ಭಾರತದ ಪ್ರಭಾವಶಾಲಿ ಬ್ಯಾಟ್ಸ್ಮನ್
ಭಾರತೀಯ ಬ್ಯಾಟ್ಸ್ಮನ್ಗಳಲ್ಲಿ ತನಗೆ ಕೆಎಲ್ ರಾಹುಲ್ ಹೆಚ್ಚು ಇಷ್ಟ ಎಂದು ಆಸ್ಟ್ರೇಲಿಯಾದ ಖ್ಯಾತ ಬ್ಯಾಟ್ಸ್ಮನ್ ಸ್ಮಿತ್ ಹೇಳಿಕೊಂಡಿದ್ದಾರೆ. ಭಾರತದ ಬ್ಯಾಟ್ಸ್ಮನ್ಗಳಲ್ಲಿ ರಾಹುಲ್ ಅತ್ಯುತ್ತಮ ಆಟಗಾರ ಎಂದು ಸ್ಮಿತ್ ಹೇಳಿದ್ದಾರೆ.
ಸ್ಥಿರ ಪ್ರದರ್ಶನ ನೀಡಿದ್ದ ರಾಹುಲ್
ಭಾರತದ ಸೀಮಿತ ಓವರ್ಗಳ ತಂಡದಲ್ಲಿ ಹೆಚ್ಚು ಗಟ್ಟಿಯಾಗುತ್ತಿರುವ ರಾಹುಲ್, ಭಾರತದಲ್ಲಿ ನಡೆದಿದ್ದ ವೆಸ್ಟ್ ಇಂಡೀಸ್ ವಿರುದ್ಧದ ಮತ್ತು ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯಗಳಲ್ಲಿ ಸ್ಥಿರ ಪ್ರದರ್ಶನ ನೀಡಿದ್ದರು. ನ್ಯೂಜಿಲೆಂಡ್ ಪ್ರವಾಸದಲ್ಲೂ ಉತ್ತಮ ಆಟ ಪ್ರದರ್ಶಿಸಿದ್ದರು. ಇದೇ ಕಾರಣಕ್ಕೆ ಸ್ಮಿತ್ ರಾಹುಲ್ ಅವರನ್ನು ಯುವ ಬ್ಯಾಟ್ಸ್ಮನ್ಗಳಲ್ಲಿ ಪ್ರಭಾವಶಾಲಿ ಎಂದು ಕರೆದಿದ್ದಾರೆ.
ಐಪಿಎಲ್ ನೆಚ್ಚಿನ ಟೂರ್ನಿ
ತನ್ನ ಅಭಿಮಾನಿಗಳ ಜೊತೆ ಇನ್ಸ್ಟಾಗ್ರಾಮ್ ಲೈವ್ನಲ್ಲಿ ಮಾತನಾಡಿದ ಸ್ಮಿತ್, ಇಂಡಿಯನ್ ಪ್ರೀಮಿಯರ್ ಲೀಗ್ ತಾನು ಆಡಲು ಬಯಸುವ ನೆಚ್ಚಿನ ಟೂರ್ನಿ ಎಂದಿದ್ದಾರೆ. ಇದೇ ವೇಳೆ 'ನಿಮ್ಮನ್ನು ಹೆಚ್ಚು ಪ್ರಭಾವಗೊಳಿಸಿರುವ ಭಾರತದ ಆಟಗಾರ ಯಾರು?' ಎಂಬ ಪ್ರಶ್ನೆಗೆ ಉತ್ತರಿಸಿದ ಸ್ಮಿತ್, 'ಕೆಎಲ್ ರಾಹುಲ್. ಆತ ಅತ್ಯುತ್ತಮ ಆಟಗಾರ' ಎಂದಿದ್ದಾರೆ.
ಟಿ20 Rankingನಲ್ಲಿ ನಂ.2
ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಬಳಿಕ ಕೆಎಲ್ ರಾಹುಲ್ ವಿಶಿಷ್ಠ ಶೈಲಿಯ ಬ್ಯಾಟ್ಸ್ಮನ್ ಆಗಿ ಗುರುತಿಸಿಕೊಂಡಿದ್ದಾರೆ. 36 ಟೆಸ್ಟ್, 32 ಏಕದಿನ ಪಂದ್ಯಗಳು, 41 ಟಿ20ಐ ಪಂದ್ಯಗಳನ್ನಾಡಿರುವ ರಾಹುಲ್ ಕ್ರಮವಾಗಿ 2006, 1239 ಮತ್ತು 1461 ರನ್ ಗಳಿಸಿದ್ದಾರೆ. ಟಿ20 ಐಸಿಸಿ ರ್ಯಾಂಕಿಂಗ್ನಲ್ಲಿ ರಾಹುಲ್ ಸದ್ಯ 2ನೇ ಶ್ರೇಯಾಂಕದಲ್ಲಿದ್ದಾರೆ.