ಅಫ್ಘಾನಿಸ್ತಾನ ಮಣಿಸಿದ ಪಾಕಿಸ್ತಾನಕ್ಕೆ ಸೆಮಿಫೈನಲ್‌ನಲ್ಲಿ ಭಾರತ ಎದುರಾಳಿ!

ಅಫ್ಘಾನ್ ನೀರಸ ಬ್ಯಾಟಿಂಗ್

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಅಫ್ಘಾನಿಸ್ತಾನ, ಫರ್ಹಾನ್ ಜಖಿಲ್ 40, ರಹಮನುಲ್ಲ 29, ಆಬಿದ್ ಮೊಹಮ್ಮದಿ 28, ಮೊಹಮ್ಮದ್ ಇಶಾಕ್ 15, ಅಬ್ದುಲ್ ರಹ್ಮಾನ್ 30 ರನ್‌ನೊಂದಿಗೆ 49.1 ಓವರ್‌ಗೆ ಎಲ್ಲಾ ವಿಕೆಟ್‌ ಕಳೆದು 189 ರನ್ ಮಾಡಿತು.

ಹುರೈರಾ ಅರ್ಧ ಶತಕದಾಟ

ಗುರಿ ಬೆಂಬತ್ತಿದ ಪಾಕಿಸ್ತಾನ, ಹೈದರ್ ಅಲಿ 28, ಮುಹಮ್ಮದ್ ಹುರೈರಾ 64, ರೊಹೈಲ್ ನಝೀರ್ 22, ಕಾಸಿಮ್ ಅಕ್ರಮ್ 25, ಮೊಹಮ್ಮದ್ ಹ್ಯಾರಿಸ್ 29 ರನ್‌ ಕೊಡುಗೆಯೊಂದಿಗೆ 41.1ನೇ ಓವರ್‌ಗೆ 4 ವಿಕೆಟ್‌ ನಷ್ಟದಲ್ಲಿ 190 ರನ್‌ ಬಾರಿಸಿ ಗೆಲುವು ಸಂಭ್ರಮಿಸಿತು.

ಅಮೀರ್ ಮಾರಕ ಬೌಲಿಂಗ್

ಅಫ್ಘಾನ್‌ ಇನ್ನಿಂಗ್ಸ್‌ನಲ್ಲಿ ಪಾಕ್‌ನ ಮೊಹಮ್ಮದ್ ಅಮೀರ್ ಖಾನ್ 3, ಫಹಾದ್ ಮುನೀರ್ 2, ತಾಹಿರ್ ಹುಸೇನ್, ಅಬ್ಬಾಸ್ ಅಫ್ರಿದಿ, ಅಮಿರ್ ಅಲಿ, ಕಾಸಿಮ್ ಅಕ್ರಮ್ ತಲಾ 1 ವಿಕೆಟ್ ಪಡೆದರೆ, ಪಾಕ್‌ ಇನ್ನಿಂಗ್ಸ್‌ನಲ್ಲಿ ಅಫ್ಘಾನ್‌ನ ನೂರ್ ಅಹ್ಮದ್‌ಗೆ 2 ವಿಕೆಟ್‌ ಲಭಿಸಿತು. ಮುಹಮ್ಮದ್ ಹುರೈರಾ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡರು.

ಭಾರತ-ಪಾಕ್‌ ಮುಖಾಮುಖಿ

ಸದ್ಯದ ಅಂಕಪಟ್ಟಿಯಲ್ಲಿ ಗ್ರೂಪ್ 'ಎ'ಯಲ್ಲಿ ಅಗ್ರ ಸ್ಥಾನದಲ್ಲಿರುವ ಭಾರತ, ಗ್ರೂಪ್‌ 'ಸಿ'ಯಲ್ಲಿ ದ್ವಿತೀಯ ಸ್ಥಾನದಲ್ಲಿರುವ ಪಾಕಿಸ್ತಾನ ವಿರುದ್ಧ ಫೆಬ್ರವರಿ 4ರ ಮಂಗಳವಾರ 1.30 pmಗೆ ಸೆಮಿಫೈನಲ್ ಪಂದ್ಯವನ್ನಾಡಲಿದೆ. ಭಾರತ ಆಡಿದ 3ರಲ್ಲಿ 3 ಪಂದ್ಯ ಕೂಡ ಗೆದ್ದಿದೆ. ಪಾಕ್‌, 3ರಲ್ಲಿ 2 ಪಂದ್ಯ ಗೆದ್ದಿದೆ.