ಮ್ಯಾಚ್ ವಿನ್ನರ್ ಅಲ್ಲದ ಆಟಗಾರ
ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡವು ಮುಂಬೈ ಇಂಡಿಯನ್ಸ್ ವಿರುದ್ಧ ಸೋಲು ಕಂಡ ಬಳಿಕ ಜಿಮ್ಮಿ ನೀಶಮ್ ಅವರ ಆಟವನ್ನು ಆಕಾಶ್ ಚೋಪ್ರಾ ಟೀಕಿಸಿದ್ದರು. 'ಓವರ್ಸೀಸ್ ವೇಗದ ಬೌಲರ್ ಆದ ನೀಶಮ್, ಪವರ್ ಪ್ಲೇನಲ್ಲಿಯೂ ಬೌಲಿಂಗ್ ಮಾಡುವುದಿಲ್ಲ, ಡೆತ್ ಓವರ್ನಲ್ಲಿಯೂ ಬೌಲಿಂಗ್ ಮಾಡಲಾರರು. ಅವರೊಬ್ಬ ಅದ್ಭುತ ಫಿನಿಶರ್ ಅಲ್ಲ ಮತ್ತು ಮೊದಲ ನಾಲ್ಕು ಅಥವಾ ಐದನೇ ಕ್ರಮಾಂಕದ ದೊಡ್ಡ ಬ್ಯಾಟ್ಸ್ಮನ್ ಕೂಡ ಅಲ್ಲ. ಹೀಗಿರುವಾಗ ಕಿಂಗ್ಸ್ ಇಲೆವೆನ್ ಅವರನ್ನು ಏಕೆ ಆಡಿಸುತ್ತಿದೆ? ನಿಜಕ್ಕೂ ಮ್ಯಾಚ್ ವಿನ್ನರ್ ಅಲ್ಲದ ಆಟಗಾರನನ್ನು ಆಡಿಸುತ್ತಿದ್ದೀರಿ' ಎಂದು ಚೋಪ್ರಾ ಹೇಳಿದ್ದರು.
ಈ ಸರಾಸರಿ ಪಂದ್ಯ ಗೆಲ್ಲಿಸಿರಲಾರದು
ಆಕಾಶ್ ಚೋಪ್ರಾ ಹೇಳಿಕೆಯ ವರದಿಯ ಸ್ಕ್ರೀನ್ ಶಾಟ್ಅನ್ನು ಹಂಚಿಕೊಂಡಿರುವ ನೀಶಮ್, 90 ಸ್ಟ್ರೈಕ್ ರೇಟ್ನಲ್ಲಿ 18.5 ಸರಾಸರಿ ಹೊಂದಿರುವುದು ಅಷ್ಟೇನೂ ಮ್ಯಾಚ್ಗಳನ್ನು ಕೂಡ ಗೆಲ್ಲಿಸಿರಲಾರದು' ಎಂದು ಆಕಾಶ್ ಚೋಪ್ರಾ ಅವರ ಏಕದಿನ ಕ್ರಿಕೆಟ್ ಅಂಕಿ ಅಂಶವನ್ನು ಹುಡುಕಿ ವ್ಯಂಗ್ಯವಾಡಿದ್ದರು.
'ವಯಸ್ಸು' ಇತರರಿಗೆ ತಂಡದಿಂದ ಕೈ ಬಿಡಲು ಒಂದು ಕಾರಣ: ಧೋನಿಗೆ ಪರೋಕ್ಷವಾಗಿ ಟಾಂಗ್ ಕೊಟ್ರಾ ಇರ್ಫಾನ್ ಪಠಾಣ್?
ಅದಕ್ಕೇ ನನ್ನ ಆಡಿಸಲಿಲ್ಲ ಗೆಳೆಯ
ಜಿಮ್ಮಿ ನೀಶಮ್ ಅವರ ಕುಹಕವನ್ನು ಅರ್ಥ ಮಾಡಿಕೊಂಡ ಆಕಾಶ್ ಚೋಪ್ರಾ ಅಷ್ಟೇ ಬುದ್ಧಿವಂತಿಕೆ ಹಾಗೂ ತೀಕ್ಷ್ಣ ಉತ್ತರ ನೀಡಿದ್ದಾರೆ. 'ಅದು ನಿಜ ನನ್ನ ಗೆಳೆಯ. ಅದಕ್ಕೇ ನನ್ನನ್ನು ಮತ್ತೆಂದೂ ತಂಡಕ್ಕೆ ಆಯ್ಕೆ ಮಾಡಲಿಲ್ಲ. ನನಗೆ ಬೇರೆ ಕೆಲಸ ಮಾಡುತ್ತಿರುವುದಕ್ಕೆ ಹಣ ನೀಡುತ್ತಿದ್ದಾರೆ. ನಿಮ್ಮ ಆಟದ ಕುರಿತಾದ ನನ್ನ ಗ್ರಹಿಕೆ ಬಗ್ಗೆ ನಿಮಗೆ ಆಕ್ಷೇಪವಿಲ್ಲ, ಕೇವಲ ನನ್ನ ಕ್ರಿಕೆಟ್ ಅಂಕಿ ಅಂಶವಷ್ಟೇ ಮುಖ್ಯ ಎಂದು ತಿಳಿದು ಖುಷಿಯಾಯಿತು. ಐಪಿಎಲ್ನ ಮುಂದಿನ ಪಂದ್ಯಗಳಲ್ಲಿ ಚೆನ್ನಾಗಿ ಆಡಿ' ಎಂದು ತಿರುಗೇಟು ನೀಡಿದ್ದಾರೆ.
ನಾನು ಆಡಿದ್ದೇ ಕಡಿಮೆ
ಆದರೂ ನೀಶಮ್ ತಮ್ಮ ವಾದವನ್ನೇನೂ ಕೈಬಿಟ್ಟಿಲ್ಲ. 'ನೀವು ಕೆಟ್ಟದಾಗಿ ಆಡುತ್ತಿದ್ದೀರಿ ಎಂಬುದನ್ನು ಒಪ್ಪಿಕೊಳ್ಳಿ. ಅದನ್ನು ಬಿಟ್ಟು ಮಾಜಿ ಆಟಗಾರನ ಸಾಧನೆ ಕೆದಕಿದರೆ ನಿಮ್ಮ ವೈಫಲ್ಯ ಮುಚ್ಚಿ ಹೋಗುವುದಿಲ್ಲ' ಎಂದು ಅನೇಕರು ನೀಶಮ್ ವಿರುದ್ಧ ಹರಿಹಾಯ್ದಿದ್ದಾರೆ. ನಾನು ಮಾರ್ಚ್ನಿಂದ ಬ್ಯಾಟಿಂಗ್ ಮಾಡಿದ್ದು ತೀರಾ ಕಡಿಮೆ. ಹೀಗಿರುವಾಗ ಇತ್ತೀಚಿನ ದಿನಗಳಲ್ಲಿ ನಿಮ್ಮ ಆಟ ಚೆನ್ನಾಗಿಲ್ಲ ಎಂದು ಹೇಳುವುದು ಎಷ್ಟು ಸರಿ ಎಂದು ನೀಶಮ್ ಕಿಡಿಕಾರಿದ್ದಾರೆ.