ಐಎಸ್‌ಎಲ್‌: ಅಕ್ಟೋಬರ್ 26ಕ್ಕೆ ಹಾಲಿ, ಮಾಜಿ ಚಾಂಪಿಯನ್ನರ ಕದನ ಕುತೂಹಲ

ಸಮಾನ ಹಂತದಲ್ಲಿವೆ

'ಹೆಚ್ಚಿನ ತಂಡಗಳು ಸಮಾನ ಹಂತದಲ್ಲಿವೆ. ಆದರೆ ಕೆಲವು ತಂಡಗಳು ಉತ್ತಮ ಪ್ರದರ್ಶನ ತೋರಿ ಮುಂದೆ ಸಾಗಿವೆ. ನಾವು ಕೂಡ ಎಲೈಟ್ ಗುಂಪನ್ನು ತಲುಪಬೇಕಾಗಿದೆ. ಮನೆಯಂಗಣದಲ್ಲಿ ನಮಗೆ ಜಯದ ಅಗತ್ಯವಿದೆ. ಉತ್ತಮ ತಂಡಗಳು ಮನೆಯಂಗಣದಲ್ಲಿ ಜಯ ಗಳಿಸುತ್ತವೆ. ಮನೆಯಂಗಣದ ಅಭಿಮಾನಿಗಳ ಸಮ್ಮುಖದಲ್ಲಿ ನಾವು ಅಂಕ ಗಳಿಸಬೇಕಾಗಿದೆ' ಎಂದು ಕೊಪ್ಪೆಲ್ ಹೇಳಿದ್ದಾರೆ.

ಅಂಕ ಗಳಿಸುವ ಅನಿವಾರ್ಯತೆ

ಚೆನ್ನೆ‘ಯಿನ್ ತಂಡ ಕೂಡ ಮೂರು ಅಂಕಗಳನ್ನು ಗಳಿಸುವ ಅನಿವಾರ್ಯತೆಯಲ್ಲಿದೆ. ಅವರಿಗೆ ಈಋತುವಿನ ಜಯದ ಖಾತೆಯ ಅಗತ್ಯವಿದೆ. ಇನ್ನೂ ಮೂರು ಅಂಕ ಗಳಿಸಿಲ್ಲ. ಮೂರು ಪಂದ್ಯಗಳಲ್ಲಿ ಸತತ ಸೋಲು ಅನುಭವಿಸಿದ ನಂತರ ಡೆಲ್ಲಿ ಡೈನಮೋಸ್ ವಿರುದ್ಧದ ಪಂದ್ಯದಲ್ಲಿ ಗೋಲಿಲ್ಲದೆ ಡ್ರಾ ಕಂಡಿದೆ.

ಗೆಲ್ಲುವ ಭರವಸೆ

ಡ್ರಾ ಫಲಿತಾಂಶದ ನಂತರ ತಂಡ ಮೂರು ಅಂಕಗಳನ್ನು ಗಳಿಸುವ ಆತ್ಮವಿಶ್ವಾಸ ಹೊಂದಿದೆ ಎಂದು ಕೋಚ್ ಜಾನ್ ಗ್ರೆಗೋರಿ ಅವರ ನಿಲುವು. ದುರ್ಬಲ ಡೆಲ್ಲಿ ವಿರುದ್ಧವೂ ಚೆನ್ನೆ‘ಯಿನ್ ತಂಡಕ್ಕೆ ಗೋಲು ಗಳಿಸಲಾಗಲಿಲ್ಲ ಎಂಬುದು ಗಮನಾರ್ಹ. ಪ್ಲೇ ಆಫ್ ಹಂತದ ಸ್ಪರ್ಧೆಯಲ್ಲಿರುವ ಹಾಲಿ ಚಾಂಪಿಯನ್ ಚೆನ್ನೆ‘ಯಿನ್ ತಂಡಕ್ಕೆ ಈಗ ಜಯದ ಹೊರತಾಗಿ ಬೇರೇನೂ ಬೇಕಾಗಿಲ್ಲ.

ಪ್ರದರ್ಶನ ಉತ್ತಮಗೊಳ್ಳುತ್ತಿದೆ

ನಾವು ಇದುವರೆಗೂ ನಾಲ್ಕು ಪಂದ್ಯಗಳನ್ನು ಆಡಿದ್ದೇವೆ, ತಂಡದಲ್ಲಿ ಹೊಸ ಮುಖಗಳಿವೆ. ಅವರಿಗೆ ಹೊಂದಿಕೊಳ್ಳಲು ಇನ್ನು ಕೆಲವು ಸಸಮಯ ಬೇಕಾಗುತ್ತದೆ. ದಿನದಿಂದ ದಿನಕ್ಕೆ ಪ್ರದರ್ಶನದ ಗುಣಮಟ್ಟ ಉತ್ತಮಗೊಳ್ಳುತ್ತಿದೆ. ನಾವು ಮಾಡಿದ ತಪ್ಪುಗಳನ್ನು ಸರಿಪಡಿಸಿಕೊಳ್ಳುತ್ತಿದ್ದೇವೆ. ಆದರೆ ನಾವು ಉತ್ತಮ ಪ್ರದರ್ಶನ ನೀಡಲಿದ್ದೇವೆ ಎಂಬ ನಂಬಿಕೆ ಇದೆ ಎಂದು ಸಹಾಯಕ ಕೋಚ್ ಸಬೀರ್ ಪಾಶಾ ಹೇಳಿದ್ದಾರೆ. ಜಾನ್ ಗ್ರೆಗೋರಿ ಅನಾರೋಗ್ಯದ ಕಾರಣ ಅವರು ತಂಡದ ನಿರ್ವಹಣೆ ನೋಡಿಕೊಳ್ಳುತ್ತಿದ್ದಾರೆ.