ್ಲೇ ಆಫ್ ಹಾದಿ ಕಠಿಣವಾಗಲಿದೆ. ಕಳೆದ ಋತುವಿನಲ್ಲಿ 30 ಅಂಕಗಳನ್ನು ತಂಡ ಗಳಿಸಿತ್ತು. ಈಗ ಎಂಟು ಪಂದ್ಯಗಳು ಉಳಿದಿದ್ದು ಗಳಿಸಿದ್ದು ಕೇವಲ ಎಂಟು ಅಂಕಗಳು. ಕರೇಜ್ ಪೆಕುಸನ್ ಹಾಗೂ ಸ್ಲಾವಿಸಾ ಸ್ಟೊಜಾನೊವಿಕ್ ತಂಡಕ್ಕೆ ಆಗಮಿಸಿರುವುದು ಜೇಮ್ಸ್ ಪಾಲಿಗೆ ಸಂತಸದ ವಿಷಯ. ಜೆಮ್ಷೇಡ್ಪುರದ ವಿರುದ್ಧ ಕೇರಳ ಮೇಲುಗೈ ಸಾಧಿಸುವ ಸಾಮರ್ಥ್ಯ ಹೊಂದಿದೆ. ಟಾಟಾ ಪಡೆ ಈ ಪಂದ್ಯಕ್ಕೆ ಆಗಮಿಸುವಾಗ ಡ್ರಾದೊಂದಿಗೆ ಬಂದಿದೆ. 10 ಪಂದ್ಯಗಳಲ್ಲಿ ಜೆಮ್ಷೆಡ್ಪುರ ಆರು ಡ್ರಾ ಕಂಡಿದೆ ಸೋತಿರುವುದು ಒಂದು ಮಾತ್ರ.
ಜೆಮ್ಷೆಡ್ಪುರ ವಿಫಲ
ನಾರ್ತ್ ಈಸ್ಟ್ ಯುನೈಟೆಡ್ ವಿರುದ್ಧದ ಪಂದ್ಯದಲ್ಲಿ ಗೋಲು ಗಳಿಸುವಲ್ಲಿ ಜೆಮ್ಷೆಡ್ಪುರ ವಿಫಲವಾಗಿತ್ತು. ಇದು ಮೊದಲ ಬಾರಿಗೆ ತಂಡ ಗೋಲು ಗಳಿಸುವಲ್ಲಿ ವಿಫಲವಾಗಿದೆ. ಸರ್ಗಿಯೋ ಸಿಡೊಂಚಾ ಮೂರು ಹೋಳುಗಳನ್ನು ಗಳಿಸಿದ್ದು ಹಾಗೂ ಮೂರು ಗೋಲುಗಳಿಗೆ ನೇರವಾಗಿದ್ದಾರೆ.