ಬೆಂಗಳೂರು, ಏಪ್ರಿಲ್ 14: ಕಾಮನ್ವೆಲ್ತ್ ಗೇಮ್ಸ್ ನಲ್ಲಿ ಭಾರತದ ಕ್ರೀಡಾಪಟುಗಳು ಶನಿವಾರದ ಆರಂಭದಲ್ಲಿಯೇ ಚಿನ್ನದ ಪದಕಗಳನ್ನು ಗೆದ್ದಿದ್ದಾರೆ.
ಬಾಕ್ಸಿಂಗ್ನಲ್ಲಿ ಮೇರಿ ಕೋಮ್ ಮತ್ತು ಗೌರವ್ ಸೋಲಂಕಿ ಎರಡು ಚಿನ್ನ ತಂದಿತ್ತಿದ್ದಾರೆ.
ಚಿನ್ನ ಗೆದ್ದ ಈ ಹುಡುಗನ ವಯಸ್ಸು ಕೇವಲ 15
ಮಹಿಳೆಯರ 48 ಕೆಜಿ ವಿಭಾಗದ ಫೈನಲ್ಸ್ನಲ್ಲಿ ಮೇರಿ ಕೋಮ್, ಉತ್ತರ ಐರ್ಲೆಂಡಿನ ಕ್ರಿಸ್ಟಿನಾ ಒಹರಾ ಅವರನ್ನು ಮಣಿಸಿದರು. ಮತ್ತೊಂದು ಪಂದ್ಯದಲ್ಲಿ ಗೌರವ್ ಸೋಲಂಕಿ ಪುರುಷರ 52 ಕೆಜಿ ವಿಭಾಗದಲ್ಲಿ ಉತ್ತರ ಐರ್ಲೆಂವಿನ ಬ್ರೆಂಡನ್ ಇರ್ವಿನ್ ಅವರನ್ನು ಸೋಲಿಸಿದರು.
GOLD🥇 NO 2 comes in 🇮🇳 What a gutsy fight by Gaurav Solanki, takes the match with a 4:1 decision and his first major medal. JAI HO#PunchMeinHaiDum #GC2018 #GC2018boxing #CWG2018 pic.twitter.com/t8mr4tf8TX
— Boxing Federation (@BFI_official) 14 April 2018
ಐದು ಬಾರಿ ವಿಶ್ವ ಚಾಂಪಿಯನ್ ಮತ್ತು ಒಲಿಂಪಿಕ್ಸ್ ನಲ್ಲಿ ಕಂಚಿನ ಪದಕ ಗೆದ್ದಿರುವ 35 ವರ್ಷದ ಮೇರಿ ಕೋಮ್ ಅವರಿಗೆ ಇದು ಮೊದಲ ಕಾಮನ್ವೆಲ್ತ್ ಕ್ರೀಡಾಕೂಟವಾಗಿದೆ. ಪ್ರಾಯಶಃ ಕೊನೆಯದೂ ಹೌದು. ಆದರೆ, ಈ ಕ್ರೀಡಾಕೂಟವನ್ನು ಅವರು ಸ್ಮರಣೀಯವನ್ನಾಗಿಸಿಕೊಂಡರು.
ಆರಂಭದಿಂದಲೇ ಮೇಲುಗೈ ಸಾಧಿಸಿದ ಮೇರಿ ಕೋಮ್, ಎದುರಾಳಿಯ ಮೇಲೆ ಸವಾರಿ ನಡೆಸಿದರು. 5-0ಯಿಂದ ನೇರವಾಗಿ ಗೆಲುವು ಕಂಡರು.
ಪುರುಷರ 49 ಕೆಜಿ ವಿಭಾಗದಲ್ಲಿ ಅಮಿತ್ ಫಂಗಲ್ ಇಂಗ್ಲೆಂಡಿನ ಗಲಾಲ್ ಯಫಾಯ್ ಅವರೆದುರು ಸೋಲು ಕಂಡು ಬೆಳ್ಳಿ ಪದಕಕ್ಕೆ ತೃಪ್ತಿಪಡೆದುಕೊಂಡರು.
Emotional @MangteC- the Legend, the Champion the HERO of Indian Sport, after winning her first Commonwealth Games Gold Medal. JAI HOOOO! #PunchMeinHaiDum #GC2018boxing #CWG2018 #GC2018 pic.twitter.com/XnKZ5idExs
— Boxing Federation (@BFI_official) 14 April 2018
20 ಚಿನ್ನ, 13 ಬೆಳ್ಳಿ ಮತ್ತು 14 ಪದಗಳನ್ನು ಗಳಿಸಿರುವ ಭಾರತ ಒಟ್ಟು 47 ಪದಕಗಳೊಂದಿಗೆ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ.