ಕೊಹ್ಲಿಯ ಚಿತ್ರ ಹಂಚಿಕೊಂಡಿರುವ ಅನುಷ್ಕಾ ಶರ್ಮಾ
ವಿರಾಟ್ ಕೊಹ್ಲಿ, ಕೊಳೆಯಾದ ತಮ್ಮ ಶೂಗಳನ್ನು ತೊಳೆದುಕೊಳ್ಳುತ್ತಿರುವ ಚಿತ್ರವನ್ನು ಅನುಷ್ಕಾ ಶರ್ಮಾ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ ಅನುಷ್ಕಾ ಶರ್ಮಾ. ಚಿತ್ರ ನೋಡಿದ ಹಲವರು ಕೊಹ್ಲಿಯ ಶಿಸ್ತಿಗೆ, ಆಟದ ಬಗ್ಗೆ ಇರುವ ಗಂಭೀರತೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಕೊಳೆಯಾದ ಶೂ ತೊಳೆಯುತ್ತಿರುವ ಕೊಹ್ಲಿ
ವಿರಾಟ್ ಕೊಹ್ಲಿ, ಕೊಳೆಯಾದ ತಮ್ಮ ಶೂಗಳನ್ನು ಟೂತ್ ಬ್ರಷ್ ಬಳಸಿ ಸ್ವಚ್ಛಗೊಳಿಸುತ್ತಿದ್ದಾರೆ. ಆಸ್ಟ್ರೇಲಿಯಾ ಪ್ರವಾಸಕ್ಕೆ ಹೋಗಲೆಂದು ಈ ತಯಾರಿ ಮಾಡಿಕೊಳ್ಳುತ್ತಿದ್ದಾರಂತೆ ಕೊಹ್ಲಿ. ಹಲವು ಬ್ರ್ಯಾಂಡ್ಗಳ ರಾಯಭಾರಿ ಆಗಿರುವ ಕೊಹ್ಲಿಗೆ ಹೊಸ ಶೂ ತೆಗೆದುಕೊಳ್ಳುವುದು ದೊಡ್ಡದಲ್ಲ, ಅಥವಾ ಕೆಲಸದವರಿಂದ ಶೂ ತೊಳೆಸಿಕೊಳ್ಳುವುದು ಸಹ ದೊಡ್ಡದಲ್ಲ, ಆದರೆ ಕೊಹ್ಲಿ ತಮ್ಮ ಶೂ ತಾವೇ ತೊಳೆದುಕೊಳ್ಳುತ್ತಿದ್ದಾರೆ ಇದರ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗಿದೆ.
ಹಲವು ಕ್ರಿಕೆಟ್ಟಿಗರು ಹೀಗೆಯೇ ಮಾಡುತ್ತಾರೆ
ಬಹುತೇಕ ಕ್ರಿಕೆಟಿಗರು, ತಮ್ಮ ಕ್ರಿಕೆಟ್ ಸಂಬಂಧಿತ ವಸ್ತುಗಳನ್ನು ತಾವೇ ಸ್ವಚ್ಛಮಾಡಿಕೊಳ್ಳುವ ಅಭ್ಯಾಸ ಇಟ್ಟುಕೊಂಡಿದ್ದಾರೆ. ಕ್ರಿಕೆಟ್ ಕಿಟ್ ಅನ್ನು ಬೇರೆಯವರಿಗೆ ಮುಟ್ಟಲೂ ಬಿಡದ ಆಟಗಾರರು ಇದ್ದಾರೆ. ಸಚಿನ್ ಸಹ ತಮ್ಮ ಕ್ರಿಕೆಟ್ ಸಾಮಗ್ರಿಗಳನ್ನು ತಾವೇ ಸ್ವಚ್ಛ ಮಾಡಿಕೊಳ್ಳುತ್ತಿದ್ದರು. ತಮ್ಮ ಕಾರನ್ನು ಸಹ ಅವರೇ ತೊಳೆಯುತ್ತಿದ್ದರು.
ನವೆಂಬರ್ 27 ರಿಂದ ಆಸ್ಟ್ರೇಲಿಯಾ ವಿರುದ್ಧ ಸರಣಿ
ವಿರಾಟ್ ಕೊಹ್ಲಿ ನೇತೃತ್ವದ ಭಾರತ ತಂಡವು ನವೆಂಬರ್ 27 ರಿಂದ ಆಸ್ಟ್ರೇಲಿಯಾ ಪ್ರವಾಸ ಆರಂಭಿಸಲಿದೆ. ಮೂರು ಟಿ-20, ಮೂರು ಏಕದಿನ ಹಾಗೂ ನಾಲ್ಕು ಟೆಸ್ಟ್ ಪಂದ್ಯಗಳನ್ನು ಆಡಲಿದೆ. ವಿರಾಟ್ ಕೊಹ್ಲಿಯು ಟೆಸ್ಟ್ ಸರಣಿಯ ಮಧ್ಯಭಾಗದಲ್ಲಿ ಭಾರತಕ್ಕೆ ವಾಪಸ್ಸಾಗಲಿದ್ದಾರೆ.