IPL 2023: ಆರ್‌ಸಿಬಿ ಈ ಸ್ಫೋಟಕ ಆಟಗಾರನನ್ನು ಖರೀದಿಸಬಹುದು ಎಂದ ಆಕಾಶ್ ಚೋಪ್ರಾ

ಸ್ಪಿನ್, ವೇಗಿಗಳ ವಿರುದ್ಧ ಆಕ್ರಮಣಕಾರಿ ಆಟ

ರಿಲೀ ರೊಸೊವ್ ಸ್ಫೋಟಕ ಆಟಗಾರ. ಮುಖ್ಯವಾಗಿ ಆತ ಎಡಗೈ ಬ್ಯಾಟರ್, ದಕ್ಷಿಣ ಆಫ್ರಿಕಾ ತಂಡದಲ್ಲಿ ಮೂರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡುತ್ತಾರೆ. ಅವರು ಸ್ಪಿನ್ ಮತ್ತು ವೇಗದ ಬೌಲಿಂಗ್‌ ವಿರುದ್ಧ ವೇಗವಾಗಿ ರನ್ ಗಳಿಸುವ ಸಾಮರ್ಥ್ಯ ಹೊಂದಿದ್ದಾರೆ.

ಭಾರತದ ವಿರುದ್ಧದ ಟಿ20 ಸರಣಿಯಲ್ಲಿ ಇಂದೋರ್ ನಲ್ಲಿ ನಡೆದ ಪಂದ್ಯದಲ್ಲಿ ಅವರು ಭರ್ಜರಿ ಶತಕ ಗಳಿಸಿದ್ದರು. ನಂತರ ಟಿ20 ವಿಶ್ವಕಪ್‌ನಲ್ಲಿ ಸಿಡ್ನಿಯಲ್ಲಿ ನಡೆದ ಬಾಂಗ್ಲಾದೇಶದ ವಿರುದ್ಧದ ಪಂದ್ಯದಲ್ಲಿ ಕೂಡ ಅರ್ಧಶತಕ ಗಳಿಸಿ ತಮ್ಮ ತಂಡದ ಗೆಲುವಿನಲ್ಲಿ ಮುಖ್ಯ ಪಾತ್ರ ವಹಿಸಿದ್ದರು.

ಟಿ20 ವಿಶ್ವಕಪ್ ಸೆಮಿಫೈನಲ್: ಈ 4 ವಿಚಾರಗಳಲ್ಲಿ ಅಂದುಕೊಂಡಂತೆ ಆದರೆ ಭಾರತ ಫೈನಲ್‌ಗೇರುವುದು ನಿಶ್ಚಿತ

ಸಿಎಸ್‌ಕೆ ಅವರ ಖರೀದಿಸುವ ಸಾಧ್ಯತೆ ಇಲ್ಲ

ಅನೇಕ ತಂಡಗಳಿಗೆ ಎಡಗೈ ಅಗ್ರ ಕ್ರಮಾಂಕದ ಬ್ಯಾಟರ್ ಬೇಕಾಗಬಹುದು, ಚೆನ್ನೈ ಸೂಪರ್ ಕಿಂಗ್ಸ್ ರಿಲೀ ರೊಸೊವ್ ಅವರನ್ನು ಆಯ್ಕೆ ಮಾಡುವ ಸಾಧ್ಯತೆ ಕಡಿಮೆ ಇದೆ ಎಂದು ಆಕಾಶ್ ಚೋಪ್ರಾ ಅಭಿಪ್ರಾಯಪಟ್ಟಿದ್ದಾರೆ.

ಚೋಪ್ರಾ ಅವರಿಗೆ ಬಿಡ್ ಮಾಡಬಹುದಾದ ಫ್ರಾಂಚೈಸಿಗಳಲ್ಲಿ ಆರ್‌ಸಿಬಿ ಮುಂಚೂಣಿಯಲ್ಲಿದೆ ಎಂದು ಅವರು ಹೇಳಿದರು. "ಆರ್‌ಸಿಬಿಯ ದೃಷ್ಟಿಕೋನದಿಂದ ಯೋಚಿಸುತ್ತಿದ್ದರೆ ಅವರು ಮ್ಯಾಕ್ಸ್‌ವೆಲ್‌ನ ಬ್ಯಾಕಪ್ ಆಗಬಹುದೇ? ಫಾಫ್ ಡು ಪ್ಲೆಸಿಸ್ ಕೂಡ ನಿಯಮಿತವಾಗಿ ಕ್ರಿಕೆಟ್ ಆಡುವುದಿಲ್ಲ. ಕೆಲವು ಹಂತದಲ್ಲಿ, ಅಲ್ಲಿ ಬದಲಾವಣೆಯ ಅಗತ್ಯವಿದೆ. ರಿಲೀ ರೊಸೊವ್ ಅವರಿಗೆ ಉತ್ತಮ ಆಯ್ಕೆಯಾಗುತ್ತಾರೆ. ಇತರೆ ಫ್ರಾಂಚೈಸಿಗಳು ಕೂಡ ಅವರನ್ನು ಖರೀದಿಸಲು ಉತ್ಸುಕರಾಗಿರಬಹುದು" ಎಂದು ಹೇಳಿದರು.

ಈ ಬೌಲರ್ ಗಳನ್ನು ಖರೀದಿಸಬಹುದು

ನೆದರ್ಲ್ಯಾಂಡ್ಸ್ ತಂಡದ ಪಾಲ್ ವ್ಯಾನ್ ಮೀಕೆರೆನ್ ಮತ್ತು ಬಾಸ್ ಡಿ ಲೀಡೆ ಈ ಬಾರಿ ಐಪಿಎಲ್‌ ಹರಾಜಿನಲ್ಲಿ ಭಾಗವಹಿಸಬಹುದು ಎಂದು ಆಕಾಶ್ ಚೋಪ್ರಾ ನಿರೀಕ್ಷಿಸಿದ್ದಾರೆ. "ವ್ಯಾನ್ ಮೀಕೆರೆನ್ ಸರಿಯಾದ ವೇಗದ ಬೌಲರ್ ಮತ್ತು ಬಾಸ್ ಡಿ ಲೀಡ್ ಆಲ್-ರೌಂಡರ್. ಆಲ್ ರೌಂಡರ್ ಐಪಿಎಲ್‌ನಲ್ಲಿ ಹೆಚ್ಚು ಕೆಲಸ ಮಾಡದಿರಬಹುದು ಏಕೆಂದರೆ ಕೆಳ ಕ್ರಮಾಂಕದಲ್ಲಿ ಬ್ಯಾಟ್ ಮಾಡುವವರಿಗೆ ಅವಕಾಶ ಸಿಗುವುದು ಕಡಿಮೆ" ಎಂದು ಹೇಳಿದರು.

ಆರ್‌ಸಿಬಿ ನೆದರ್ಲ್ಯಾಂಡ್ಸ್ ವೇಗಿಗಳ ಬಗ್ಗೆಯೂ ಆಸಕ್ತಿ ತೋರಿಸಬಹುದೆಂದು ಚೋಪ್ರಾ ಅಭಿಪ್ರಾಯಪಟ್ಟಿದ್ದಾರೆ. "ಪಾಲ್ ವ್ಯಾನ್ ಮೀಕೆರೆನ್ ಒಬ್ಬ ವಿಕೆಟ್-ಟೇಕಿಂಗ್ ಬೌಲರ್. ಆ ರೀತಿಯ ಬೌಲರ್‌ಗಳು ಭಾರತದಲ್ಲಿ ಕೆಲಸ ಮಾಡುತ್ತಾರೆ. ಜೋಶ್ ಹ್ಯಾಜಲ್‌ವುಡ್ ಆರ್‌ಸಿಬಿ ಪರವಾಗಿ ಚೆನ್ನಾಗಿ ಬೌಲಿಂಗ್ ಮಾಡುತ್ತಾರೆ, ಅವರಿಗೆ ಬ್ಯಾಕಪ್ ಆಗಿ ತೆಗೆದುಕೊಳ್ಳಬಹುದೇ ಪಾಲ್ ವ್ಯಾನ್ ಮೀಕೆರೆನ್ ಅವರನ್ನು ಖರೀದಿಸಬಹುದು ಅಥವಾ ಬ್ರಾಂಡನ್ ಗ್ಲೋವರ್ ಅಥವಾ ಲೋಗನ್ ವ್ಯಾನ್ ಬೀಕ್ ಆಯ್ಕೆ ಕೂಡ ಉತ್ತಮವಾಗಿರುತ್ತದೆ" ಎಂದು ಹೇಳಿದ್ದಾರೆ.