ಭಾರತಕ್ಕೆ ಆಡುವ ಪ್ರತಿಭೆಯುಳ್ಳ ಇಬ್ಬರು MI ಆಟಗಾರರನ್ನು ಹೆಸರಿಸಿದ ಮಾಜಿ ವೇಗಿ

ಸೂರ್ಯಕುಮಾರ್ ಯಾದವ್, ರಾಹುಲ್ ಚಾಹರ್

ಅತ್ಯುತ್ತಮ ಬೌಲರ್ ಆಗಿದ್ದ ಡಾಮಿನಿಕ್, ಮುಂಬೈ ಇಂಡಿಯನ್ಸ್ ಪರ ಆಡುತ್ತಿರುವ ರಾಹುಲ್ ಚಾಹರ್ ಹಾಗೂ ಸೂರ್ಯಕುಮಾರ್ ಯಾದವ್ ಅವರುಗಳಿಗೆ ಭಾರತ ತಂಡಕ್ಕೆ ಆಡುವ ಸಾಮರ್ಥ್ಯ, ಪ್ರತಿಭೆ ಇದೆ ಎಂದಿದ್ದಾರೆ. ಇಬ್ಬರೂ ಖಂಡಿತ ಭಾರತ ತಂಡವನ್ನು ಪ್ರತಿನಿಧಿಸಲಿದ್ದಾರೆ ಎಂದಿದ್ದಾರೆ ಡಾಮಿನಿಕ್.

ಸೂರ್ಯಕುಮಾರ್ ಯಾದವ್ ಗೆ ಪ್ರತಿಭೆ ಇದೆ ಎಂದ ಡಾಮಿನಿಕ್

ಸೂರ್ಯಕುಮಾರ್ ಯಾದವ್ ಬಗ್ಗೆ ಈಗಾಗಲೇ ಚರ್ಚೆಗಳಾಗಿವೆ. ಆಸ್ಟ್ರೇಲಿಯಾ ಟೂರ್‌ಗೆ ಸೂರ್ಯಕುಮಾರ್ ಯಾದವ್ ಆಯ್ಕೆ ಆಗಬೇಕಿತ್ತು ಎನ್ನಲಾಗುತ್ತಿದೆ. ಡಾಮಿನಿಕ್ ಸಹ ಈ ವಾದದ ಬೆನ್ನಿಗಿದ್ದಾರೆ. ಅವರ ಪ್ರಕಾರವೂ ಸೂರ್ಯಕುಮಾರ್ ಯಾದವ್ ಭಾರತ ತಂಡಕ್ಕೆ ಆಡುವ ಸಾಮರ್ಥ್ಯ ಹೊಂದಿದ್ದಾರೆ.

ಆಸ್ಟ್ರೇಲಿಯಾ ಸರಣಿಗೆ ಆಯ್ಕೆಯಾಗಿರುವ ರಾಹುಲ್

ಲೆಗ್ ಸ್ಪಿನ್ನರ್ ರಾಹುಲ್ ಚಾಹರ್ 2018 ರಿಂದ ಮುಂಬೈ ಪರ ಆಡುತ್ತಿದ್ದು, ಅದಕ್ಕೂ ಮುನ್ನಾ ಪುಣೆ ರೈಸರ್ಸ್ ಪರವಾಗಿ ಮೂರು ಐಪಿಎಲ್ ಪಂದ್ಯಗಳನ್ನಾಡಿದ್ದರು. ಅಂಡರ್ 19 ವಿಭಾಗದಲ್ಲಿ ಭಾರತವನ್ನು ಪ್ರತಿನಿಧಿಸಿರುವ ರಾಹುಲ್ ಚಾಹರ್‌ ಭಾರತ ತಂಡಕ್ಕೆ ಆಡುವ ಸಾಮರ್ಥ್ಯವಿದೆ ಎಂದಿದ್ದಾರೆ ಡಾಮಿನಿಕ್. ರಾಹುಲ್ ಚಾಹರ್ ಆಸ್ಟ್ರೇಲಿಯಾದ ಸರಣಿಗೆ ಆಯ್ಕೆ ಆಗಿದ್ದಾರೆ.

ಮುಂಬೈ ಇಂಡಿಯನ್ಸ್ ತಂಡವನ್ನು ಮೆಚ್ಚಿಕೊಂಡ ಡಾಮಿನಿಕ್

ಡಾಮಿನಿಕ್ ಮುಂಬೈ ಇಂಡಿಯನ್ಸ್ ತಂಡವನ್ನು ಸಹ ಮೆಚ್ಚಿಕೊಂಡಿದ್ದಾರೆ. ಆ ತಂಡವು ಹೊಸ ಪ್ರತಿಭೆಗಳನ್ನು ನಿಯಮಿತವಾಗಿ ಭಾರತಕ್ಕ ಕೊಡುಗೆ ನೀಡುತ್ತಿದೆ ಎಂದಿದ್ದಾರೆ. ಇಂದು (ನವೆಂಬರ್ 10) ಮುಂಬೈ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ನಡುವೆ ಐಪಿಎಲ್ 2020 ಫೈನಲ್ ಪಂದ್ಯ ನಡೆಯುತ್ತಿದ್ದು ಮುಂಬೈ, ಗೆಲ್ಲುವ ನೆಚ್ಚಿನ ತಂಡವಾಗಿದೆ.