Click it and Unblock the Notifications
ಪ್ರತಿ ತಂಡದಲ್ಲಿ 8 ಆಟಗಾರರು
ಪ್ರತಿ ತಂಡವು ತಲಾ ಗರಿಷ್ಠ ಎಂಟು ಆಟಗಾರರನ್ನು ಒಳಗೊಂಡಿರುತ್ತದೆ ಮತ್ತು ಒಬ್ಬ ಐಕಾನ್ ಪ್ಲೇಯರ್, ಕನಿಷ್ಠ ಇಬ್ಬರು ಟೈರ್-1 ಮತ್ತು ಟೈರ್-2 ಆಟಗಾರರು ಕ್ರಮವಾಗಿ ಮತ್ತು ಐಕಾನ್ ವಿಭಾಗ ಸೇರಿದಂತೆ ಕನಿಷ್ಠ ಇಬ್ಬರು ಮಹಿಳಾ ಆಟಗಾರರನ್ನು ಒಳಗೊಂಡಿರಬೇಕು.
ಪ್ರತಿ ತಂಡದಲ್ಲಿ ಕಿಡಂಬಿ ಶ್ರೀಕಾಂತ್, ಸಾಯಿ ಪ್ರಣೀತ್, ಅಶ್ವಿನಿ ಪೊನಪ್ಪ, ಚಿರಾಗ್ ಶೆಟ್ಟಿ, ಸಾತ್ವಿಕ್ ಸಾಯಿರಾಜ್ ರಂಕಿರೆಡ್ಡಿ, ಎಚ್‌ಎಸ್ ಪ್ರಣೋಯ್, ಪಿವಿ ಸಿಂಧು ಮತ್ತು ಜ್ವಾಲಾ ಗುಟ್ಟಾರಂತಹ ಸ್ಟಾರ್ ಮೆಂಟರ್ ಇದ್ದಾರೆ.
ಬೆಂಗಳೂರು ಲಯನ್ಸ್‌ನ ಮೆಂಟರ್ ಆಗಿ ಎರಡು ಒಲಿಂಪಿಕ್ ಪದಕ ವಿಜೇತೆ ಪಿ.ವಿ ಸಿಂಧು ಆಯ್ಕೆಯಾಗಿದ್ದು, ನಮ್ಮ ತಂಡದ ಆಟಗಾರರು ಯಾರು ಎಂಬುದನ್ನು ನೋಡಲು ನಾನು ಉತ್ಸುಕನಾಗಿದ್ದೇನೆ ಎಂದು ಹೇಳಿದ್ದಾರೆ.
ಇದು ಮೊದಲ ಋತುವಾಗಿದ್ದು, ಬಹಳಷ್ಟು ಪ್ರತಿಭಾವಂತ ಆಟಗಾರರು ಇದ್ದಾರೆ ಮತ್ತು ಪ್ರತಿ ತಂಡವು ಸಮತೋಲಿತ ತಂಡವನ್ನು ಆಯ್ಕೆ ಮಾಡಲು ಎದುರು ನೋಡುತ್ತಿದೆ.
ಬಿಡ್ಡಿಂಗ್ ಪ್ರಕ್ರಿಯೆ ಮತ್ತು ಪರ್ಸ್ ವ್ಯಾಲ್ಯೂ
ಸಾಧನೆ ಮಾಡಿದ ಶಟ್ಲರ್‌ಗಳಾದ ಮಿಥುನ್ ಮಂಜುನಾಥ್, ರಘು ಮರಿಸ್ವಾಮಿ, ಡೇನಿಯಲ್ ಫರೀದ್, ಸನೀತ್ ದಯಾನಂದ್, ಪ್ರಕಾಶ್ ರಾಜ್, ಸಾಯಿ ಪ್ರತೀಕ್, ಜನನಿ ಅನಂತಕುಮಾರ್ ಮತ್ತು ತಾನ್ಯಾ ಹಿರೇಮಠ್ ಅವರಿಗೆ ಐಕಾನ್ ಆಟಗಾರರ ಸ್ಥಾನಮಾನ ನೀಡಲಾಗಿದೆ.
ಪ್ರತಿ ತಂಡಕ್ಕೆ ಆಟಗಾರರ ಪರ್ಸ್ ಗರಿಷ್ಠ 12 ಲಕ್ಷ ರೂ.ಗಳಾಗಿದ್ದರೆ, ಐಕಾನ್ ಆಟಗಾರರ ಮೂಲ ಬೆಲೆ ರೂ. 2.5 ಲಕ್ಷ ಮತ್ತು ಬಿಡ್ಡಿಂಗ್‌ನ ಗರಿಷ್ಠ ಮಿತಿ ರೂ. 3.5 ಲಕ್ಷ ರೂಪಾಯಿ ಆಗಿದೆ.
ಟೈರ್-1 ಆಟಗಾರರಿಗೆ ಕನಿಷ್ಠ ಬೆಲೆ 75,000 ರೂ.ಗೆ ನಿಗದಿಪಡಿಸಲಾಗಿದ್ದು, 2 ಲಕ್ಷ ರೂ. ಗರಿಷ್ಠ ಮಿತಿಗೊಳಿಸಲಾಗಿದೆ. ಇನ್ನು ಟೈರ್-3 ಆಟಗಾರರು ಕನಿಷ್ಠ ರೂ.25,000 ಮೂಲ ಬೆಲೆ ಮತ್ತು ಗರಿಷ್ಠ ರೂ. 50,000 ಮೊತ್ತ ಪಡೆಯುತ್ತಾರೆ.
ಪ್ರಶಸ್ತಿ ಮೊತ್ತ ಎಷ್ಟಿರಲಿದೆ?
ಒಟ್ಟು ಪ್ರಶಸ್ತಿ ಮೊತ್ತ 60 ಲಕ್ಷ ರೂಪಾಯಿ
ಲೀಗ್ ವಿಜೇತರಿಗೆ: 24 ಲಕ್ಷ ರೂಪಾಯಿ
ರನ್ನರ್ ಅಪ್: 12 ಲಕ್ಷ ರೂಪಾಯಿ
ಸೆಮಿಫೈನಲ್ ತಲುಪಿದವರಿಗೆ: 6 ಲಕ್ಷ ರೂಪಾಯಿ
ಐದನೇ ಸ್ಥಾನ ಪಡೆದವರಿಗೆ: 4 ಲಕ್ಷ ರೂಪಾಯಿ
ಕೊನೆಯ ಮೂರು ಸ್ಥಾನ ಪಡೆದವರಿಗೆ ಕ್ರಮವಾಗಿ: 3, 2, 1 ಲಕ್ಷ ರೂಪಾಯಿ
ತಂಡದ ಪ್ರಶಸ್ತಿ ಗೌರವಗಳ ಹೊರತಾಗಿ, ಪ್ರತಿ ಪಂದ್ಯ ಮತ್ತು ಒಟ್ಟಾರೆ ಋತುವಿನಲ್ಲಿ ವಿವಿಧ ವೈಯಕ್ತಿಕ ಪ್ರದರ್ಶನಗಳಿಗೆ ಬಹುಮಾನ ನೀಡಲಾಗುವುದು, ಇದಕ್ಕಾಗಿ 4 ಲಕ್ಷ ರೂಪಾಯಿಗಳನ್ನು ಮೀಸಲಿಡಲಾಗಿದೆ.
